Ona “Bahar oğlu” da deyirdilər

Bakı:

25 °C

64 %

8 m/s

Əlaqə

AZ RU EN

Ana səhifə / Xəbər lenti / Ona “Bahar oğlu” da deyirdilər

Ona “Bahar oğlu” da deyirdilər

16.08.2023 [13:57]

Yazıçısı, dramaturq, şair, filoloq-alim, dövlət və ictimai xadim

Bu gün dövlət xadimi Şıxəli Qurbanovun doğum günüdür. O, 1925-ci il avqust ayının 16-da Bakıda qulluqçu ailəsində anadan olub.

Gənc yaşlarında Azərbaycan yazıçısı, dramaturq, şair, filoloq-alim, dövlət və ictimai xadim kimi tanınıb, filologiya elmləri doktoru, Azərbaycan Dövlət mükafatı və Üzeyir Hacıbəyov adına mükafatın laureatı olub. Bir neçə kitabı işıq üzü görüb və ədəbi ictimaiyyət tərəfindən rəğbətlə qarşılanıb. 1958-1961-ci illərdə “Rəis məşğuldur”, “Əcəb işə düşdük”, “Özümüz bilərik”, “Olmadı elə, oldu belə”, “Sənsiz” pyeslərini, “Bahadır və Sona” librettosunu qələmə alıb.

Ona “Bahar oğlu” da deyirdilər

Şıxəli Qurbanov hər bir azərbaycanlının yaddaşında həm də Novruz bayramının dövlət səviyyəsində ilk dəfə keçirilməsinin səbəbkarı kimi qalıb. Görkəmli ziyalımızın böyük cəsarəti və şəxsi təşəbbüsü ilə ölkəmizdə ilk dəfə Novruz bayramı sovet əsarətindən azad edilib və 1967-ci il martın 21-də kütləvi el şənliyi kimi keçirilib. O zaman Azərbaycan KP MK-nın 1-ci katibi Vəli Axundov 1967-ci ildə Azərbaycanda Novruzun - Baharın gəlişinin rəsmi qeyd olunması haqda sərəncam imzalayıb. Bayramın belə səviyyədə keçirilməsi insanların şüurunda milli müstəqilliyə inam oyadıb, Azərbaycan xalqının əsarətə, haqsızlığa, zülmə qarşı etirazını, azadlıq və müstəqillik uğrunda mübarizə əzmini nümayiş etdirib. Bakıda Novruz bayramının qeyd edilməsi Orta Asiya ölkələrində də bu bayramın keçirilməsinə təkan verib.

Müəmmalı ölümü...

Azərbaycanda ilk dəfə dövlət səviyyəsində Novruz bayramının keçirilməsinə nail olsa da, sular durulmurdu. Sən demə, onun qarşısına iki şərt qoyulmuşdu. Bayramın adı “Novruz” deyil, “Bahar bayramı” olmalı, Bahar qızı isə Qar qıza bənzədilməli idi. Şərtləri qəbul etməyən Ş.Qurbanov Moskvaya çağırılır, Novruz bayramının dinlə əlaqəsinin olmadığını bildirən 22 səhifəlik izahat yazmalı olur. Şıxəli Qurbanov bir müddət təqib edilir. Bu ərəfələrdə “Sənsiz” pyesini tamaşaya qoymağa hazırlaşan ədibin son sözləri isə belə olur: “Gedirəm. Əgər gəlməsəm, “Sənsiz”ə mənsiz baxarsınız”.

Qatili dostu idi?

1967-ci ilin may ayının 24-də dişi ağrıdığı üçün dostu stomatoloq Əliağa Əhmədovun yanına gedir. Dostunun ona vurduğu iynədən sonra vəfat edir. Hadisədən sonra qəzetlər Şıxəli Qurbanovun anaflaktik şok keçirərək dünyasını dəyişdiyini tirajlayır. Həkimin isə pəncərədən qaçdığı və gizlədildiyi barədə xəbərlər yayılır. Ş. Qurbanov qəfil ölümü ilə Azərbaycanı kədərləndirir. Görülməmiş izdiham ilə Fəxri Xiyabanda dəfn edilir.

MÜŞFİQƏ

Paylaş:

Baxılıb: 539 dəfə