Avropa İttifaqı: Azərbaycanın Strateji və Əsas Ticarət Tərəfdaşı

Bakı:

18 °C

82 %

3 m/s

Əlaqə

AZ RU EN

Ana səhifə / Arxiv / Avropa İttifaqı: Azərbaycanın Strateji və Əsas Ticarət Tərəfdaşı

Avropa İttifaqı: Azərbaycanın Strateji və Əsas Ticarət Tərəfdaşı

06.07.2026 [15:22]

Azərbaycan Respublikasının xarici iqtisadi siyasətində Avropa İttifaqı hər zaman xüsusi və vazkeçilməz yer tutmuşdur. Coğrafi mövqeyi, zəngin karbohidrogen ehtiyatları və regional nəqliyyat qovşaqlarının mərkəzində yerləşməsi Azərbaycanı Avropanın etibarlı tərəfdaşına çevirib. Bu gün iqtisadi münasibətlərin miqyası göstərir ki, Avropa İttifaqı sadəcə bir siyasi tərəfdaş deyil, həm də ölkəmizin ən böyük ticarət tərəfdaşı və əsas investordur.

Azərbaycan ilə Avropa İttifaqı arasındakı münasibətlər dinamik şəkildə inkişaf edir və tərəflər arasında yüksək səviyyəli fəal dialoq mövcuddur. Rəsmi statistikaya nəzər saldıqda aydın olur ki, Azərbaycanın ümumi xarici ticarət dövriyyəsinin 40 faizindən çoxu məhz Avropa İttifaqına üzv dövlətlərin payına düşür. Bu tərəfdaşlıq regional müstəvidə də Bakının hegemonluğunu təsdiqləyir. Cənubi Qafqaz regionunun ümumi ticarət dövriyyəsinin təxminən 70 faizi məhz Azərbaycan tərəfindən həyata keçirilir ki, bu da ölkəmizi regionun iqtisadi lokomotivinə çevirir.

İki tərəf arasında dərinləşən iqtisadi və logistik bağlar rəsmi səviyyədə də ən yüksək dərəcədə təqdir olunur. 1 iyul 2026-cı ildə Bakıda Avropa Komissiyasının Prezidenti Ursula fon der Lyayen ilə keçirilən görüşdən sonra mətbuata birgə bəyanatla çıxış edən Azərbaycan Prezidenti İlham Əliyev bu strateji tərəfdaşlığın miqyasını xüsusi olaraq vurğulamışdır. Dövlət başçısı öz bəyanatında bildirib:

"Bu gün biz Avropa İttifaqı ilə Azərbaycan arasında çox fəal dialoqun şahidiyik... Azərbaycan Avropa İttifaqı üçün Cənubi Qafqazda əsas ticarət tərəfdaşıdır."

Prezident eyni zamanda enerji sahəsindəki əməkdaşlığın qlobal əhəmiyyətinə toxunaraq əlavə edib: "Bu gün qaz ixracımızın yarısı Avropa İttifaqına üzv dövlətlərin payına düşür. Hazırda Avropa İttifaqının 10 üzvü Azərbaycandan qaz idxal edir və bu coğrafiyanı genişləndirmək üçün imkanlar var." Bu bəyanat bir daha sübut edir ki, Azərbaycan Avropanın enerji təhlükəsizliyinin təmin olunmasında həlledici rol oynayır və bu rol getdikcə daha da güclənir.

Azərbaycan-Avropa İttifaqı ticarət əlaqələrinin əsas sütununu heç şübhəsiz ki, enerji sektoru təşkil edir. Cənub Qaz Dəhlizi vasitəsilə Avropaya nəql olunan mavi yanacaq qitənin enerji şaxələndirilməsində mühüm alətdir. Hazırda tərəflər təkcə ənənəvi enerji mənbələri deyil, həm də "Yaşıl Enerji Dəhlizi" layihəsi çərçivəsində bərpa olunan enerji resurslarının ixracı istiqamətində sıx əməkdaşlıq edirlər.

Digər mühüm istiqamət isə nəqliyyat və logistikadır. Azərbaycanın ərazisindən keçən yük həcmlərinin sürətlə artması Şərq-Qərb və Orta Dəhliz layihələrinin əhəmiyyətini artırır. Bakı Limanı və perspektivdə Naxçıvan üzərindən dəmir yolu əlaqələrinin inkişafı Avropa ilə Mərkəzi Asiyanı birləşdirən qovşaq kimi Azərbaycanın mövqeyini daha da sarsılmaz edir.

Azərbaycan və Avropa İttifaqı arasındakı münasibətlər qarşılıqlı etimada, iqtisadi maraqlara və strateji tərəfdaşlığa əsaslanır. Hazırda müzakirə mərhələsində olan yeni hərtərəfli saziş və Bakıda keçirilən yüksək səviyyəli dialoqlar ticarət dövriyyəsinin daha da artacağına zəmanət verir. Prezident İlham Əliyevin vurğuladığı kimi, bu tərəfdaşlıq həm rəqəmlərdə, həm də real layihələrdə regional sabitliyin və iqtisadi rifahın əsas təminatçısı rolunu oynamağa davam edəcəkdir.

Nicat Əsədli

YAP Ordubad rayon təşkilatının əməkdaşı

Paylaş:

Baxılıb: 419 dəfə