Xızı seçiciləri İlham Əliyevi dəstəkləyəcəklər

Bakı:

24 °C

54 %

6 m/s

Əlaqə

AZ RU EN

Ana səhifə / YAP xəbərləri / Xızı seçiciləri İlham Əliyevi dəstəkləyəcəklər

Xızı seçiciləri İlham Əliyevi dəstəkləyəcəklər

01.10.2013 [09:52]

Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası Xızı rayonunda da uğurla davam etdirilir
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası Xızı rayonunda da uğurla davam etdirilir. YAP Xızı rayon təşkilatının təbliğat-təşviqat kampaniyası çərçivəsində növbəti görüşü rayonun fəal qadınları ilə olub. Görüşdə çıxış edən Yeni Azərbaycan Partiyası Xızı rayon təşkilatının sədri Fərrux Haqverdiyev bildirib ki, Prezident İlham Əliyevin rəhbərliyi ilə ölkəmizdə yeni siyasi və iqtisadi sistem qurulub, Azərbaycan sürətlə inkişaf edərək bölgənin lider dövlətinə çevrilib: “Azərbaycan gender siyasətinin reallaşdırılması məsələsində də yeniliklərə imza atıb. 2006-cı ildə qadınlarla bağlı işlərin daha mütəşəkkil və ardıcıl şəkildə aparılması üçün Prezident İlham Əliyev tərəfindən Ailə, Qadın və Uşaq Problemləri üzrə Dövlət Komitəsi yaradıldı. Bu qurum qeyd olunan istiqamətlərdə aparılan məqsədyönlü işlərin sürətlə həyata keçirilməsində müstəsna rol oynayır. Birmənalı şəkildə demək olar ki, bu gün Azərbaycanda gender bərabərliyi yüksək səviyyədə təmin olunub. Elə buna görə də, xanımlarımız da bu seçkilərdə cənab İlham Əliyevi dəstəkləməlidirlər”.
“Səs” qəzetinin baş redaktoru Bəhruz Quliyev çıxışına 2006-cı ildə Azərbaycanın Milli Məclisində gender bərabərliyi haqqında qanunun qəbul olunmasını xatırladaraq başlayıb: “2010-cu ildə isə “Məişət zorakılığının qarşısının alınması haqqında” Qanun qəbul edilib. Bütün bunlar dövlət başçımızın qadınlarımıza göstərdiyi diqqət və qayğının bariz nümunəsidir. Bu gün xanımlarımız cəmiyyət quruculuğunun müxtəlif sahələrində uğurla fəaliyyət göstərirlər. Onlar sülh şəraitində yaşayırlar və fərqindədirlər ki, onlara bu sülhü, əmin-amanlığı Prezident İlham Əliyevin apardığı uğurlu siyasət bəxş edib”.
Daha sonra çıxış edən YAP Xızı rayon təşkilatı Qadınlar Şurasının sədri Svetlana Rüstəmova bildirib ki, Azərbaycan qadınının ailədə, eləcə də, cəmiyyətdəki fəaliyyəti çox böyükdür: “Qadın ictimai işlə məşğul olmaqla yanaşı, anadır. Dövlətimizin əlaqədar qurumları regionlarımızda qadın hüquqlarının qorunması haqda maarifləndirici proqramlar, əhəmiyyətli tədbirlər həyata keçirir. Ümummilli liderimiz Heydər Əliyevin əsasını qoyduğu siyasəti uğurla davam etdirən ölkə Prezidenti cənab İlham Əliyev qadınlara böyük qayğı və diqqət göstərir. İnanıram ki, qadınlarımız 9 oktyabrda keçiriləcək növbəti prezident seçkilərində də fəallıq nümayiş etdirəcəklər”.
Görüşdə çıxış edən Xızı rayonu, Giləzi qəsəbəsi M.Müşfiq adına tam orta məktəbin müəllimi Svetlana Əliyeva bildirib ki, Azərbaycan qadınlarının ictimai həyatda rolu bu gün Heydər Əliyev Fondunun prezidenti, UNESCO-nun və İSESCO-nun xoşməramlı səfiri, Milli Məclisin deputatı Mehriban xanım Əliyevanın timsalında daha parlaq şəkildə özünü büruzə verir: “Azərbaycan dövləti və cəmiyyəti Mehriban xanım Əliyeva ilə fəxr edir. Dövlət siyasətinin əsas istiqamətlərindən biri də məhz ondan ibarətdir ki, Azərbaycan qadınları ictimai-siyasi həyatda yaxından iştirak edərək gündən-günə daha da fəallaşsın, ölkəmizin sürətli inkişafına öz misilsiz töhfələrini versinlər”.
Daha sonra o, seçiciləri cənab İlham Əliyevə səs verməyə çağırıb.
Oktay

Paylaş:

Baxılıb: 1184 dəfə