İmişli rayon Ağsaqqallar Şurasının qərərgahında Nurulu kənd ərazi təşkilatının təsis iclası keçirildi

Bakı:

13 °C

94 %

5 m/s

AZ RU EN

Ana səhifə / Xəbər lenti / İmişli rayon Ağsaqqallar Şurasının qərərgahında Nurulu kənd ərazi təşkilatının təsis iclası keçirildi

İmişli rayon Ağsaqqallar Şurasının qərərgahında Nurulu kənd ərazi təşkilatının təsis iclası keçirildi

19.03.2025 [22:38]

İmişli rayon Ağsaqqallar Şurasının qərərgahında Nurulu kənd ərazi təşkilatının təsis iclası keçirilib.

Tədbirdə İmişli rayon Ağsaqqallar Şurasının sədri Saleh Səmədov, sədrin birinci müavini Vahid Tağıyev, müavin Məmi Atakişiyev, Aparat rəhbəri Murad Seyidov, İdarə heyətinin üzvü Famil İmanov, rayon ağsaqqallar şurasının mətbuat orqanı olan "Xalq sözü" qəzetinin baş redaktoru Nizami Aslanoğlu və Nurulu kənd ağsaqqalları iştirak edirdi.

İlk öncə torpaqlarımızın işğaldan azad olunması uğrunda canlarından keçən şəhidlərimizin və yaxın zamanlarda dünyasını dəyəşən ağsaqqalların xatirəsi bir dəqiqəlik sükutla yad edildi.

Tədbirdə çıxış edən İmişli Rayon Ağsaqqallar Şurasının sədri Saleh Səmədov tədbir iştirakçılarını Azərbaycan Ağsaqqallar Şurasının sədri, millət vəkili, professor Eldar Quliyevin adından və öz adından salamlayaraq onları Novruz və Ramazan bayramlar münasibətilə təbrik etdi.

Saleh müəllim çıxışında respublikamızda ağsaqqallar şurasının fəaliyyətindən, qarşıda duran vəzifələrdən, ağsaqqalların daim artan nüfuzundan, ağsaqqallar şurasının fəaliyyətinin dövlət siyasətinə xidmət etdiyindən, prezidentin apardığı uğurlu, genişmiqyaslı işlərədə ağsaqqalların daim sədaqətlik əzmində olmasından danışdı. Qeyd etdi ki, bu gün Azərbaycan Ağsaqqallar Şurası respublikamızda ictimai, siyasi proseslərin önündə gedən bir təşkilatdir.

İmişli rayon Ağsaqqallar Şurasının sədrinin birinci müavini Vahid Tağıyev rayonumuzda Ağsaqqallar Şurasının təşkilatlanması, genişmiqyaslı fəaliyyəti haqqında ətraflı məlumat verdi. Saleh Səmədovun rayonda xüsusi nüfuza malik olduğunu, xalqımıza xas olan xeyirxahlıq və humanizm prinsiplərinə uyğun nəcib əməllərini, xeyriyyə aksiyalarını mütəmadi davam etdirdiyini qeyd etdi. Dünən 750 nəfər rayon sakininə bayram sövqatı verildiyini xatırlatdı. Azərbaycanda ağsaqqallıq missiyasının mill-mənəvi dəyərlərimizin əsas amillərindən biri olaraq davam etdiyini, onun cəmiyyətdaxili sabitliyin qorunmasında rolunu və əhəmiyyətini qeyd etdi.

Tədbirdə İmişli Rayon Ağsaqqallar Şurasının sədr müavini Məmi Atakişiyev çıxış edərək bayranlar münasibətilə tədbir iştirakçılarını təbrik etdi. Azərbaycan ağsaqqallarının həmişə olduğu kimi bu gün də dövlətimizə sədaqətlə xidmət etdiyini, gənc nəslin milli-mənəvi dəyərlərə və adət-ənənələrimizə hörmət hisləri ilə tərbiyə edilməsində onların xüsusi rola malik olduğunu bildirdi.

Tədbirdə rayon ağsaqqallar şurasının aparat rəhbəri Murad Seyidov əsasnaməyə uyğun təşkilatın yaradılması qaydaları haqqında məlumat verdi.

Tədbirdə əsasnaməyə uyğun olaraq Nurulu kənd ağsaqqalları arasından səsvermə yolu ilə idarə heyətinin üzvləri, sədr və sədr müavinləri seçildi.

Belə ki, açıq səsvermə yolu ilə, Eynullayev Qənimət, Əliyev Ramiz, Bayramov Nadir, Bayramov Yeravan, Təhməzov Səyyaf, Eynullayev Ehtiram və Əkbərov Behdulla İdarə heyətinin üzləri seçildi. Eyni zamanda, onların arasından Eynullayev Qənimət sədr, Əliyev Ramiz və Bayramov Nadir müavin seçildilər.

Sonra yeni seçilən Nurulu kənd ağsaqqallar şurasının sədrinə və müavinlərə Azərbaycan Ağsaqqallar Şurasının xüsusi döş nişanları təqdim olundu.

Tədbir iştirakçıları tərəfindən yeni təsis edilən Nurulu kənd ağsaqqallar şurasının üzvləri təbrik edilərək onlara gələcək fəaliyyətlərində uğurlar arzulandı.

Tədbirin sonunda xatirə fotoları çəkildi.

Paylaş:

Baxılıb: 412 dəfə