Sülh və barışıq təşəbbüsləri

Bakı:

22 °C

83 %

9 m/s

Əlaqə

AZ RU EN

Ana səhifə / YAP xəbərləri / Sülh və barışıq təşəbbüsləri

Sülh və barışıq təşəbbüsləri

06.02.2026 [12:07]

Mansur Quliyev

YAP Ağdam rayon təşkilatının sədri

4 fevral 2026-cı il tarixində Əbu-Dabi şəhərində keçirilən “Zayed İnsan Qardaşlığı Mükafatı”nın təqdimolunma mərasimində Azərbaycan Respublikasının Prezidenti İlham Əliyevin çıxışı müasir beynəlxalq münasibətlər sistemində sülh, qarşılıqlı hörmət və əməkdaşlıq prinsiplərinin nə qədər mühüm əhəmiyyət daşıdığını bir daha nümayiş etdirdi. Dövlətimizin başçısı çıxışında vurğuladı ki, əldə olunan sülh və barışıq təşəbbüsləri yalnız konkret ölkələr arasında münasibətlərin normallaşması ilə məhdudlaşmır, bütövlükdə regionun təhlükəsizliyinə və sabit inkişafına xidmət edir. Bu sülh təkcə iki ölkə üçün deyil, daha geniş region üçün də böyük əhəmiyyət kəsb edir.

Prezident İlham Əliyevin “Bu sülh təkcə iki ölkə üçün deyil, daha geniş region üçün də böyük əhəmiyyət kəsb edir” fikri Azərbaycanın xarici siyasətinin mahiyyətini aydın şəkildə ifadə edir. Azərbaycan bu gün beynəlxalq arenada sülhün, dialoqun və qarşılıqlı etimadın təşviqçisi kimi çıxış edir. Ölkəmiz regional əməkdaşlığın dərinləşdirilməsini, münaqişələrin beynəlxalq hüquq normaları əsasında, sülh yolu ilə həllini əsas prinsip kimi qəbul edir.

“Zayed İnsan Qardaşlığı Mükafatı” kimi nüfuzlu beynəlxalq platformada səsləndirilən bu mesajlar Azərbaycanın multikulturalizm, tolerantlıq və humanizm dəyərlərinə sadiqliyinin göstəricisidir. Tarixən müxtəlif millətlərin və dinlərin dinc yanaşı yaşadığı Azərbaycan cəmiyyəti bu gün də insan qardaşlığı ideyasını real siyasətdə və praktik addımlarda təcəssüm etdirir. Prezident İlham Əliyevin rəhbərliyi ilə həyata keçirilən siyasət regional qarşıdurmaların deyil, əməkdaşlıq körpülərinin qurulmasına yönəlib.

Dövlətimizin başçısı çıxışında həmçinin beynəlxalq birliyin üzərinə düşən məsuliyyətə diqqət çəkərək bildirdi ki, davamlı sülh yalnız qarşılıqlı hörmət, ədalət və suverenlik prinsiplərinə əsaslandıqda mümkün ola bilər. Bu yanaşma Azərbaycanın beynəlxalq təşəbbüslərində ardıcıl şəkildə öz əksini tapır və ölkəmizi etibarlı tərəfdaş kimi tanıdır.

Qeyd etmək lazımdır ki, Prezident İlham Əliyevin Əbu-Dabidə səsləndirdiyi fikirlər bir daha təsdiq edir ki, Azərbaycan üçün sülh anlayışı dar siyasi çərçivələrlə məhdudlaşmır. Bu sülh regional sabitliyə, xalqlar arasında etimada və ümumbəşəri dəyərlərin möhkəmlənməsinə xidmət edən strateji baxışdır. Məhz bu baxış Azərbaycanın beynəlxalq nüfuzunu gücləndirir və ölkəmizi sülh gündəliyinin fəal iştirakçısına çevirir.

Paylaş:

Baxılıb: 873 dəfə