Yeni Azərbaycan Partiyası ölkəmizin ən güclü siyasi təşkilatıdır

Bakı:

16 °C

72 %

2 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası ölkəmizin ən güclü siyasi təşkilatıdır

Yeni Azərbaycan Partiyası ölkəmizin ən güclü siyasi təşkilatıdır

29.01.2014 [08:58]

YAP Nərimanov rayon təşkilatının yaradılmasının 21-ci ildönümü münasibətilə tədbir keçirilib
Dünən Yeni Azərbaycan Partiyası (YAP) Nərimanov rayon təşkilatının yaradılmasının 21-ci ildönümü münasibətilə tədbir keçirilib. Tədbiri giriş sözü ilə açan YAP Nərimanov rayon təşkilatının sədri Təmraz Tağıyev bildirib ki, ölkəmizi dinamik inkişaf yoluna çıxarmış Ulu öndərimiz Heydər Əliyevin yaratdığı Yeni Azərbaycan Partiyası xalqımızın və Azərbaycanın həyatını kökündən dəyişdirib, ölkəmizin həyatında yeni mərhələnin əsasını qoyub. Yarandığı vaxtdan partiyamız siyasi mübarizələrlə dolu şərəfli bir yol keçib. Onun sözlərinə görə, YAP Ulu öndər Heydər Əliyevin həyata keçirdiyi siyasətin avanqard qüvvəsi kimi, xalqımızın qarşısında dayanan vəzifələrin həll edilməsinə layiqli töhfəsini verir: “Bu siyasət bundan sonra da davam edəcək, partiyamız Ulu öndərimiz, Azərbaycan xalqının əbədi lideri Heydər Əliyevin ideyalarını yaşadacaq, Heydər Əliyev siyasi məktəbinin, Onun yolunun və ideyalarının davamçısı olacaq. Bu gün partiyamızın Sədri, ölkə Prezidenti İlham Əliyev Ulu öndərimizin müəyyənləşdirdiyi siyasi kursu uğurla davam etdirir”.
T.Tağıyev deyib ki, YAP Nərimanov rayon təşkilatının üzvləri qürur duyurlar ki, Bakı şəhərində partiyamızın ilk təşkilatı məhz Nərimanov rayonunda yaradılıb.
YAP Nərimanov rayon təşkilatı Qadınlar Şurasının sədri Məhəbbət İbrahimova deyib ki, YAP-ın Azərbaycan dövlətçiliyinin inkişafında xidmətləri danılmazdır və partiyamızın bu istiqamətdə gördüyü böyük işlər hər bir vətəndaşımız tərəfindən yüksək qiymətləndirilir: “Buna görədir ki, partiyamızın, o cümlədən, YAP-ın Nərimanov rayon təşkilatının sıraları günbəgün genişlənir”.
YAP-ın sıralarında qadınların kifayət qədər fəal təmsil olunduqlarını deyən M.İbrahimova əlavə edib ki, Ulu öndər Heydər Əliyev hər zaman qadınlarımıza xüsusi diqqət və qayğı ilə yanaşıb.
Rayon təşkilatı İdarə Heyətinin üzvü Nurulla Məmmədov bildirib ki, məhz Ulu öndər Heydər Əliyevin müdrikliyi, uzaqgörənliyi, zəngin dövlətçilik təcrübəsi nəticəsində Azərbaycan dövlətçiliyi məhvolma təhlükəsindən xilas olub: “Ölkə daxilində ayrı-ayrı siyasi qüvvələrə tabe olan hərbi birləşmələr məhz Ulu öndərin titanik fəaliyyəti nəticəsində ləğv edildi, vətəndaş müharibəsi və separatçılığın qarşısı alındı. Bu gün müstəqil Azərbaycan Respublikası, möhkəm özülə söykənən dövlətçiliyimiz Prezident İlham Əliyevin rəhbərliyi ilə uğurlu gələcəyə doğru addımlayır”.
YAP Nərimanov rayon təşkilatı Gənclər Birliyinin sədri Yusif Babanlı deyib ki, Azərbaycan xalqının böyük oğlu Heydər Əliyevin rəhbərliyi ilə yaranan YAP qısa müddət sonra iqtidar partiyasına çevrildi: “Bu gün Ulu öndərin siyasi kursunun YAP Sədri, cənab Prezident İlham Əliyev tərəfindən davam etdirilməsi nəticəsində Azərbaycan yeni-yeni uğurlar əldə edir”.
Y.Babanlı rayon təşkilatının sıralarına gənclərin böyük həvəslə qoşulduğunu da diqqətə çatdırıb.
Daha sonra çıxış edən YAP fəalları Əli Məmmədov və Nazim Kazımov da YAP-ın ölkəmizin siyasi həyatında mühüm rol oynadığını bildiriblər. Qeyd olunub ki, 21 illiyini qeyd edən YAP Nərimanov rayon təşkilatı da ildən-ilə öz sıralarını genişləndirir, fəaliyyətində uğurlar qazanır.
Nardar BAYRAMLI

Paylaş:

Baxılıb: 1091 dəfə