Dostluq əlaqələri güclənir

Bakı:

19 °C

88 %

3 m/s

Əlaqə

AZ RU EN

Ana səhifə / YAP xəbərləri / Dostluq əlaqələri güclənir

Dostluq əlaqələri güclənir

18.12.2023 [10:36]

Dekabrın 10-da Azərbaycan Respublikasının Prezidenti İlham Əliyev Serbiya Respublikasının Prezidenti Aleksandar Vuçiçin dəvəti ilə Serbiyaya işgüzar səfər etmişdir. Səfər çərçivəsində Dövlət başçılarının təkbətək və geniş tərkibdə görüşləri keçirilmiş, daha sonra Serbiyanın Niş şəhərində keçirilən Serbiya-Bolqarıstan Qaz İnterkonnektorunun açılış mərasimində iştirak ediblər. Mərasimdə Azərbaycan Respublikasının Prezidenti İlham Əliyev və Serbiya Respublikasının Prezidenti Aleksandar Vuçiç ilə yanaşı Bolqarıstan Respublikasının Prezidenti Rumen Radev də iştirak edib.

Azərbaycan Serbiya ilə strateji tərəfdaşdır. Məlumdur ki, iki ölkə arasında strateji tərəfdaşlıq haqqında Bəyannamə imzalamış və hər iki ölkənin rəhbəri sözdə, sənəddə və əməldə bu yüksək statusa sadiqlik nümayiş etdirirlər. Prezident İlham Əliyevin Serbiya prezidenti ilə şəxsi dostluq münasibətləri də böyük ölcüdə Serbiya-Azərbaycan əlaqələrinin inkişafına xidmət edir.

Dövlətimizin başçısı mərasimdə çıxış edərək Azərbaycan-Serbiya münasibətlərinə toxunmuş, keçən il Serbiyaya rəsmi səfər etdiyini, ondan bir ay sonra Prezident Vuçiç Azərbaycana səfərə gəldiyini xatırladaraq, bu qarşılıqlı səfərlər iki ölkə arasında mövcud olan əlaqələrinin sürətlə və dinamik şəkildə inkişafının göstəricisi olduğunu bildirib.

Prezident İlham Əliyev çıxışında Bolqarıstanla da Azərbaycanı strateji tərəfdaşlıq Sazişi bağladığını, iki ölkə arasında münasibətlərin dostluq və strateji tərəfdaşlıq üzərində qurulduğunu vurğulayıb.

Bugünkü mərasimin dostluq, strateji tərəfdaşlıq mərasimi olduğunu söyləyən Dövlət başçımız bu mərasimin Serbiya və Bolqarıstanın enerji təhlükəsizliyinə böyük töhfə verə biləcək layihə olduğunu qeyd edib.

“Azərbaycanın qaz ixracı coğrafiyası daha da genişlənir. Hazırda biz təbii qazımızı səkkiz ölkəyə ixrac edirik, Serbiya doqquzuncu ölkədir. Bu doqquz ölkənin yeddisi Avropa ölkəsidir və təbii ki, bugünkü mərasim - interkonnektorun fəaliyyətə başlaması Avropanın enerji təhlükəsizliyinə də önəmli töhfə verəcəkdir”- deyən Prezident İlham Əliyev bu münasibətlə Azərbaycan xalqını da təbrik edib.

Dövlətimzin başçısı məlumat üçün bildirib ki, keçən il Avropa İttifaqı ilə Azərbaycan arasında enerji sahəsində strateji tərəfdaşlıq üzrə Anlaşma Memorandumu imzalanmışdır və bu memorandum icra edilir. Bu memoranduma görə, Azərbaycan 2027-ci ilə qədər Avropaya göndərilən qazın həcmini iki dəfə artırmalıdır. Artıq rəqəmlər onu göstərir ki, biz inamla bu hədəfə doğru gedirik. 2021-ci ildə bizim Avropa məkanına qaz ixracımız 8 milyard kubmetrdən bir qədər çox olmuşdursa, bu il bu, təxminən 12 milyard kubmetrə çatacaq. Bu da Azərbaycanın ümumi qaz ixracının 50 faizini təşkil edir.

“Azərbaycanın bütövlükdə enerji strategiyası uğurla icra edilir. Bizim tərəfimizdən irəli sürülmüş və icra edilmiş layihələr Avropanın və Asiyanın - Avrasiyanın enerji xəritəsini böyük dərəcədə yenidən tərtib etmişdir.”- deyən Prezident İlham Əliyev qeyd edib ki, Bakı-Tbilisi-Ceyhan, Bakı-Supsa neft kəmərləri bu gün Azərbaycan neftini Aralıq dənizinin və Qara dənizin bazarlarına çatdırır.

Ölkə başçısı onu da bildirib ki, cənub Qaz Dəhlizi - uzunluğu 3500 kilometr olan nəhəng infrastruktur layihəsi Avropanın enerji təhlükəsizliyinə çox böyük töhfə verir.

Bu bir reallıqdır ki, bu gün Prezident İlham Əliyevin yürütdüyü düşünülmüş xarici siyasət nəticəsində Azərbaycan dünyada etibarlı tərəfdaş və Pan-Avropa qaz təchizatçısı kimi yüksək imic qazanıb. Dövlət başçısı da çıxışında Azərbaycanın, sözün əsl mənasında, etibarlı tərəfdaş olduğunu, dostluq ənənələrinə həmişə sadiq və dostluğu yüksək qiymətləndirdiyini vurğulayıb.

Ölkə başçısı Azərbaycanın Bolqarıstana qaz təchizatı iki il bundan əvvəl başladığını, 2021-ci ildə 270 milyon kubmetr qaz təchiz edildiyini. 2022-ci il 500 milyon kubmetrdən bir qədər çox, bu il isə bu rəqəm 1 milyard kubmetrə yaxın olacağını bildirib.

Gələcək planlardan söz açan Prezident İlham Əliyev bildirib ki, planlarımız qaz təchizatının coğrafiyasını daha da genişləndirmək və gələcəkdə Avropa məkanında yeni yaradılacaq interkonnektorlar vasitəsilə yeni ölkələrin bazarlarına çıxmaqdır. Dövlət başçısı əsas hədəfin bərpaolunan enerji növləri ilə bağlı olduğunu bildirib.

“Həm Serbiya, həm Bolqarıstan, həm Şərqi Avropa qrupuna daxil olan digər ölkələr Azərbaycanın namizədliyini dəstəkləyərək COP29 konfransının Azərbaycanda, Bakıda keçirilməsinə izn verdilər, öz dəstəyini göstərdilər”-deyən ölkə başçısı bunun bir daha dostluğumuzun nümunəsi olduğunu vurğulayıb.

Sahib Şükürov

YAP Göyçay rayon təşkilatının sədri

Paylaş:

Baxılıb: 517 dəfə