“İZ” gənclər düşərgəsi çərçivəsində fəaliyyətlərə start verilib

Bakı:

19°C

88%

9m/s

Əlaqə

AZ RU EN

Ana səhifə / Xəbər lenti / “İZ” gənclər düşərgəsi çərçivəsində fəaliyyətlərə start verilib

“İZ” gənclər düşərgəsi çərçivəsində fəaliyyətlərə start verilib

10.12.2021 [15:47]

Azərbaycan Gənclər Fondunun dəstəyi, “İrəli” İctimai Birliyinin təşkilatçılığı ilə həyata keçirilən “İZ” gənclər düşərgəsi öz işinə başlayıb.

Birlik tərəfindən bildirib ki, “İZ” gənclər düşərgəsinin əsas məqsədi adından da bəlli olduğu kimi, gənclərimizə Azərbaycanın dövlətçilik, mədəniyyət, sənətkarlıq, elm, ordu quruculuğu, tarixi haqqında geniş məlumat vermək, eləcə də görkəmli şəxsiyyətlərimizi tanıtmaq, milli-mənəvi dəyərlərimizi aşılamaqdır. Layihə Azərbaycanın görkəmli şəxslərinin gənclərə tanıdılması, onlarda milli kimliyin formalaşması baxımından da olduqca əhəmiyyətlidir. Dahi şəxsiyyətlərin həyatı, ədəbi-elmi irsi, Azərbaycan dövlətçiliyi üçün göstərilən fəaliyyətin təbliği gənclər üçün ən yaxşı nümunələrdəndir. “İrəli” İB olaraq Azərbaycan tarixində öz sözünü deyən dahiləri tanıdıb-təbliğ etmək istiqamətlərində gördüyümüz işlərdən biri də “İZ” layihəsidir.

8-12 dekabr 2021-ci il tarixlərində keçirilən “İZ” layihəsi çərçivəsində iştirakçılarla ümumi görüş keçirilib, düşərgə qaydaları haqqında ətraflı məlumatlar verilib. Daha sonra gənclər komanda təqdimatlarında iştirak edərək praktiki sessiyada öz komandaları haqqında topladıqları məlumatları nümayiş etdiriblər.

Layihə iştirakçılarının “İrəli” İctimai Birliyinin sədri Şahin Rəhmanlı ilə görüşü keçirilib. Ümummilli Liderin: “Azərbaycanın hər bir gənci öz xalqının, millətinin qədim zamanlardan indiyə qədər olan tarixini gərək yaxşı bilsin. Əgər bunu bilmirsə, o, həqiqi vətənpərvər ola bilməz. Əgər bunu bilməsə, o, millətini qiymətləndirə bilməz. Əgər onu bilməsə, o, millətinə olan mənsubiyyəti ilə istənilən səviyyədə fəxr edə bilməz" sözlərini xatırladan təşkilat sədri layihənin bu baxımdan əhəmiyyətindən danışıb. Qeyd olunub ki, Dövlət Gənclər Siyasətinin əsasında tarixinə, milli-mənəvi dəyərlərinə bağlı vətənpərvər gənclərin formalaşması dayanır ki, “İrəli” də aktiv şəkildə bu istiqamətdə tədbirlər həyata keçirir. Şahin Rəhmanlı əlavə edib ki, gələcəkdə də bu kimi tədbirlərin təşkili davam edəcək.

Layihə iştirakçılarının tanınmış televiziya və radio aparıcısı, əməkdar mədəniyyət işçisi Rahib Azəri ilə görüşü keçirilib. Diskussiya formatında keçən görüş boyunca gənclər ölkəmizin və paytaxtımızın tarixi, mədəniyyəti haqqında geniş məlumatlar əldə ediblər.

Azərbaycanın dilbər guşələrindən olan Lənkəran şəhərində keçirilən “İZ” layihəsində gənclər üçün dövlət rəsmiləri ilə görüşlər keçirilməsi, Lənkəran şəhərinin tarixi məkanlarına ekskursiya təşkil edilməsi nəzərdə tutulur. Layihə çərçivəsində gənclər ölkəmizin tarixdə qoyduğu izləri dərindən araşdıraraq mədəniyyət, tarix, komanda quruculuğu və digər bu kimi mövzular üzrə təlim və seminarlarda iştirak edəcəklər. Gənclərin bilik və bacarıqlarının artırılması məqsədi ilə intellektual oyunlar keçiriləcək, eyni zamanda idman bacarıqlarının artırılması üçün oxatma idman yarışı baş tutacaq.

Qeyd edək ki, layihə 17-25 yaş aralığında olan, ilkin qeydiyyat və müsahibə mərhələlərində məqbul nəticə göstərmiş gənclər sırasından gender balansı qorunmaqla seçilən 100-ə yaxın gəncin iştirakı ilə baş tutur. Layihənin sonunda həyata keçirilən tədbirlərdə fəal iştirak etmiş komandalar kubok və müxtəlif hədiyyələrlə təltif olunacaqlar.

Paylaş:

Baxılıb: 710 dəfə