YAP yeni dövrün çağırışlarına uyğun olaraq fəaliyyətini davam etdirir

Bakı:

23 °C

83 %

6 m/s

Əlaqə

AZ RU EN

Ana səhifə / YAP xəbərləri / YAP yeni dövrün çağırışlarına uyğun olaraq fəaliyyətini davam etdirir

YAP yeni dövrün çağırışlarına uyğun olaraq fəaliyyətini davam etdirir

16.09.2026 [17:53]

Sentyabrın 16-da Yeni Azərbaycan Partiyası (YAP) İmişli rayon təşkilatının XII konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarını qurban vermiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP İmişli rayon təşkilatının sədri Səfa Ağayev hesabat məruzəsi ilə çıxış edib. O diqqətə çatdırıb ki, Azərbaycanın XX əsrin sonlarında yaşadığı mürəkkəb və taleyüklü dövrdə, dövlətçiliyimizin ağır sınaqlarla üzləşdiyi bir vaxtda Ümummilli Lider Heydər Əliyevin öndərliyi ilə Yeni Azərbaycan Partiyasının yaradılması tarixi zərurətdən irəli gəlmiş və xalqımızın gələcək inkişaf yolunu müəyyənləşdirmişdir. Yeni Azərbaycan Partiyasının Sədri, Prezident İlham Əliyevin rəhbərliyi ilə həyata keçirilən məqsədyönlü və ardıcıl siyasət ölkəmizin hərtərəfli inkişafını təmin edir. Əldə edilən siyasi və diplomatik uğurlar Azərbaycanın beynəlxalq aləmdəki nüfuzunun daha da yüksəlməsinə zəmin yaradır.

İmişli Rayon İcra Hakimiyyətinin başçısı Elçin Rzayev ölkədə həyata keçirilən genişmiqyaslı islahatlar və quruculuq işlərindən danışaraq, regional inkişaf proqramlarının İmişli rayonunda da uğurla həyata keçirildiyini vurğulayıb. O, həmçinin partiya fəallarının bu sahədə görülən işlərə dəyərli töhfələr verdiklərini xüsusi qeyd edib.

Milli Məclisin deputatı Səyyad Aran bildirib ki, Yeni Azərbaycan Partiyası yarandığı gündən dövlətçilik prinsiplərinə, milli maraqlara və xalqın rifahına xidmət edən siyasi xəttini ardıcıllıqla davam etdirir. O qeyd edib ki, partiya azərbaycançılıq ideologiyasını fəaliyyətinin əsas istiqamətlərindən biri kimi rəhbər tutmaqla milli birlik və həmrəyliyin möhkəmləndirilməsinə, cəmiyyətin müxtəlif təbəqələri arasında sağlam ictimai münasibətlərin formalaşmasına mühüm töhfələr verir.

Sonra partiya veteranı Şahsuvar Əmirahov, gənc partiya fəalı Nuray İmanova və “Ə.Əliyev” ərazi partiya təşkilatının sədri İsrafil Məmmədov çıxış ediblər.

YAP Mərkəzi Aparatının Təşkilat şöbəsinin baş məsləhətçisi Fəsli Nəbiyev vurğulayıb ki, Yeni Azərbaycan Partiyası yarandığı gündən qarşısına qoyduğu məqsəd və vəzifələrin həyata keçirilməsi istiqamətində ardıcıl fəaliyyət göstərərək xalqın etimadını qazanıb. O, partiyanın bundan sonra da qarşıda duran bütün vəzifələri uğurla yerinə yetirmək əzmində olduğuna əminlik ifadə edib.

Konfransda YAP İmişli rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 144 dəfə