Gənclər siyasəti dövlətin inkişaf strategiyasının tərkib hissəsidir

Bakı:

25 °C

66 %

4 m/s

Əlaqə

AZ RU EN

Ana səhifə / YAP xəbərləri / Gənclər siyasəti dövlətin inkişaf strategiyasının tərkib hissəsidir

Gənclər siyasəti dövlətin inkişaf strategiyasının tərkib hissəsidir

02.02.2026 [18:28]

Səyyad Mirzəyev

YAP Ağdam rayon təşkilatının əməkdaşı

Azərbaycanda həyata keçirilən gənclər siyasəti Prezident İlham Əliyevin rəhbərliyi ilə milli maraqlara əsaslanan, uzunmüddətli və strateji dövlət siyasəti kimi formalaşıb. 44 günlük Vətən müharibəsi bu siyasətin real nəticələrini açıq şəkildə nümayiş etdirdi. Ölkə başçısı cənab İlham Əliyev öz çıxışlarında qeyd etdiyi kimi, Vətən müharibəsində əldə olunan tarixi Zəfərin əsas dayaqlarından biri məhz vətənpərvər, hazırlıqlı və milli ruhda yetişmiş gənclik oldu.

Prezident İlham Əliyev müharibə dövründə və sonrakı çıxışlarında qeyd edib ki, Azərbaycan gəncləri həm döyüş meydanında, həm də arxa cəbhədə yüksək məsuliyyət, birlik və fədakarlıq nümayiş etdirdilər. Dövlət başçısının sözlərinə görə, bu həm düzgün aparılan gənclər siyasətinin, həm də milli-mənəvi dəyərlərə əsaslanan tərbiyə modelinin məntiqi nəticəsidir. Vətən müharibəsi dövründə minlərlə gənc Azərbaycan vətəndaşı könüllü olaraq ordu sıralarına qoşuldu. Prezident İlham Əliyev bu faktı çıxışlarında xüsusi vurğulayaraq bildirib ki, gənclərin Vətən qarşısında bu səviyyədə məsuliyyət hissi dövlətin gənclərə göstərdiyi etimadın qarşılıqlı təzahürüdür. Ölkə başçısı qeyd edib ki, Azərbaycan gəncliyi torpaq, Vətən və suverenlik anlayışlarını real əməli ilə təsdiqlədi.Prezident İlham Əliyevin siyasi xəttində gənclərin vətənpərvərlik ruhunda tərbiyəsi daim prioritet olub. Dövlət başçısı çıxışlarında dəfələrlə vurğulayıb ki, tarixini bilməyən, milli kimliyinə bağlı olmayan gənclik güclü dövlət qura bilməz. Vətən müharibəsində gənclərin göstərdiyi qəhrəmanlıq bu ideoloji xəttin cəmiyyətdə dərin kök saldığını sübut etdi. Müharibədən sonrakı dövrdə Prezident İlham Əliyev gənclərin postmüharibə mərhələsində də fəal rol oynamasını xüsusi əhəmiyyətli hesab edir. Azad edilmiş ərazilərin bərpası, “Böyük Qayıdış” strategiyası, yeni infrastruktur və sosial layihələrdə gənclərin iştirakı dövlət başçısı tərəfindən Azərbaycanın gələcək inkişafının əsas amillərindən biri kimi qiymətləndirilir.

Eyni zamanda, Prezident İlham Əliyev Vətən müharibəsi kontekstində gənclərin informasiya cəbhəsində də rolunu xüsusi vurğulayıb. Müasir dövrdə milli maraqların müdafiəsi yalnız hərbi sahə ilə məhdudlaşmır və gənclərin rəqəmsal bacarıqları, beynəlxalq platformalarda fəallığı ölkənin mövqelərinin qorunmasında mühüm əhəmiyyət daşıyır. Vətən müharibəsində əldə edilən Qələbə Azərbaycanda həyata keçirilən gənclər siyasətinin düzgünlüyünü və effektivliyini təsdiqlədi. Prezident İlham Əliyevin strateji baxışına əsaslanan bu siyasət güclü dövlət, möhkəm cəmiyyət və milli maraqlara sadiq gəncliyin formalaşmasını təmin edir. Azərbaycan gəncliyi bu gün yalnız ölkənin gələcəyi deyil, eyni zamanda müstəqilliyin və suverenliyin əsas dayağı kimi çıxış edir.

Paylaş:

Baxılıb: 574 dəfə