Qaradağ rayonunda Laçından olan seçicilərlə görüş keçirilib

Bakı:

17 °C

72 %

3 m/s

Əlaqə

AZ RU EN

Ana səhifə / YAP xəbərləri / Qaradağ rayonunda Laçından olan seçicilərlə görüş keçirilib

Qaradağ rayonunda Laçından olan seçicilərlə görüş keçirilib

31.03.2018 [09:30]

Yeni Azərbaycan Partiyası (YAP) Laçın rayon təşkilatı ölkəmizdə aprelin 11-də keçiriləcək prezident seçkilərində partiyanın namizədi İlham Əliyevin təbliğat-təşviqat kampaniyası çərçivəsində Qaradağ rayonunda məskunlaşmış laçınlı seçicilərlə görüş keçirib.
Görüşü giriş sözü ilə açan YAP Laçın rayon təşkilatının və YAP Mərkəzi Seçki Qərargahı Laçın rayon şöbəsinin sədri İlqar İlyasov Prezident İlham Əliyevin rəhbərliyi ilə ölkəmizdə həyata keçirilən uğurlu islahatlardan geniş bəhs edib. "Azərbaycanın iqtisadi uğurları günbəgün artır və iqtisadi potensialın artması ilə ölkəmizin ictimai-siyasi sabitliyinin möhkəmlənməsi, xalqımızın rifah halının daha da yaxşılaşdırılması təmin edilir. Vətəndaşların sosial müdafiəsinin gücləndirilməsi istiqamətində təxirəsalınmaz işlər görülür", - deyə İ.İlyasov vurğulayıb. Fikirlərinə davam edən YAP rayon təşkilatının rəsmisi Prezident İlham Əliyevin rəhbərliyi ilə reallaşdırılan irimiqyaslı layihələr barədə də məlumat verib. Bu layihələrin ölkənin güclənməsi, infrastruktur təminatının möhkəmlənməsi baxımından müstəsna əhəmiyyət daşıdığını deyən YAP Laçın rayon təşkilatının sədri İ.İlyasov bütün seçiciləri qarşıdan gələn prezident seçkilərində dövlətimizin inkişafı, milli təhlükəsizliyin təmin olunması naminə cənab İlham Əliyevin ətrafında sıx birləşməyə səsləyib.
Tədbirdə çıxış edən Milli Məclisin deputatı Mahir Abbaszadə bildirib ki, cənab Prezidentin gördüyü işlər ölkəmizin inkişafına və xalqımızın xoşbəxtliyinə xidmət edib. "Ölkəmizə yönəldilən irihəcmli sərmayələr də bu inkişafın, ictimai-siyasi sabitliyin nəticəsidir. Bu baxımdan cənab İlham Əliyevin iqtisadi islahatları gələcəyə istiqamətlənmiş, uzaqgörən və müdrik siyasi xəttin mühüm tərkib hissəsidir. Bütün bunlara görə də bütün seçiciləri aprelin 11-də cənab İlham Əliyevə səs verməyə çağırıram",-deyə Milli Məclisin deputatı vurğulayıb.
Görüşdə çıxış edən bir qrup rayon ziyalıları və ağsaqqalları - Murad Hüseynov, Güllü İbadova, İbrahim Məmmədov, Vaqif İsmayılov, Tahir Bayramov və digərləri prezident seçkilərində fəal iştirak edəcəklərini və dövlət başçısı, xalqımızın alternativsiz lideri cənab İlham Əliyevə dəstək göstərəcəklərini söyləyiblər. Çıxış edənlər bütün seçiciləri bir daha prezident seçkilərində yüksək fəallıq göstərməyə və dövlət başçısı cənab İlham Əliyevə səs verməyə çağırıblar.

Paylaş:

Baxılıb: 730 dəfə