Azərbaycanda həyata keçirilən gənclər siyasəti mütərəqqiliyi ilə fərqlənir

Bakı:

27 °C

61 %

5 m/s

Əlaqə

AZ RU EN

Ana səhifə / YAP xəbərləri / Azərbaycanda həyata keçirilən gənclər siyasəti mütərəqqiliyi ilə fərqlənir

Azərbaycanda həyata keçirilən gənclər siyasəti mütərəqqiliyi ilə fərqlənir

17.03.2015 [10:07]

YAP Quba rayon təşkilatı Gənclər Birliyinin IV hesabat-seçki konfransı keçirilib
Yeni Azərbaycan Partiyası (YAP) Quba rayon təşkilatı Gənclər Birliyinin IV hesabat-seçki konfransı keçirilib.
Konfransda YAP Quba rayon təşkilatının sədri Ədalət Nəbiyev, “Yeni Azərbaycan” qəzetinin baş redaktoru Hikmət Babaoğlu, YAP Mərkəzi Aparatının məsul işçisi Araz Xudadanov, YAP Quba rayon təşkilatı Gənclər Birliyinin Şura və İdarə Heyətinin üzvləri və partiya fəalları iştirak ediblər.
Tədbiri giriş sözü ilə açan YAP Quba rayon təşkilatının sədri Ədalət Nəbiyev Azərbaycanda nümunəvi gənclər siyasətinin həyata keçirildiyini qeyd edib. Yeni Azərbaycan Partiyasının gənclərə xüsusi diqqət və qayğı göstərdiyini deyən Ə.Nəbiyev YAP Gənclər Birliyinin yaranma tarixindən və onun gördüyü işlərdən, qazandığı nailiyyətlərdən danışıb.
Daha sonra YAP Quba rayon təşkilatı Gənclər Birliyinin sədri Habil Bayramlı hesabat məruzəsi ilə çıxış edib. III konfransdan ötən müddət ərzində görülmüş işlər, həyata keçirilmiş tədbirlər barəsində ətraflı məlumat verən H.Bayramlı Azərbaycan gəncliyinin dövlət qayğısı ilə əhatə olunduğunu diqqətə çatdırıb.
Sonra məruzə ətrafında çıxış edən partiya fəallarından İlkin Xanlarzadə, Aysel Şeydayeva, Nigar Nadirova, Nizami Hüseynov ölkədə həyata keçirilən gənclər siyasətindən, gənclərin hərtərəfli inkişafından söz açıblar. Bildirilib ki, gənclər bu gün dövlət idarəçiliyində, parlamentdə, bələdiyyələrdə, biznes strukturlarında, ümumiyyətlə, müxtəlif sahələrdə uğurla təmsil olunur və milli inkişafa öz töhfələrini verirlər.
Daha sonra çıxış edən “Yeni Azərbaycan” qəzetinin baş redaktoru Hikmət Babaoğlu, YAP Mərkəzi Aparatının məsul işçisi Araz Xudadanov diqqətə çatdırıblar ki, bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Azərbaycan gəncləri gündən-günə ölkənin ictimai-siyasi həyatında daha böyük rol oynayır. Məhz dövlətin gənclərə dəstək və diqqət göstərməsi nəticəsində Azərbaycan gəncliyində özünə, öz gücünə, istedadına inam hissi artıb.
Natiqlər, Azərbaycan dövlətinin gənclərə göstərdiyi diqqət və qayğıdan, Ulu öndər Heydər Əliyevin təməlini qoyduğu dövlət gənclər siyasətinin Prezident İlham Əliyev tərəfindən uğurla davam etdirilməsindən, ölkəmizin sosial-iqtisadi, ictimai-mədəni, eləcə də, idman həyatında gənclərin rolundan danışıblar.
Qeyd edilib ki, YAP, o cümlədən, partiyanın Gənclər Birliyi gənclərin fəallığına, onların potensialından səmərəli istifadə olunmasına xüsusi diqqət yetirir. Mütəmadi surətdə təkmilləşdirilən gənclər siyasəti gənc nəslin ictimai-siyasi həyatdakı rolunun artmasına, ölkənin aparıcı qüvvəsinə çevrilməsinə, bütövlükdə, kreativ gəncliyin formalaşmasına şərait yaradıb.
Tədbirin sonunda YAP Quba rayon təşkilatı Gənclər Birliyinin 23 nəfərdən ibarət Şura üzvləri, 11 nəfərdən ibarət İdarə Heyəti seçilib. Eyni zamanda, YAP Gənclər Birliyinin konfransına nümayəndələr seçilib. Partiya sıralarına yeni qoşulmuş gənclərə üzvlük vəsiqələri verilib.

Paylaş:

Baxılıb: 1079 dəfə