Zərifə Əliyevanın adı Azərbaycan səhiyyəsinin inkişafı ilə sıx bağlıdır

Bakı:

24 °C

54 %

2 m/s

Əlaqə

AZ RU EN

Ana səhifə / YAP xəbərləri / Zərifə Əliyevanın adı Azərbaycan səhiyyəsinin inkişafı ilə sıx bağlıdır

Zərifə Əliyevanın adı Azərbaycan səhiyyəsinin inkişafı ilə sıx bağlıdır

14.04.2026 [17:30]

Dünya oftalmologiya elminə böyük töhfələr vermiş akademik Zərifə xanım Əliyevanın zəngin elmi irsi, tibbin müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifələrini təşkil edir. Görkəmli alimin keçdiyi şərəfli ömür yolu hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbidir.

Zərifə Əliyeva oftalmologiyanı yalnız tibbi bir ixtisas kimi deyil, daha geniş – insan həyatının keyfiyyətini müəyyən edən mühüm sahə kimi qəbul edirdi. Onun yanaşmasında göz sağlamlığı təkcə fiziki deyil, həm də sosial rifahın ayrılmaz hissəsi idi. Bu səbəbdən alim öz tədqiqatlarını laboratoriya çərçivəsində məhdudlaşdırmır, onları istehsalat mühitinə, real həyat şəraitinə tətbiq etməyə çalışırdı. Xüsusilə sənaye sahəsində çalışan insanların göz sağlamlığı ilə bağlı problemlərə diqqət yetirməsi onu digər tədqiqatçılardan fərqləndirən əsas cəhətlərdən biri idi. Onun elmi fəaliyyəti təkcə ölkə daxilində deyil, beynəlxalq müstəvidə də tanınmışdır. Zərifə Əliyevanın əsərləri xarici elmi jurnallarda dərc olunmuş, müxtəlif beynəlxalq konfrans və simpoziumlarda təqdim edilmişdir. Bu isə Azərbaycan oftalmologiyasının dünya elminə inteqrasiyasında mühüm rol oynamışdır.

Zərifə xanım Əliyeva bu gün də xatirələrdə yaşayır. Ulu Öndər Heydər Əliyev Zərifə xanım Əliyeva haqqında belə deyirdi: “Deyirlər, xoşbəxtlik nisbi anlayışdır və dünyada tam xoşbəxt olan insan yoxdur. Amma Tanrı tərəfindən seçilmiş elə şəxslər də var ki, sağlığında insanların rəğbətini, sevgisini qazanan, bu dünyayla vidalaşandan sonra isə tarixdə özünə əbədi şərəfli ad qoyan xoşbəxt insanlardan olur. Elə o, da öz adını tarixin səhifələrində əbədiləşdirən, xatirələrdə hər zaman hörmətlə anılan, sayğı ilə yada salınan unudulmaz şəxsiyyətlərdən oldu. Çünki böyük Yaradan ona elə böyük ürək bəxş edib, qəlbinə elə parlaq bir nur çiləmişdi ki, onunla rastlaşan, ünsiyyətdə olan hər bir kəs ilk növbədə özündə ümid, təsəlli, inam, sakitlik tapar, könülləri xeyirxahlıq şəfəqinin şölələri ilə işıqlanardı. O, insanları sevərdi, heç vaxt heç kimi incitməz, heç kimi naümid qoymaz, heç kimə kömək etməkdən imtina etməzdi”. Ulu Öndərin söylədiyi kimi “Azərbaycan xanımının mənəvi dəyərlərini özündə təcəssüm etdirən Zərifə xanım bir qadın, bir həyat yoldaşı, bir ana, bir həkim, bir alim, bir ictimai xadim olaraq elə sağlığında əfsanəviləşməyi bacarıb və daşıdığı bu titulları mərhəmət, şəfqət, humanizm kimi ali hisslərlə bütövləşdirərək əsl insanlıq zirvəsinə yüksəlib”.

Azərbaycan səhiyyəsi bu gün böyük inkişaf mərhələsindən keçir. Yeni xəstəxanalar tikilir, müasir tibbi avadanlıqlar tətbiq olunur, həkimlərin peşəkarlığı artırılır. Bu inkişafın təməlində isə Zərifə Əliyeva kimi görkəmli alimlərin qoyduğu möhkəm əsaslar dayanır. Onun irsi bu gün də səhiyyə sahəsində çalışan insanlar üçün bir yol xəritəsi rolunu oynayır.

Zərifə Əliyevanın adı bu gün müxtəlif tibb müəssisələrində, elmi mərkəzlərdə və təhsil ocaqlarında yaşadılır. Bu, onun Azərbaycan xalqı qarşısında xidmətlərinin yüksək qiymətləndirilməsinin bariz nümunəsidir. Onun xatirəsi hər zaman hörmət və ehtiramla yad edilir. Onun həyatı bir daha sübut edir ki, insan öz peşəsinə sevgi ilə yanaşdıqda böyük uğurlar əldə edə bilər. Zərifə Əliyeva bütün ömrünü insanlara xidmətə həsr etmiş, səhiyyə sahəsində silinməz iz qoymuşdur. Onun həyat yolu hər bir gənc üçün örnəkdir.

Bu gün biz Zərifə Əliyevanın xatirəsini ehtiramla anarkən, onun qoyduğu zəngin elmi və mənəvi irsin dəyərini daha dərindən dərk edirik. Onun həyatı bizə bir daha göstərir ki, həqiqi böyüklük yalnız nailiyyətlərlə deyil, insanlara bəxş etdiyin fayda ilə ölçülür.
Zərifə Əliyeva zamanın fövqündə duran bir şəxsiyyətdir. Onun adı Azərbaycan elminin tarixində qızıl hərflərlə yazılıb və bu ad gələcək nəsillər üçün daim bir örnək olaraq yaşayacaq. Onun işıqlı xatirəsi hər zaman hörmət və minnətdarlıqla

Nurlana Yusifova

YAP Samux rayon təşkilatının əməkdaşı

Paylaş:

Baxılıb: 688 dəfə