Dövlət idarəçiliyində xalqa xidmət, şəffaflıq və məsuliyyət fəlsəfəsi

Bakı:

0 °C

86 %

2 m/s

Əlaqə

AZ RU EN

Ana səhifə / YAP xəbərləri / Dövlət idarəçiliyində xalqa xidmət, şəffaflıq və məsuliyyət fəlsəfəsi

Dövlət idarəçiliyində xalqa xidmət, şəffaflıq və məsuliyyət fəlsəfəsi

14.11.2025 [15:39]

Cənab Prezident İlham Əliyevin 12 noyabr tarixində etdiyi çıxışı ölkənin idarəetmə sistemində aparılan yeni mərhələnin konturlarını bir daha ortaya qoydu. Ölkə başçısının çıxışında məmurlara ünvanlanan mesajlar sadə, lakin dərin məna daşıyır: xalqa xidmət etmək, təvazökarlıq göstərmək, dövlətin etimadını əməli fəaliyyətlə doğrultmaq. Aydındır ki, bu, formal bir çağırış deyil, dövlət başçısının illərdir həyata keçirdiyi siyasətin əsas sütunudur. “Sizə böyük etimad göstərilir, əminəm ki, bu etimadı doğruldacaqsınız” ifadəsi həm bir tapşırıq, həm də inam bəyanatıdır. Cənab Prezident hər bir məmurdan xalqla bir yerdə olmağı tələb edir. Çünki əsl inkişaf yalnız insanların rifahı üzərində qurulduqda dayanıqlı olur.

Bu çıxışda diqqəti çəkən ən mühüm cəhətlərdən biri dövlət idarəçiliyində mənəvi təmizliyin və ictimai məsuliyyətin önə çəkilməsidir. Cənab Prezident İlham Əliyev bir daha bəyan etdi ki, təkəbbür, rüşvət, qanunsuz tapşırıqlar dövrü arxada qalıb. Artıq dövlət idarəçiliyi şəffaf, hesabatlı və ədalətə əsaslanan prinsiplər üzərində qurulub. “Heç bir qanunsuz hərəkət nəticəsiz qalmayacaq” - deyən dövlət başçısı, əslində cəmiyyətə mühüm mesaj verdi. Bu mesaj ondan ibarətdir ki, qanun və ədalət bu gün Azərbaycanın idarəçilik fəlsəfəsinin mərkəzində dayanır. Bu, sadəcə inzibati nəzarət deyil, həm də yeni dövlət mədəniyyətidir. Hər bir məmur bilməlidir ki, o, öz davranışı ilə dövlətin nüfuzunu qoruyur, onun ailə üzvləri də bu məsuliyyətin bir hissəsini daşıyır. Beləliklə, cənab Prezident dövlət qulluğunu təkcə peşə deyil, həm də mənəvi borc kimi təqdim edir. Məhz bu yanaşma sayəsində Azərbaycan idarəçilik sistemi son illərdə əhəmiyyətli dərəcədə sağlamlaşıb, cəmiyyətdə dövlətə inam güclənib.

Əlbəttə ki, çıxışının iqtisadi və sosial məzmunu da strateji əhəmiyyət daşıyır. Dövlət başçısı vurğuladı ki, regionlarda infrastruktur layihələrinin böyük hissəsi artıq tamamlanıb, yeni prioritet mərhələ isə keyfiyyətin və dayanıqlılığın təmin olunmasıdır. Elektrik enerjisi, magistral və kənd yolları, su və suvarma sistemləri, sosial obyektlərlə bağlı layihələr Azərbaycanın müasir simasını formalaşdırır. Lakin cənab Prezident İlham Əliyev burada da əsas diqqəti insan amilinə yönəldir: məşğulluğun artırılması, yerli sahibkarlığın dəstəklənməsi, turizmin və kənd təsərrüfatının inkişafı, ekoloji tarazlığın qorunması vətəndaş rifahının əsas dayaqları kimi təqdim olunur. Bu gün cənab Prezident İlham Əliyev həm paytaxtda, həm bölgələrdə, həm də azad edilmiş ərazilərdə yeni həyat fəlsəfəsi qurur – təmiz ətraf mühit, səmərəli idarəetmə və insan üçün yaradılan şərait. Bu çıxış bir daha göstərdi ki, dövlət başçısının idarəçilik modeli konkret nəticələrə əsaslanır və bu nəticələr Azərbaycan vətəndaşının layiqli həyat sürməsinə xidmət edir.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 312 dəfə