Masallı seçiciləri dekabrın 23-də yüksək fəallıq nümayiş etdirəcəklər

Bakı:

13°C

76%

11m/s

Əlaqə

AZ RU EN

Ana səhifə / YAP xəbərləri / Masallı seçiciləri dekabrın 23-də yüksək fəallıq nümayiş etdirəcəklər

Masallı seçiciləri dekabrın 23-də yüksək fəallıq nümayiş etdirəcəklər

08.12.2009 [10:08]

Yeni Azərbaycan Partiyasının səlahiyyətli nümayəndələri bələdiyyə seçkiləri ilə bağlı Masallı rayonunun Təzə Alvadı kəndinin seçiciləri ilə görüş keçirib
Dünən Yeni Azərbaycan Partiyasının (YAP) səlahiyyətli nümayəndələri Masallı rayonun Təzə Alvadı kəndində seçicilərlə görüş keçirib. YAP Masallı rayon təşkilatının sədri Əmanət Əzizov dekabrın 23-də keçiriləcək bələdiyyə seçkiləri ilə əlaqədar görülmüş işlərdən danışıb və qeyd edib ki, ötən müddət ərzində özünüidarəetmə orqanlarında namizədliyini irəli sürmüş YAP üzvləri ilə mütəmadi görüşlər keçirilib, onlara bələdiyyələrin ölkənin ictimai-siyasi həyatında oynadığı rolun əhəmiyyəti barədə geniş məlumat verilib. YAP Masallı rayon təşkilatının sədri onu da qeyd edib ki, əvvəlki bələdiyyə seçkiləri ilə müqayisədə builki seçkilərdə namizədliyi irəli sürülmüş qadınların və gənclərin sayı 2 dəfədən çox artıb.
Natiq ölkəmizin ümumi inkişafına öz töhfəsini verən YAP-ın resurslarının güclənməsini xüsusi vurğulayaraq növbəti seçkilərdə xalqın dəstəyinin öz təsdiqini tapacağına əmin olduğunu söyləyib.
Yeni Azərbaycan Partiyasının bələdiyyə seçkilərində səlahiyyətli nümayəndəsi, “Yeni Azərbaycan” qəzetinin baş redaktoru Hikmət Babaoğlu bələdiyyə seçkiləri ilə bağlı partiyanın seçki proqramı haqqında ətraflı məlumat verib. YAP-ın ümumxalq partiyası olduğunu deyən H.Babaoğlu qeyd edib ki, partiyamız hər zaman böyük xalq dəstəyinə güvənərək bütün seçkilərdə inamlı qələbə qazanıb. “Ulu öndər Heydər Əliyev tərəfindən əsası qoyulan Yeni Azərbaycan Partiyası hər zaman xalqa xidmət prinsipini prioritet sayıb. Xalqın sosial rifahının yüksəldilməsi həmişə YAP-ın ali məqsədlərindən olub. Partiyamızın bölgədə və dünyada artan nüfuzunun başlıca səbəblərindən biri də məhz güclü sosial dayaqlarının olmasıdır” - deyən Hikmət Babaoğlu bildirib ki, Ulu öndər Heydər Əliyevin müəyyən etdiyi yüksək inkişaf və tərəqqi konsepsiyasının YAP Sədri, Prezident İlham Əliyev tərəfindən davam etdirilməsi və keyfiyyətcə zənginləşərək yeni mərhələyə qədəm qoyması xalqın iqtidara və partiyamıza olan inam və etibarını daha da möhkəmləndirib. çünki xalq ilbəil yaşayış vəziyyətinin, xoş güzəranının yaxşılaşmasına səbəb olan davamlı islahatları öz həyatında hiss edərək dəyərləndirir: “Hər zaman xalqın sosial qayğıları ilə maraqlanan, onların sosial rifah halının daha da yüksəlməsini amalı hesab edən YAP bu genişmiqyaslı tədbirləri davam etdirməklə xalqın dəstəyini qazanıb. Cənab Prezident İlham Əliyevin rəhbərliyi ilə həyata keçirilən bu tədbirlər YAP-a olan inam və etimadı günü-gündən artırır. Buna görə də, bu inam və sevgi YAP-ın namizədlərinin hər bir seçkidə qələbə qazanmasına şərait yaradır”.
