Tərtərlilər dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcəklər

Bakı:

21 °C

43 %

2 m/s

AZ RU EN

Ana səhifə / YAP xəbərləri / Tərtərlilər dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcəklər

Tərtərlilər dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcəklər

24.09.2013 [10:38]

Rayonun Qaraağacı,Qaradağlı, Əskipara və Qapanlı kəndlərində seçicilərlə növbəti görüşlər keçirilib
Yeni Azərbaycan Partiyası tərəfindən prezidentliyə namizədliyi irəli sürülmüş cənab İlham Əliyevin Tərtər rayonu üzrə seçki qərargahı tərəfindən müəyyənləşdirilmiş tədbirlər planına uyğun olaraq seçicilərlə görüşlər davam edir. Bu istiqamətdə növbəti görüş rayonun Qaraağacı,Qaradağlı, Əskipara və Qapanlı kəndlərində keçirilib.
Seçki-təşviqat kampaniyası çərçivəsində keçirilən tədbirləri giriş sözü ilə YAP Tərtər rayon təşkilatının sədri Ramiz Şabanov açaraq ölkəmizin növbəti bir tarixi mərhələ ərəfəsində olduğunu deyib. Oktyabrın 9-da Azərbaycanda növbəti prezident seçkilərinin keçiriləcəyini bildirən Ramiz Şabanov bu seçkilərdə cənab İlham Əliyevin qələbə qazanacağına kimsənin şübhə etmədiyini söyləyib.
Azərbaycanın son 20 ildə əsrlərə bərabər inkişaf yolu keçdiyini bildirən rayon təşkilatının sədri əsas diqqəti iqtisadi göstəricilərə yönəldib. Ramiz Şabanov deyib ki, ölkəmiz bu gün iqtisadi göstəriciləri ilə dünyanın diqqət və marağındadır: “Bu göstəricilər yalnız rəqəmlərdə deyil, insanların gündəlik həyatında da özünü büruzə verir. Əhalinin sosial müdafiəsinin gücləndirilməsi istiqamətində atılan addımlar buna əyani sübutdur”.
Görüşlərdə çıxış edən millət vəkili Sahib Alıyev Azərbaycanın əldə etdiyi iqtisadi uğurların hər bir sahədə köklü dəyişikliklərlə müşahidə olunduğunu və bunun vətəndaşlarımızın həyatında öz əksini tapdığını bildirib: “Sosial sahədə ardıcıl şəkildə həyata keçirilən layihələr onu göstərir ki, Azərbaycan hökuməti əhalinin maddi rifah halının yaxşılaşdırılması və onların bütün sosial qayğılarla əhatə olunmaları üçün güclü maliyyə imkanlarına və islahatları dərinləşdirmək iradəsinə malikdir. Təsadüfi deyil ki, Prezident İlham Əliyev dəfələrlə bəyan edib ki, sosial siyasət Azərbaycanın dövlət siyasətinin ayrılmaz hissəsidir. Bütün bunları qeyd etməklə yanaşı inanıram ki, 9 oktyabrda da xalqımız doğru qərar qəbul edəcək və dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcək”.
Seçicilər qarşısında çıxış edən YAP rayon təşkilatının Aparat rəhbəri Kamil Məmmədov cənab İlham Əliyevin təbliğatını aparmağın olduqca şərəfli və məsuliyyətli bir iş olduğunu söyləyib. Natiq deyib ki, Onun gördüyü işlər, atılan addımlar, ölkəmizə qazandırdığı nailiyyətlər hər kəs tərəfindən qəbul və etiraf olunur: “Cənab İlham Əliyev 10 illik fəaliyyəti dövründə hamıya göstərdi ki, dövlətini, millətini, xalqını çox sevir. Ona görə də, oktyabrın 9-da hər birimiz seçki məntəqələrinə gedərək Prezident İlham Əliyevə səs verəcəyik. Biz İlham Əliyevə səs verməklə, öz gələcəyimizə səs verəcəyik”.
Eyni zamanda, görüşlərdə Qaraağacı kənd sakinləri, Fərman Qurbanov, Şükür Əhmədov, Rəşad Qarayev, Qaradağlı kənd sakinləri, Yusif Salayev, Baxşeyiş Mehdiyev, Əskipara kənd sakinləri, Allahyar Allahverdiyev, Tapdıq Rüstəmov, Afət Cəfərova, Qapanlı kənd sakinləri, Məhərrəm Yusifov, Bəşarət Məmmədova çıxış edərək xalqın seçiminin artıq bəlli olduğunu bildiriblər. Çıxışlarda qeyd olunub ki, hazırda Azərbaycanın bütün rayonlarında, o cümlədən, Tərtərdə də böyük infrastruktur layihələri həyata keçirilir. İqtisadiyyatın yeni sektorlarına fəal qaydada sərmayə yatırılır: “Bütün bu uğurların və inkişafın davam etməsi üçün isə biz tərtərlilər oktyabrın 9-da cənab İlham Əliyevə səs verəcəyik”.
NADİR

Paylaş:

Baxılıb: 1139 dəfə