Kənd təsərrüfatının inkişafı ölkəmizin ərzaq təhlükəsizliyini təmin edir

Bakı:

30 °C

42 %

5 m/s

Əlaqə

AZ RU EN

Ana səhifə / Arxiv / Kənd təsərrüfatının inkişafı ölkəmizin ərzaq təhlükəsizliyini təmin edir

Kənd təsərrüfatının inkişafı ölkəmizin ərzaq təhlükəsizliyini təmin edir

01.06.2026 [13:54]

Azərbaycan Respublikasının Prezidenti cənab İlham Əliyev 2026-cı il mayın 26-da kənd təsərrüfatı məsələlərinə həsr olunmuş müşavirədə çıxışı zamanı ölkədə aqrar sahənin inkişafı, ərzaq təhlükəsizliyinin təmin olunması və regionların sosial-iqtisadi tərəqqisi ilə bağlı mühüm məqamlara toxunmuşdur. Dövlət başçısının çıxışı kənd təsərrüfatının Azərbaycan iqtisadiyyatında mühüm yer tutduğunu və bu sahənin gələcək inkişafının dövlət siyasətinin əsas istiqamətlərindən biri olduğunu bir daha nümayiş etdirmişdir.

Cənab Prezident çıxışında qeyd etmişdir ki, son illərdə kənd təsərrüfatının inkişafı istiqamətində mühüm addımlar atılmış, fermerlərə dövlət dəstəyi genişləndirilmiş və aqrar sahədə müasir texnologiyaların tətbiqi sürətlənmişdir. Subsidiyaların verilməsi, güzəştli kreditlərin ayrılması, texnika təminatının yaxşılaşdırılması və suvarma sistemlərinin yenilənməsi kənd təsərrüfatında məhsuldarlığın artmasına səbəb olmuşdur. Bu tədbirlər həm daxili bazarın yerli məhsullarla təmin olunmasına, həm də ixrac imkanlarının genişlənməsinə şərait yaratmışdır.

Müşavirədə ölkənin ərzaq təhlükəsizliyi məsələsinə xüsusi diqqət yetirilmişdir. Dövlət başçısı kənd təsərrüfatı məhsullarının istehsalının artırılmasının həm iqtisadi, həm də sosial baxımdan mühüm əhəmiyyət daşıdığını qeyd etmişdir.

Möhtərəm Prezident bildirmişdir ki, aqrar sektor regionlarda yaşayan əhalinin əsas gəlir mənbələrindən biridir və bu sahənin inkişafı kəndlərdə sosial rifahın yüksəlməsinə xidmət edir. Yeni aqroparkların yaradılması, fermerlərin maarifləndirilməsi və müasir idarəetmə üsullarının tətbiqi kənd təsərrüfatının daha da inkişaf etməsinə təkan verir.

Çıxış zamanı iqlim dəyişikliklərinin kənd təsərrüfatına təsiri də diqqət mərkəzində olmuşdur. Bu istiqamətdə həyata keçirilən layihələrin gələcəkdə kənd təsərrüfatının dayanıqlı inkişafına mühüm töhfə verəcəyi bildirilmişdir.

Nəticə etibarilə, ölkə başçısı cənab İlham Əliyevin kənd təsərrüfatı məsələlərinə həsr olunmuş müşavirədəki çıxışı Azərbaycanın aqrar siyasətinin əsas istiqamətlərini bir daha ortaya qoymuşdur. Dövlət tərəfindən həyata keçirilən məqsədyönlü siyasət kənd təsərrüfatının inkişafına, regionların güclənməsinə və ölkənin iqtisadi potensialının artmasına xidmət edir. Bu sahədə görülən işlər Azərbaycanın gələcək inkişafı üçün mühüm əhəmiyyət daşıyır.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 309 dəfə