Mingəçevir seçicilərinin seçimi cənab İlham Əliyevdir

Bakı:

27 °C

45 %

3 m/s

Əlaqə

AZ RU EN

Ana səhifə / YAP xəbərləri / Mingəçevir seçicilərinin seçimi cənab İlham Əliyevdir

Mingəçevir seçicilərinin seçimi cənab İlham Əliyevdir

28.09.2013 [11:03]

Təbliğat-təşviqat kampaniyası çərçivəsində şəhər sakinləri ilə növbəti görüş keçirilib
Yeni Azərbaycan Partiyasının (YAP) prezidentliyə namizədi cənab İlham Əliyevin Mingəçevir şəhəri üzrə seçki qərargahının təbliğat-təşviqat qrupu dünən seçicilərlə növbəti görüş keçirib.
Çıxış edən YAP Mingəçevir şəhər təşkilatının sədri Cavanşir Yusubov bildirib ki, Prezident İlham Əliyevin 10 illik hakimiyyəti dövründə Azərbaycan dövləti daha da inkişaf edərək regionun ən qüdrətli ölkəsinə çevrilib: “Ulu öndərin müdrik siyasətinin layiqli davamçısı olan cənab İlham Əliyev indi dünyanın ən nüfuzlu və güclü siyasi liderlərindən biridir. Biz bir xalq, millət olaraq Onunla fəxr edirik. Və inanırıq ki, hər bir azərbaycanlının Prezidenti olan cənab İlham Əliyev yenidən ölkə rəhbəri seçiləcək”.
C.Yusubov Prezident İlham Əliyevin rəhbərliyi ilə ölkəmizin bütün bölgələrinin inkişaf etdiyini də bildirib. “Bütün görülən bu işlərin bundan sonra da davam etdirilməsi üçün sizləri 9 oktyabrda keçiriləcək prezident seçkilərində Yeni Azərbaycan Partiyasının namizədi, Ulu öndər Heydər Əliyevin layiqli davamçısı, növbəti 5 ilimizin qarantı olacaq İlham Heydər oğlu Əliyevə səs verməyə çağırıram” - deyə, təşkilat sədri vurğulayıb.
Təbliğat-təşviqat qrupunun üzvü Əşrəf Əsgərov çıxış edərək bildirib ki, cənab İlham Əliyev 10 il ərzindəki fəaliyyəti ilə hər bir azərbaycanlının Prezidenti olduğunu bir daha sübut edib: “Bu gün Azərbaycan seçicisi öz seçimini Prezident İlham Əliyevin lehinə etməlidir. Mingəçevir ictimaiyyətinin birmənalı seçimi Yeni Azərbaycan Partiyasının namizədi cənab İlham Əliyevdir”.
Onun sözlərinə görə, əsası Ümummilli lider Heydər Əliyev tərəfindən qoyulan və cənab İlham Əliyev tərəfindən davam etdirilən uğurlu iqtisadi siyasət son nəticədə təhsil və səhiyyə də daxil olmaqla, ümumən sosial sahədə genişmiqyaslı işlərin görülməsinə zəmin yaradıb: “Bu işlərin daha da inkişaf etməsi üçün biz mütləq bu seçkidə də cənab İlham Əliyevə səs verməliyik”.
Görüşdə digər çıxış edənlər prezidentliyə namizəd cənab İlham Əliyevin yürütdüyü siyəsət nəticəsində Azərbaycanın dünya arenasında yüksək səviyyədə tanınmasından, dünyada öz mövqeyini möhkəmləndirməsindən danışaraq, seçiciləri YAP-ın namizədi cənab İlham Əliyevə səs verməyə çağırıblar.
Öz növbəsində seçicilər də 9 oktyabrda ən layiqli namizədə cənab İlham Əliyevə səs verəcəklərini vurğulayıblar.
Nardar BAYRAMLI

Paylaş:

Baxılıb: 1165 dəfə