Qazanılan nailiyyətlər xalqımızı daha böyük qələbələrə, zəfərlərə ruhlandırır

Bakı:

24 °C

52 %

3 m/s

Əlaqə

AZ RU EN

Ana səhifə / YAP xəbərləri / Qazanılan nailiyyətlər xalqımızı daha böyük qələbələrə, zəfərlərə ruhlandırır

Qazanılan nailiyyətlər xalqımızı daha böyük qələbələrə, zəfərlərə ruhlandırır

27.09.2013 [10:14]

Göygöl rayonunun Qarabulaq, Quşçu və Sarısu kəndlərində seçicilərlə növbəti görüşlər keçirilib
Dünən YAP Göygöl rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində rayonun Qarabulaq, Quşçu və Sarısu kəndlərində seçicilərlə növbəti görüşlərini keçirib.
Öncə çıxış edən YAP Göygöl rayon təşkilatının sədri Turani Əliyev Azərbaycanın Prezident İlham Əliyevin rəhbərliyi ilə böyük inkişaf yolu keçdiyini, gələcəyə inamla addımladığını bildirib: “Son 10 ilin nailiyyətləri sübut edir ki, Ulu öndər Heydər Əliyevin müstəqil Azərbaycanın gələcəyi üçün nəzərdə tutduğu bütün işlər böyük uğurla həyata keçirilir. Bu gün hər bir vətəndaşımız ölkəmizin uğurlarından qürur duyur. Qazanılan nailiyyətlər xalqımızı daha böyük qələbələrə, zəfərlərə ruhlandırır”.
Təşkilat sədri əlavə edib ki, iqtisadiyyatımızın dinamik inkişaf etməsi, abadlıq və quruculuq işləri, şəhər və kəndlərimizin simasının dəyişməsi sübut edir ki, Prezident İlham Əliyev Heydər Əliyev yolunu çox böyük uğurla davam etdirir: “Cənab İlham Əliyevin rəhbərliyi ilə həyata keçirilən siyasət dövlətimizin milli maraqlarına xidmət edir, eləcə də, əldə edilən uğurların təminatçısıdır. Bu gün Azərbaycan vətəndaşları Prezident İlham Əliyevi alternativsiz lider kimi dəyərləndirir”.
T.Əliyev əldə edilən uğurların davamlı olması üçün seçiciləri Yeni Azərbaycan Partiyasının namizədi cənab İlham Əliyevə səs verməyə çağırıb.
Daha sonra çıxış edən YAP Göygöl rayon təşkilatının sədr müavini Vüqar İsayev bildirib ki, Prezident İlham Əliyevin rəhbərliyi ilə həyata keçirilən uğurlu siyasət sayəsində əldə edilmiş dinamik iqtisadi tərəqqi və ictimai-siyasi sabitlik cəmiyyətimizin maraqlarını ifadə edir: “Buna görə də, tərəddüdsüz deyə bilərik ki, cənab İlham Əliyev qarşıdan gələn prezident seçkilərində növbəti dəfə qalib olacaq”.
Daha sonra çıxış edənlər-təbliğat qrupunun üzvləri-Musa Bayramov, Məhəmməd Aslanov, seçicilər-Səxavət Əliyeva, Həbib Hüseynov və digərləri Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs ediblər və Yeni Azərbaycan Partiyasının namizədinin növbəti dəfə əzəmətli qələbə qazanacağına inandıqlarını bildiriblər. Qeyd edilib ki, ötən 10 ilin nəticələri və yekunları bir daha sübut edir ki, möhtərəm Prezidentimizin rəhbərliyi ilə reallaşdırılan inkişaf siyasəti bütün sahələrin paralel inkişafını ən yüksək səviyyədə təmin edib və bu tərəqqi ardıcıl sürətdə davam etməkdədir.
NURLAN

Paylaş:

Baxılıb: 1185 dəfə