“Aprel döyüşləri - tarixi Zəfərin başlanğıcıdır” mövzusunda tədbir keçirilib

Bakı:

23 °C

81 %

16 m/s

Əlaqə

AZ RU EN

Ana səhifə / YAP xəbərləri / “Aprel döyüşləri - tarixi Zəfərin başlanğıcıdır” mövzusunda tədbir keçirilib

“Aprel döyüşləri - tarixi Zəfərin başlanğıcıdır” mövzusunda tədbir keçirilib

06.04.2026 [17:02]

YAP Şəmkir rayon təşkilatının təşkilatçılığı ilə 2016-cı ilin 2-5 aprel tarixlərində müzəffər ordumuzun düşmən üzərində qələbəsi ilə nəticələnən Aprel döyüşlərinin 10-cu ildönümünə həsr edilmiş “Aprel döyüşləri - tarixi Zəfərin başlanğıcıdır” mövzusunda tədbir keçirilib.

Şəmkir şəhər Fərman Salmanov adına tam orta məktəb ərazi partiya təşkilatında keçirilən tədbirdə YAP Şəmkir rayon təşkilatının sədri Fəxrəddin Vəliyev, Şəmkir rayon İcra Hakimiyyəti başçısının müavini Aynur Abdullayeva, Şəmkir Təhsil Sektorunun direktoru Elşən Ələsgərov, rayon təşkilatının əməkdaşları, məktəbin müəllim və şagird heyəti iştirak etdi.

Tədbir Ulu Öndər Heydər Əliyevin və Azərbaycanın ərazi bütövlüyü uğrunda qəhrəmancasına həlak olan şəhidlərin xatirəsinin bir dəqiqəlik sükutla yad edilməsi ilə başlayıb.

Azərbaycan Respublikasının Dövlət Himni səsləndirilib.

Aprel döyüşlərini əks etdirən videoçarx nümayiş olunub.

YAP Şəmkir rayon təşkilatının sədri Fəxrəddin Vəliyev çıxış edərək, bildirib ki, Aprel döyüşlərinin tarixi ədalətin, zəfərin başlanğıcı oldu: “Aprel qələbəsi xalqımızın Prezident cənab İlham Əliyevin ətrafında sıx birləşdiyini, igid əsgərlərimizin Ali Baş Komandanın əmri ilə işğal olunmuş torpaqların azad olunmasına tam hazır olduğunu sübut etdi”.

Fəxrəddin Vəliyev Aprel döyüşlərinin yaratdığı ruh yüksəkliyindən, eləcə də əhəmiyyətindən danışaraq, qeyd edib ki, Zəfər döyüşlərinin qığılcımları olan və dörd gün davam edən Aprel döyüşləri qırx dörd gün ərzində Şuşaya bayraq sancılması ilə başa çatdı, onun ardınca antiterror əməliyyatları Xankəndi, Xocalı, Xocavənd və Ağdərənin azad edilməsi ilə yekunlaşdı. Bu, qəhrəmanlıq irsidir və Aprel döyüşlərində şücaət göstərənlərin yetişdirdiyi əsgərlər, həmin döyüşlərdə iştirak edənlərin, zabit və əsgərlərin hərbçi yoldaşları onların qisasını aldı.

Şəmkir rayon İcra Hakimiyyəti başçısının müavini Aynur Abdullayeva çxışında Aprel döyüşlərinin Azərbaycan tarixində mühüm yer tutduğunu vurğulayıb. Bildirib ki, 2016-cı ilin aprelində baş verən döyüşlər Azərbaycan Ordusunun gücünü, xalq–ordu birliyini və dövlətimizin qətiyyətini bütün dünyaya nümayiş etdirdi. Qeyd olunub ki, bu döyüşlər uzun illər davam edən işğal faktının dəyişməz olmadığını sübut edərək gələcək böyük zəfərlərin əsasını qoydu.

Digər çıxış edənlər qeyd ediblər ki, Aprel döyüşlərindən 10 il ötsə də, şanlı Qarabağ salnaməsinin ilk səhifələrinin yazıldığı bu günləri xalqımız böyük qürur hissi ilə xatırlayır, həmişə qəhrəman şəhidləri böyük ehtiramla yad edir. Bildirilib ki, bu gün bütün şəhidlərin ruhu şaddır, çünki onların qanı yerdə qalmayıb, qisası artıqlaması ilə alınıb. Öz canları, qanları bahasına şərəfli tarix yazan bu oğullar heç zaman unudulmayacaq və belə qəhrəman oğullarımızın keçdiyi şərəfli döyüş yolu bütün gənclərimizə, hər bir azərbaycanlıya bir örnəkdir.

Natiqlər əminliklə vurğulayıblar ki, Möhtərəm Prezident İlham Əliyev cənablarının uzaqgörən, milli maraqlara söykənən müdrik siyasəti nəticəsində 2026-cı ildə müstəqil, suveren Azərbaycanımızın şanlı dövlətçilik tarixində çox uğurlu, yaddaqalan, önəmli bir il olacaqdır!

Tədbirin sonunda Şəmkir şəhər Fərman Salmanov adına tam orta məktəbin şagirdləri qəhrəmanlıq mövzusunda şeirlər səsləndiriblər.

Paylaş:

Baxılıb: 552 dəfə