Gəncəlilər Ulu öndər Heydər Əliyev siyasətinin layiqli davamçısı cənab İlham Əliyevə səs verəcəklər

Bakı:

26 °C

61 %

9 m/s

AZ RU EN

Ana səhifə / YAP xəbərləri / Gəncəlilər Ulu öndər Heydər Əliyev siyasətinin layiqli davamçısı cənab İlham Əliyevə səs verəcəklər

Gəncəlilər Ulu öndər Heydər Əliyev siyasətinin layiqli davamçısı cənab İlham Əliyevə səs verəcəklər

04.10.2013 [10:07]

Yeni Azərbaycan Partiyası Gəncə şəhər təşkilatı partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir
Yeni Azərbaycan Partiyası Gəncə şəhər təşkilatı partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində dünən şəhərin Kəpəz rayonu Natəvan qəsəbəsində seçicilərlə növbəti görüş keçirilib. Tədbiri giriş sözü ilə YAP Gəncə şəhər təşkilatının sədri Naqif Həmzəyev açaraq, diqqətə çatdırıb ki, 9 oktyabr 2013-cü il prezident seçkilərinə artıq sayılı günlər qalıb. Keçirilən təbliğat - təşviqat görüşləri bir daha təsdiqlədi ki, xalq - dövlət, dövlət - xalq vəhdəti ölkəmizin nüfuzunu istər regionda, istərsə də beynəlxalq aləmdə yüksəldən cənab İlham Əliyevin növbəti qələbəsini şərtləndirən mühüm amildir: “Bu gün böyük qürur hissi keçiririk ki, Azərbaycan Respublikasının Prezidenti cənab İlham Əliyevin Gəncəyə xüsusi diqqət və qayğısı sayəsində Gəncə dünyanın ən gözəl şəhərlərindən birinə çevrilmiş, bütövlükdə regionun müasir sənaye və turizm şəhəri olmuşdur. Hər gün biz Gəncədə yeniliklərlə, dəyişikliklərlə qarşılaşmağa adət etmişik. Gəncənin sosial - iqtisadi inkişafının sürətləndirilməsinə dair vəsaitin ayrılması haqqında son iki ildə möhtərəm Prezidentimizin müvafiq sərəncamları Gəncəyə hərtərəfli köməyin və dəstəyin ifadəsidir. Bütün bunları yüksək dəyərləndirən gəncəlilər 9 oktyabr prezident seçkilərində, təbii ki, öz doğru seçimlərini etməlidirlər. Bu seçim Ulu öndər Heydər Əliyevin siyasi kursunun layiqli davamçısı, xalqımızın vətənpərvər oğlu cənab İlham Heydər oğlu Əliyevdir!”.
Təşviqat qrupunun üzvləri - ADAU-nun rektoru professor İbrahim Cəfərov, Az.TU-nun dosenti Tahir Abbasov, GDU-nin müəllimi Emma Aslanova çıxışlarında vurğulayıblar ki, Ümummilli lider Heydər Əliyevin siyasətinin cənab İlham Əliyevin uğurla davam etdirməsi nəticəsində bölgələrimizin sosial-iqtisadi inkişafı hər birimizdə fərəh hissi doğurur: “Doğma Gəncəmiz də belə bölgələrdən biri olaraq, genişmiqyaslı abadlıq - quruculuq işlərinin önündədir. Xalqımız hər zaman həyati gerçəkliklərə, reallığa yüksək dəyər verir. Reallıq isə güclü, nüfuzlu Azərbaycanın gözlərimiz önündə inkişaf edən ümumi mənzərəsidir. Həyat şəraitimizin gündən - günə yaxşılaşmasıdır, fikirlərimizi, düşüncələrimizi sərbəst şəkildə, demokratik bir şəraitdə ifadə edə bilməyimizdir. Odur ki, seçicilər cənab İlham Əliyev siyasətini hər zaman bəyənib, dəstəkləyib, bundan sonra da dəstəkləyəcəklər. Oktyabrın 9-da bu reallıq bir daha öz təsdiqini tapacaqdır”.
Qəsəbə sakinləri adından Sədaqət Bağırova, Qoca Qocayev çıxışlarında şəhərimizdə görülən geniş abadlıq - quruculuq işlərindən, insanların sağlamlığı və asudə vaxtının səmərəli təşkili üçün yaradılan şəraitdən razı qaldıqlarını bildirərək, onlara göstərilən qayğıya görə cənab İlham Əliyevə dərin minnətdarlıq duyğularını ifadə ediblər və cənab İlham Əliyevi növbəti 5 ildə də prezident kürsüsündə görmək arzusunda olduqlarını söyləyiblər.

Paylaş:

Baxılıb: 1470 dəfə