“Heydər Əliyev, Böyük Lider” adlı beynəlxalq konfrans keçirilib

Bakı:

25 °C

71 %

15 m/s

Əlaqə

AZ RU EN

Ana səhifə / Xəbər lenti / “Heydər Əliyev, Böyük Lider” adlı beynəlxalq konfrans keçirilib

“Heydər Əliyev, Böyük Lider” adlı beynəlxalq konfrans keçirilib

28.08.2023 [13:57]

MÜŞFİQƏ

Avqustun 28-də “İMZA” Sosial İnkişafa Dəstək İctimai Birliyinin təşkilatçılığı ilə Ulu Öndərin 100 illiyinə həsr olunmuş “Heydər Əliyev, Böyük Lider” adlı beynəlxalq konfrans keçirilib.

Tədbirdə əvvəlcə Azərbaycanın Dövlət Himni səsləndirilib, Ümummilli Lider Heydər Əliyevin və ölkəmizin müstəqilliyi, ərazi bütövlüyü uğrunda canlarını fəda etmiş şəhidlərimizin əziz xatirələri bir dəqiqəlik sükutla yad olunub. Sonra Ulu Öndər Heydər Əliyevin həyat və fəaliyyətindən bəhs edən sənədli film nümayiş etdirilib.

Beynəlxalq konfransda “İMZA” İctimai Birliyinin sədri Xəyyam Əsgərov açılış nitqi ilə çıxış edib: “Məlum olduğu kimi, Prezident İlham Əliyevin Sərəncamı ilə 2023-cü il “Heydər Əliyev İli” elan edilib. Bu Sərəncama uyğun olaraq Azərbaycanda və dünyanın müxtəlif ölkələrində xalqımızın Ümummilli Lideri Heydər Əliyevin 100 illik yubileyi ilə əlaqədar müxtəlif səpkili və məzmunlu tədbirlər keçirilməkdədir. Bugünkü beynəlxalq konfrans da “İMZA”nın təşkilatçılığı ilə elə məhz Ulu Öndər Heydər Əliyevin yürütdüyü siyasətə, onun keçdiyi böyük yola həsr olunmuş tədbirlərdən biridir”.

Daha sonra tədbir İctimai Birliyin beynəlxalq və ictimaiyyətlə əlaqələr departamentinin direktoru Elnar Məmmədlinin moderatorluğu ilə davam edib.

“Ulu Öndər Heydər Əliyev Türk dünyasının dahi övladlarındandır, Azərbaycanın qurucusu, lideridir. O, eyni zamanda, bütün Türk dünyasının da lideridir. Heydər Əliyev müasir Azərbaycanın qurulmasında böyük rol oynayıb. Biz Ulu Öndərin xatirəsini hər zaman yad edirik. Onun iki arzusu var idi. Birincisi, Qarabağın azad olması, ikincisi isə Türk Dövlətləri Təşkilatının qurulması idi. Prezident, Müzəffər Ali Baş Komandan İlham Əliyev Qarabağımızı azad etdi, atasının vəsiyyətini yerinə yetirdi. Eyni zamanda, Türk Dövlətləri Təşkilatı quruldu. Təşkilatın təməli 2009-cu ildə Naxçıvanda atıldı. Türk Dövlətləri Təşkilatı daxilində Azərbaycanın və Türkiyənin rolu çox böyükdür”.

Bu fikirləri Türkiyənin ölkəmizdəki sabiq səfiri, “İMZA” Sosial İnkişafa Dəstək İctimai Birliyinin Türkiyə təmsilçisi Hulusi Kılıç söyləyib.

Öz növbəsində, Tarix elmləri doktoru, millət vəkili Anar İsgəndərov “Heydər Əliyev müstəqil Azərbaycan dövlətinin qurucusu” mövzusunda məruzə ilə çıxış edib.

Tədbir Milli Məclisin deputatları, müxtəlif təşkilatların təmsilçiləri, ictimaiyyət nümayəndələri, politoloqlar, siyasi ekspertlərlə yanaşı, dünyanın müxtəlif ölkələrindən, o cümlədən Türkiyə, Pakistan, ABŞ, Rusiya, Gürcüstan, Fransa, Almaniya, İtaliya, İsraildən vaxtilə Ulu Öndər Heydər Əliyevin ölkəmizə rəhbərlik etdiyi dövrdə Azərbaycanda çalışmış səfirlər, onunla bilavasitə təmasda olmuş siyasi xadimlər və ekspertlərin çıxışları ilə davam edib.

Paylaş:

Baxılıb: 694 dəfə