“Yeni Azərbaycan” qəzetinin baş redaktoru Hikmət Babaoğlu bələdiyyələrin ölkə həyatının müxtəlif sahələrində gördüyü işlərdən və onların üzərinə düşən mühüm vəzifələrdən də bəhs edib. H.Babaoğlu bildirib ki, bələdiyyələr respublikamızın sosial-iqtisadi inkişafı ilə bağlı həyata keçirilən mühüm dövlət proqramlarının icrasında yaxından iştitrak edir, ölkəmizin ümumi inkişafına öz töhfələrini verir. Onun fikrincə, bu qurumlar bölgələrdə sosial müdafiə ve sosial inkişaf proqramlarının icrasına böyük diqqət ayırmaqla əhalinin yerli sosial problemlərini də həll etmək imkanlarına malikdir. Ona görə də, bələdiyyələr ölkəmizdə mühüm proqramların icrasında iştirak etməyə daha çox səy göstərməlidir.
YAP-ın bələdiyyə seçkilərində səlahiyyətli nümayəndəsi, Milli Məclisin Aqrar siyasət komitəsinin sədri, YAP Siyasi Şurasının üzvü Eldar İbrahimov isə bələdiyyələrin fəaliyyətindən geniş danışıb. Onun sözlərinə görə, bu gün dövlət tərəfindən bələdiyyələr üçün müəyyən edilmiş səlahiyyətlər və onların əldə etdiyi yerli gəlirlər imkan verir ki, bu özünüidaretmə orqanları çox mühüm proqramları - məktəblərin tikintisi və bərpasını, təhsil və səhiyyə müəssisələrinin yeni avadanlıqlarla təmin olunması, mədəniyyət, turizm və idman komplekslərinin yaradılmasını və digər tədbirləri həyata keçirə bilsin. “Bələdiyyələrin statusu haqqında” Qanunda da müəyyən edilib ki, yerli özünüidarəetmə orqanları sosial müdafiə və sosial inkişaf proqramlarının icrasında iştirak etməklə yanaşı, yerli sosial-humanitar layihələrin reallaşması təşəbbüsü ilə çıxış etməli və bu tədbirləri yerinə yetirməlidir. ümumiyyətlə, bələdiyyələr bölgələrdə bütün infrastruktur layihələrində, eləcə də, məktəbəqədər tərbiyə, təhsil, səhiyyə, mədəniyyət müəssisələrinin, yaşayış və qeyri-yaşayış binalarının saxlanılması və təmiri, sanitariya müəssisələrinin təşkili və inkişafı, mənzil tikintisi, yerli əhəmiyyətli su mənbələrindən istifadə, su təchizatının və kanalizasiya təsərrüfatının yaxşılaşdırılması, yerli əhəmiyyətli yolların çəkilməsi, nəqliyyat və rabitə xidmətlərinin təşkili, ekoloji məsələlərin həlli ilə bağlı kompleks tədbirlərdə iştirak etməlidir”.
Eldar İbrahimov, həmçinin, qeyd edib ki, YAP Azərbaycanın və regionun ən mütəşəkkil güclü siyasi təşkilatı kimi qarşısına qoyduğu bütün hədəflərə asanlıqla nail olmağa qadirdir. “Bu gün əhalinin sosial məsələlərinin həll edilməsi, onların ən yüksək infrastruktur xidmətləri ilə əhatə olunması partiyaya olan rəğbəti və inamı artırır”. Builki seçkilərdə qadınların və gənclərin aktivliyinə toxunan E.İbrahimov yerli özünüidarəetmə orqanlarında onların təmsilçiliyinin artmasının ümumilikdə cəmiyyətin tərəqqisinə, bölgələrdə mühüm sosial-humanitar məsələlərin həllinə köməklik göstərəcəyinə ümidvar olduğunu diqqətə çatdırıb. Masallı sakinlərinin dövlətə və dövlətçiliyimizə daim sədaqət nümayiş etdirdiyini qeyd edən E.İbrahimov bələdiyyə seçkilərində də bunun bir daha təsdiqlənəcəyini söyləyib. Eldar İbrahimov qeyd edib ki, seçkiyə ciddi hazırlıq onu deməyə əsas verir ki, Masallı seçiciləri bu prosesdə yüksək aktivlik nümayiş etdirməklə Yeni Azərbaycan Partiyasının namizədlərinin seçkilərdə qələbəsini təmin etmiş olacaqlar.
ELBRUS CƏFƏRLİ

Paylaş:

Baxılıb: 1238 dəfə