Azərbaycan Avropada etibarlı tərəfdaş kimi qəbul olunur

Bakı:

19 °C

63 %

2 m/s

Əlaqə

AZ RU EN

Ana səhifə / YAP xəbərləri / Azərbaycan Avropada etibarlı tərəfdaş kimi qəbul olunur

Azərbaycan Avropada etibarlı tərəfdaş kimi qəbul olunur

18.02.2026 [12:19]

Prezident İlham Əliyevin Serbiya Respublikasına rəsmi səfəri bu gün ölkə mətbuatında geniş müzakirə edilir. Bu səfər Azərbaycanın xarici siyasətində ikitərəfli əməkdaşlığın inkişaf etdirilməsinə nə qədər səylər göstərdiyini və uğurlu nəticələrə imza atdığını bir daha təsdiqlədi. Azərbaycan və Serbiya arasında münasibətlər tarixi köklərə söykənməklə yanaşı, son illərdə yeni istiqamətlər üzrə uğurla inkişaf etməkdədir. Cənab İlham Əliyevin bu səfəri zamanı iki ölkə arasında Strateji Tərəfdaşlıq Şurasının 1-ci iclasının keçirilməsi də özündə mühüm məqamları ehtiva etdi.

Azərbaycan Avropa məkanında etibarlı tərəfdaş kimi qəbul olunur. Serbiya ilə münasibətlərimiz Azərbaycanın Avropanın enerji və nəqliyyat xəritəsində rolunun artmasında əhəmiyyətli rol oynayır. Serbiya- Azərbaycan Strateji Şurasının birinci iclasında bir çox məsələlərin müzakirə edildiyini önə çəkən Prezident İLham Əliyev onu da bildirdi ki, bizim gələcək üçün də açıq-aydın planlarımız var. Həm siyasi, həm iqtisadi, həm də energetika sahəsində əlaqələrimizi daha da gücləndirmək, beynəlxalq platformalarda, beynəlxalq təşkilatlar çərçivəsində bundan sonra da bir-birimizin ərazi bütövlüyünü və suverenliyini dəstəkləmək, birgə sərmayə layihələrini həyata keçirmək, energetika və nəqliyyat sahələrində yeni yaranmış imkanlardan yararlanaraq, daha irəliyə baxaraq çox güclü bir sinergiya yaratmaqdır.

Serbiya Prezidenti əlaqələrimizin inkişafında əhəmiyyətli rol oynayacaq bu mühüm hadisəyə də xüsusi diqqət yönəltdi. Vurğuladı ki, iki ölkə arasında turizmin artması və mayın 3-də Belqrad və Bakı arasında “Air Serbia” vasitəsilə həyata keçiriləcək birbaşa reysin açılması buna xüsusi töhfə verəcək: “Mən Serbiyanın bütün vətəndaşlarına şəxsən deyə bilərəm ki, Bakı gözəl şəhərdir. Onlar orada bir çox yeniliklər görə bilərlər. Şəhər Xəzər dənizinin sahilində yerləşir. O, təmiz, səliqəli şəhərdir. Mən nə zaman Bakıya səfər edirəm, yeni möcüzələr görürəm, Prezident Əliyevin Azərbaycan hökuməti ilə bir yerdə inşa etdiyi yeni və gözəl yerləri görürəm. Orada möhtəşəm muzeylər var. Bulvarlar, mehriban insanlar, təhlükəsizlik mümkün olan ən yüksək səviyyədədir. Beləliklə, bu, Serbiya vətəndaşlarına Azərbaycana səfər etmək üçün açıq bir dəvətdir. Mən Azərbaycan vətəndaşlarını Serbiyanı ziyarət etməyə, bu ölkəni sevməyə dəvət etmək istəyirəm. Serbiya Avropa qitəsində təhlükəsizliyi ən yüksək səviyyədə olan ölkələr sırasındadır. Bizim Azərbaycan xalqı ilə qardaş və dost münasibətlərimiz var”.

Səfər çərçivəsində imzalanan sənədlər də əlaqələrimizin gələcək inkişafının təqdimatı oldu. Bu günədək Azərbaycan-Serbiya münasibətlərinin inkişafına xidmət edən 57 sənəd imzalanıb. Dövlət başçısı İlham Əliyevin budəfəki səfəri zamanı da imzalanan sənədlərin say tərkibinə diqqət yetirmək kifayətdir. Belə ki, Belqradda Prezidentlərin iştirakı ilə iki ölkə arasında qida təhlükəsizliyi sahəsində əməkdaşlıq Sazişi, qaz-turbin elektrik stansiyasının layihələndirilməsi, tikintisi və idarə olunması haqqında Saziş, Azərbaycan Respublikasının İqtisadiyyat Nazirliyi ilə Serbiyanın İqtisadiyyat Nazirliyi arasında Anlaşma Memorandumu, həmçinin media və kommunikasiya sahəsində əməkdaşlıq haqqında Anlaşma Memorandumu, 2026-2030-cu illər üçün mədəniyyət sahəsində Əməkdaşlıq Memorandumu, idman sahəsində Anlaşma Memorandumu, tibbi sığorta sistemləri sahəsində əməkdaşlıq haqqında Anlaşma Memorandumu imzalandı.

Göründüyü kimi, Azərbaycan-Serbiya əlaqələrinin uğurlu inkişafı üçün bütün imkanlar mövcuddur. Cənab İlham Əliyev bu əminliyi ifadə etdi ki, mənim rəsmi səfərimin nəticələri özünü çox gözlətməyəcək. Biz yaxın gələcəkdə yenə də bir-birimizlə görüşəcəyik.

Anar Nəbiyev

YAP Qazax rayon təşkilatının sədri

Paylaş:

Baxılıb: 258 dəfə