Yeni Azərbaycan Partiyası Şəmkir rayon təşkilatının yaranmasının 33-cü ildönümü qeyd olunub

Bakı:

29 °C

43 %

4 m/s

AZ RU EN

Ana səhifə / YAP xəbərləri / Yeni Azərbaycan Partiyası Şəmkir rayon təşkilatının yaranmasının 33-cü ildönümü qeyd olunub

Yeni Azərbaycan Partiyası Şəmkir rayon təşkilatının yaranmasının 33-cü ildönümü qeyd olunub

16.07.2026 [12:46]

YAP Şəmkir rayon təşkilatının yaranmasının 33-cü ildönümü münasibətilə rayon təşkilatının və Şəmkir rayonu üzrə Gənclər və İdman sektorunun birgə təşkilatçılığı ilə yeniyetmələr arasında yüngül atletika üzrə 1000 metr məsafəyə qaçış üzrə rayon birinciliyi keçirilib.

Yarışda YAP Şəmkir rayon təşkilatının sədri Zamir Güvəndiyev, Şəmkir rayon İcra Hakimiyyətinin əməkdaşı Ruhid Hacıyev, Şəmkir rayonu üzrə Gənclər və İdman sektorunun direktoru Pərvin Gözəlov, rayon təşkilatının əməkdaşları və idmançılar iştirak etdilər.

Şəmkir rayon Olimpiya İdman kompeksində keçirilən tədbirdə əvvəlcə Ulu Öndər Heydər Əliyevin və ölkəmizin suverenliyi və ərazi bütövlüyü uğrunda canlarını qurban vermiş şəhidlərin əziz xatirəsi ehtiramla yad edildi.

Sonra yarışı giriş sözü ilə açan YAP Şəmkir rayon təşkilatının sədri Zamir Güvəndiyev partiyanın keçdiyi şərəfli yoldan bəhs edib və Ümummilli Lider Heydər Əliyev tərəfindən əsası qoyulmuş inkişaf siyasəti Prezident, Yeni Azərbaycan Partiyasının Sədri İlham Əliyev tərəfindən uğurla davam etdirildiyini qeyd edib. Zamir Güvəndiyev Prezident İlham Əliyevin yürütdüyü siyasət Azərbaycanın müttəfiqlərinin və dostlarının sayını artırıb, ölkəmizin beynəlxalq müstəvidə layiqli yerini möhkəmləndirdiyini vurğulayıb.

Daha sonra çıxış edən Şəmkir rayonu üzrə Gənclər və İdman sektorunun direktoru Pərvin Gözəlov, Şəmkir rayon İcra Hakimiyyətinin əməkdaşı Ruhid Hacıyev Ümummilli Lider Heydər Əliyev tərəfindən Yeni Azərbaycan Partiyasının təsis edilməsindən, həyata keçirilən xarici və daxili siyasətin nəticəsində uzun illər işğal altında qalmış torpaqlarımız 44 günlük Vətən müharibəsində azad olunmuş, ötən ilin sentyabrında bir sutkalıq antiterror əməliyyatı nəticəsində suverenliyimiz tam bərpa edilmişdir. Yeni Azərbaycan Partiyasının 2021-ci ilin martın 5-də keçirilən VII qurultayında partiyanın Sədri cənab İlham Əliyev tərəfindən qarşıya qoyulmuş vəzifələrin ardıcıl və məqsədyönlü şəkildə yerinə yetirilməsi Azərbaycanın yeni dönəmdə davamlı uğurlar əldə etməsinə geniş imkanlar yaradır. Ümummilli Lider Heydər Əliyevin rəhbərliyi ilə təsis edilmiş, bu gün qalib xalqın qalib Lideri İlham Əliyevin təşəbbüsləri ilə inkişaf edən YAP ümumxalq partiyası kimi fəaliyyətini uğurla davam etdirəcək, Azərbaycana möhtəşəm nailiyyətlər qazandıracaqdır.

Sonda yeniyetmələr arasında keçirilən yüngül atletika yarışının nəticələrinə əsasən qaliblər YAP Şəmkir rayon təşkilatının hədiyyə və medalları ilə mükafatlandırılıblar.

Paylaş:

Baxılıb: 238 dəfə