Qaradağ seçiciləri də rifah və quruculuq naminə səs verəcəklər

Bakı:

17 °C

88 %

3 m/s

Əlaqə

AZ RU EN

Ana səhifə / YAP xəbərləri / Qaradağ seçiciləri də rifah və quruculuq naminə səs verəcəklər

Qaradağ seçiciləri də rifah və quruculuq naminə səs verəcəklər

06.12.2014 [12:32]

YAP-ın namizədlərinin təbliğat kampaniyası çərçivəsində növbəti görüş Qaradağ rayonu Çeyildağ qəsəbəsində keçirilib
Yeni Azərbaycan Partiyasının (YAP) bələdiyyə seçkilərində təbliğat və təşviqat kampaniyası uğurla davam etdirilir. Kampaniya çərçivəsində növbəti görüş dünən Qaradağ rayonu Çeyildağ qəsəbəsində keçirilib. Tədbirdə çıxış edən YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov əvvəlcə bələdiyyə seçkiləri ilə bağlı rayon təşkilatı tərəfindən görülən işlər haqqında məlumat verib. O, YAP tərəfindən irəli sürülən namizədlərin təbliğat və təşviqat kampaniyası çərçivəsində ardıcıl görüşlər keçirdiyini, seçicilərin də bu görüşlərə böyük maraq göstərdiyini vurğulayıb. YAP-ın namizədlərinin cəmiyyətdə kifayət qədər nüfuz və hörmət qazandıqlarını, əgər bələdiyyələrə seçilərlərsə, partiyamızın prinsiplərini rəhbər tutaraq xalqımıza ləyaqətlə xidmət edəcəklərinə əmin olduğunu vurğulayıb.
Daha sonra A.Hüseynov partiyamızın Azərbaycan dövlətinin inkişafı və xalqımızın rifah halının yaxşılaşdırılması istiqamətində gördüyü işlərdən danışaraq vurğulayıb ki, YAP-ın xidmətləri seçicilər tərəfindən yüksək qiymətləndirilir. Onun sözlərinə görə, hazırda regionun ən güclü partiyası olan YAP ölkəmizdə keçirilən bütün siyasi kampaniyalarda qələbə qazanıb: “Ümummilli lider Heydər Əliyevin uzaqgörənliklə qeyd etdiyi kimi, Yeni Azərbaycan Partiyası dünənin, bu günün və gələcəyin partiyasıdır. YAP qələbələr partiyası kimi daim dövlətimizin inkişafına, xalqımızın rifah halının daha da yüksəlməsinə xidmət edir. Partiyamızın bələdiyyə seçkilərində irəli sürdüyü namizədlər də, məhz bu amala, bu məqsədə xidmət etməlidir”.
A.Hüseynov, həmçinin, bələdiyyələrin fəaliyyətindən danışaraq deyib ki, bələdiyyələr Azərbaycanın inkişafında mühüm rola malikdir və bələdiyyələrdə təmsil olunan insanlar öz fəaliyyətləri ilə xalqın və partiyamızın etimadını doğrultmalıdırlar. O bildirib ki, YAP-ın bu seçkilərə “Rifah və quruculuq naminə” devizi ilə qatılması da heç də təsadüfi deyil.
Daha sonra tədbirdə çıxış edən YAP-ın Çeyildağ bələdiyyəsinə namizədləri Nizami Allahverdiyev, Qəmər Abdulhəşimova, Fəridə Məmmədova, Səlim Həsənov və digərləri seçicilərin etimad göstərəcəyi və bələdiyyələrə seçiləcəkləri təqdirdə partiyamızın fəaliyyət prinsiplərinə sadiq qalacaqlarını, qəsəbənin inkişafı naminə bütün gücləri ilə çalışacaqlarını vurğulayıblar.

Paylaş:

Baxılıb: 847 dəfə