Ramil Orucov: Ölkəmizin etibarlı tərəfdaş imici formalaşıb

Bakı:

30 °C

48 %

11 m/s

Əlaqə

AZ RU EN

Ana səhifə / YAP xəbərləri / Ramil Orucov: Ölkəmizin etibarlı tərəfdaş imici formalaşıb

Ramil Orucov: Ölkəmizin etibarlı tərəfdaş imici formalaşıb

07.10.2022 [11:06]

Cənubi Qafqazın lider dövləti Azərbaycan Avropanın enerji təhlükəsizliyinin, qlobal enerji təhlükəsizliyinin təmin olunmasında əhəmiyyətli rola malikdir.

Bu gün böyük layihələrə imza atan Azərbaycan Avropaya neftlə yanaşı, təbii qaz da ixrac etmək imkanına malikdir. Təkcə bu ilin 8 ayı ərzində Azərbaycanın qaz ixracından əldə etdiyi gəlirin həcmi 340 faizədək, istehsal isə 9,7 faiz artıb. Qaz ixracından əldə olunan gəlirin artması Azərbaycanın gələcəkdə daha çox gəlir əldə etmək imkanının olduğunu göstərir.

Bunu YAP Gəncə şəhər təşkilatının sədri Ramil Orucov bildirib. O, qeyd edib ki, Cənubi Qafqazın nəhəng enerji və nəqliyyat infrastrukturlarının müəllifi, regionun söz sahibi Azərbaycan bölgədə və beynəlxalq səviyyədə əməkdaşlığa, təhlükəsizliyə mühüm töhfələr verir.

Bu gün Avropanın enerji xəritəsini dəyişən, qitə üzrə ən böyük infrastruktur layihəsi Cənub Qaz Dəhlizinin təşəbbüskarı Azərbaycan regional enerji bazarında mövqeyini daha da möhkəmləndirir. Oktyabrın 1-də Bolqarıstan Respublikasının paytaxtı Sofiya şəhərində Yunanıstan-Bolqarıstan Qaz İnterkonnektorunun (IGB) açılış mərasimi Azərbaycanın mavi qazının ixrac istiqamətlərini daha da genişləndirilməsinə yol açdı.

Ölkə Başçımız cənab İlham Əliyevin Bolqarıstana səfəri çərçivəsində Yunanıstan-Bolqarıstan Qaz İnterkonnektorunun (IGB) açılış mərasimində Azərbaycanın qaz ehtiyatlarının 2,6 trilyon kubmetr olduğunu xatırladıb, bu layihənin Azərbaycan qazının Avropaya daha geniş miqyasda nəql olunmasına imkan yaradacağını bildirib.

Ramil Orucov onu da vurğulayıb ki, Bolqarıstan və Cənub-Şərqi Avropa üçün yeni dövr vəd edən Yunanıstan-Bolqarıstan Qaz İnterkonnektorunun istifadəyə verilməsi yalnız Bolqarıstana deyil, Serbiya, Slovakiya, Şimali Makedoniya, Macarıstan, Rumıniya kimi ölkələrə də Azərbaycanın mavi qazından faydalanmaq imkanı verəcək.

Avropanın enerji xəritəsini yenidən çəkən bu layihə bir daha Azərbaycanın müasir çağırışlar dövründə Avropanın enerji təhlükəsizliyindəki rolunu nümayiş etdirdi. Eyni zamanda, bu layihənin açılışı ölkəmizdən təbii qaz təchizatı imkanlarının daha da artırılmasına, Avropaya qaz təchizatının şaxələndirilməsi hədəflərinə kömək göstərəcək.

Azərbaycan Prezidenti cənab İlham Əliyev Bolqarıstanda SOCAR-ın ofisinin açılması məsələsinə toxunaraq qeyd edib ki, biz enerji sahəsində təkcə təbii qazın ixracı ilə işimizi bitmiş hesab etməməliyik: "Biz enerji ilə bağlı olan digər məsələləri müzakirə etdik. Elektrik enerjisinin ixracı və bu sahədə qarşılıqlı faydalı əməkdaşlıq, xam neftin Bolqarıstan istiqamətinə nəqli, Bolqarıstanda enerji infrastrukturunun yenilənməsində SOCAR-ın mümkün iştirakı və digər məsələlər müzakirə olundu. Bir sözlə, SOCAR-ın Bolqarıstandakı ofisinin açılması vaxtı çatıb və əminəm ki, biz yaxın vaxtlarda bunu da edəcəyik".

“Beynəlxalq aləmdə əsas söz sahibi kimi tanınan Azərbaycan artıq qlobal proseslərin fəal iştirakçıdırarından birinə çevrilir. Ölkəmizin uzun illər ərzində formalaşdırdığı etibarlı tərəfdaş imici müstəqil ölkəmizlə yeni əlaqələrin qurulmasına şərait yaradır” - YAP Gəncə şəhər təşkilatının sədri Ramil Orucov bildirib.

Paylaş:

Baxılıb: 600 dəfə