YAP Siyəzən rayon təşkilatında bələdiyyə üzvlüyünə namizədlərlə növbəti görüş keçirilib

Bakı:

27 °C

50 %

3 m/s

Əlaqə

AZ RU EN

Ana səhifə / YAP xəbərləri / YAP Siyəzən rayon təşkilatında bələdiyyə üzvlüyünə namizədlərlə növbəti görüş keçirilib

YAP Siyəzən rayon təşkilatında bələdiyyə üzvlüyünə namizədlərlə növbəti görüş keçirilib

19.12.2014 [09:30]

Yeni Azərbaycan Partiyası (YAP) Siyəzən rayon təşkilatı dekabrın 23-də keçiriləcək bələdiyyə seçkiləri ilə bağlı təbliğat-təşviqat kampaniyasını uğurla davam etdirir. Kampaniya çərçivəsində növbəti görüş rayon seçiciləri ilə keçirilib. Görüşdə YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə və YAP Mərkəzi Aparatının məsul işçisi Araz Xudadanov iştirak ediblər.
Tədbiri giriş sözü ilə açan YAP Siyəzən rayon təşkilatının sədri Etibar Heydərov bələdiyyələrin cəmiyyətdəki rolundan danışıb. O, qeyd edib ki, illər ötdükcə bələdiyyələr də öz işlərini təkmilləşdirirlər. Etibar Heydərov, həmçinin, Azərbaycan Prezidenti, YAP-ın Sədri İlham Əliyevin həyata keçirdiyi düzgün, məqsədyönlü siyasət nəticəsində Azərbaycanın Cənubi Qafqazda lider dövlətə çevrildiyini diqqətə çatdırıb. Məhz bu uğurların davamlı olması üçün natiq siyəzənli seçiciləri dekabrın 23-də keçiriləcək bələdiyyə seçkilərində YAP-ın namizədlərinə səs verməyə çağırıb.
Görüşdə çıxış edən YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə bildirib ki, Ümummilli lider Heydər Əliyevin rəhbərliyi ilə 1992-ci il noyabrın 21-də yaradılan partiyamız fəaliyyət göstərdiyi 22 il ərzində bütün qüvvə və bacarığını xalqa xidmətə yönəldib: “Partiyanın yaradıcısı, Ümummilli liderimiz Heydər Əliyevin zəngin təcrübəsi, müstəqil, demokratik və hüquqi dövlət quruculuğu yolunda gərgin fəaliyyəti ölkəmizin bugünkü və gələcək uğurlu taleyini müəyyən edib. Azərbaycan düşdüyü siyasi, iqtisadi, sosial və mənəvi böhrandan Ulu öndər Heydər Əliyevin rəhbərliyi altında xilas olub və inkişaf yoluna çıxıb”.
V.Rəhimzadə bildirib ki, qələbələr partiyası olan YAP bu seçkilərə də üstün nüfuzunun və yüksək ictimai dəstəyin fonunda gedir: “Siyəzən seçiciləri ölkəmizin gələcək inkişafı, tərəqqisi üçün seçkilərdə aktiv iştirak etməli və YAP-ın namizədlərinə səs verməlidirlər”.
Daha sonra YAP Siyəzən rayon təşkilatı Qadınlar Şurasının sədri Ramilə Seyidova, YAP Siyəzən rayon təşkilatı Gənclər Birliyinin sədri Rəşad Rəhmanov, YAP Siyəzən rayon təşkilatının Aparat rəhbəri İxtiyar İsayev, şura üzvü Qələmşah Babayev, bələdiyyə üzvlüyünə namizədlərdən Azər Babayev, Əsbə İmanova çıxış edərək YAP-ın namizədlərinin bələdiyyə seçkilərinə inamla və aydın proqramla getdiklərini bildiriblər.
Oktay

Paylaş:

Baxılıb: 974 dəfə