Xocalı soyqırımı qurbanlarının qanı yerdə qalmadı

Bakı:

19 °C

88 %

3 m/s

Əlaqə

AZ RU EN

Ana səhifə / YAP xəbərləri / Xocalı soyqırımı qurbanlarının qanı yerdə qalmadı

Xocalı soyqırımı qurbanlarının qanı yerdə qalmadı

02.03.2024 [11:17]

Cənab Prezident İlham Əliyevin 26 fevral tarixində Xocalı şəhərində rayon ictimaiyyətinin nümayəndələri ilə görüşü tarixi hadisə idi. Tarixdə öz miqyasına görə analoqu olmayan Xocalı qətliamını törətməkdə erməni şovinistləri qəddarlıqda faşistlərdən geri qalmadıqlarını bir daha təsdiqlədilər. Həmin gün erməni silahlı birləşmələri faşistlərdən də qəddar olduqlarını açıq şəkildə dünyaya nümayiş etdirdilər. 32 il öncə erməni cəlladlarının Xocalı şəhərində dinc azərbaycanlılara divan tutması tariximizin ən ağrılı-acılı səhifələrindən biridir. Ermənistanın işğalçı, terrorçu mahiyyəti məhz dinc insanların amansızlıqla qətlinə yol açdı. Tarixdə misli-bərabəri olmayan soyqırım, həyata keçirildi. Ancaq azərbaycanlı olduqları üçün uşaqlı, qadınlı, qocalı heç kəsə aman verilmədi. Qışın qarlı-çovğunlu gecəsində körpələr, hamilə qadınlar, ahıl qocalar erməni cəlladlarının amansızlığı ilə üzləşdi. Keçmiş sovet imperiyasının Xankəndidə yerləşən 366-cı moto-atcı diviziyasının köməyi ilə erməni cəlladları Xocalıda soyqırım, insanlıq faciəsi törətdilər.

Cənab Prezident İlham Əliyevin 26 fevral tarixində Xocalı şəhərində soyqırımın 32-cü il dönümü ilə bağlı rayon ictimaiyyətinin nümayəndələri ilə görüşü, verilən mesajlar mühüm önəm kəsb edir. Bu sözsüz ki, Azərbaycan tarixində böyük bir hadisə idi. 32 ildən sonra ilk dəfədir ki, Xocalı soyqırımı günü məhz Xocalıda qeyd olunub. Prezident İlham Əliyev və xocalıların iştirakı Xocalı soyqırımı qurbanlarının xatirəsini əbədiləşdirmək üçün Xocalıda Memorial Kompleksin təməlinin qoyulması isə xalqımızın yaddaşında əbədi qalacaq. 30 ilə yaxın Azərbaycan torpaqlarını işğalda saxlayan və işğal, təcavüz siyasətini azərbaycanlılara qarşı soyqırım, etnik təmizləmə kimi qanlı aktlarla icra edən Ermənistan 44 günlük Vətən Müharibəsində məğlub olaraq kapitulyasiya aktına imza atmağa məcbur oldu. II Qarabağ müharibəsi nəticəsində əldə edilən zəfər sözsüz ki, tarixi ədalətin təntənəsi hesab olunur. Şəhidlərimizin, günahsız qurbanlarımızın qisası döyüş meydanında alındı və onların qanı yerdə qalmadı. Düşmən Müzəffər Ali Baş Komandanın rəhbərliyi ilə Rəşadətli Ordumuz tərəfindən döyüş meydanında darmadağın edildi.

Xocalı soyqırımı cənab Prezident İlham Əliyevin də vurğuladığı kimi dünyanın gözü qarşısında baş vermiş qanlı cinayətdir: “Xocalı soyqırımını inkar etmək ədalətsizlik və vicdansızlıqdır “Ermənistan dövləti, o vaxt və bu gün onun arxasında duran eyni qüvvələr, eyni ölkələr əlindən gələni edirdilər ki, Xocalı soyqırımı ört-basdır edilsin, Ermənistan məsuliyyətə cəlb olunmasın, Ermənistana qarşı hər hansı bir sanksiya tətbiq edilməsin və onlar cəzasız qalsın” – deyə dövlət başçısı bu qanlı soyqırım aktına görə dünya birliyinin biganə yanaşmasına diqqət çəkib. Azərbaycan dövləti bu onilliklər ərzində çalışırdı ki, qanlı cinayəti törədənlər ədalət qarşısında cavab versin. Amma bu ədaləti ancaq Azərbaycanın özü təmin etdi. II Qarabağ müharibəsi nəticəsində Azərbaycanın ərazi bütövlüyü təmin edildi. Təbii ki, 2023-cü ilin 19-20 sentyabrına qədər bu ərazilərdə hələ də özünün mövcudluğunu saxlamağa çalışan separatçı rejim tarixin arxivinə göndərildi. Cənab Prezident də qeyd edib ki, Xocalısız ərazi bütövlüyümüzün, suverenliyimizin tam bərpa olunduğunu hesab edə bilməzdik. Xocalının Azərbaycan xalqının tarixində və şüurunda o qədər böyük yeri var ki, bu faciə qəlbimizdə o qədər böyük yaralar salıb ki, Xocalı azad olunmadan biz sakitləşə bilməzdik”. 2023-cü il oktyabrın 15-də Xocalıda Müzəffər Ali Baş Komandan tərəfindən şanlı üçrəngli bayrağımızın ucaldılması tarixi ədalətin təntəsəni idi. Bu ədaləti döyüş meydanında təmin etməyimiz beynəlxalq hüquqa və tarixi ədalətə tam uyğundur. Günahsız Xocalı qurbanlarının qisası döyüş meydanında alındı. Artıq Qarabağ və Şərqi Zəngəzurda böyük qayıdış konsepsiyasına uyğun olaraq sürətlə bərpa, quruculuq işləri icra edilir. Bu mənada 2023-cü ilin 20 sentyabrından sonra ilk növbədə, Xocalıda xocalılıların evləri bərpa edilməyə başlayıb. Qısa zamanda həyata keçirilən bərpa-quruculuq işləri keçmiş qaçqın və məcburi köçkünlərin öz tarixi ata-baba yurdlarına qayıdaraq, burada əbədi xoşbəxt, təhlükəsiz şəraitdə yaşayışı təmin olunacaq. Buna güclü, qalib Azərbaycan dövləti tam təminat verir”.

Xocalının Azərbaycan xalqının tarixində və şüurunda o qədər böyük yeri var ki, bu faciə qəlbimizdə o qədər böyük yaralar salıb ki, Xocalı azad olunmadan biz sakitləşə bilməzdik”. 2023-cü il oktyabrın 15-də Xocalıda Müzəffər Ali Baş Komandan tərəfindən şanlı üçrəngli bayrağımızın ucaldılması tarixi ədalətin təntənəsi oldu. Bu ədaləti döyüş meydanında təmin etməyimiz beynəlxalq hüquqa və tarixi ədalətə tam uyğundur. Günahsız Xocalı qurbanlarının qisası döyüş meydanında alındı. Artıq Qarabağ və Şərqi Zəngəzurda böyük qayıdış konsepsiyasına uyğun olaraq sürətlə bərpa, quruculuq işləri icra edilir. Bu mənada 2023-cü ilin 20 sentyabrından sonra ilk növbədə, Xocalıda xocalılıların evləri bərpa edilməyə başlayıb”.

YAP Naftalan şəhər təşkilatının sədri Rövlan Heydərov

Paylaş:

Baxılıb: 513 dəfə