Samuxda Ulu öndər Heydər Əliyevin Azərbaycanda birinci dəfə hakimiyyətə gəlməsinin ildönümü münasibətilə tədbir keçirilib

Bakı:

28 °C

56 %

9 m/s

AZ RU EN

Ana səhifə / Arxiv / Samuxda Ulu öndər Heydər Əliyevin Azərbaycanda birinci dəfə hakimiyyətə gəlməsinin ildönümü münasibətilə tədbir keçirilib

Samuxda Ulu öndər Heydər Əliyevin Azərbaycanda birinci dəfə hakimiyyətə gəlməsinin ildönümü münasibətilə tədbir keçirilib

14.07.2026 [14:31]

İyulun 14-də YAP Samux rayon təşkilatında Samux rayon İcra Hakimiyyətinin və YAP Samux rayon təşkilatının birgə təşkilatçılığı ilə Ümummilli lider Heydər Əliyevin Azərbaycanda birinci dəfə siyasi hakimiyyətə gəlməsinin 57-ci ildönümü ilə əlaqədar “14 İyul 1969-cu il: Zirvəyə yüksəlişin başlanğıc tarixi” mövzusunda tədbir keçirilib.

Tədbir iştirakçıları əvvəlcə Samux şəhərində Ümummilli Lider Heydər Əliyevin abidəsi önünə gül dəstələri qoyub, dahi şəxsiyyətin əziz xatirəsini ehtiramla yad ediblər.

Tədbirdən öncə müasir müstəqil Azərbaycan dövlətinin banisi, ümummilli lider Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Samux rayon təşkilatının sədri Gündüz Bayramov bildirib ki, 1969-cu il iyulun 14-ü Azərbaycan tarixində yeni inkişaf mərhələsinin başlanğıcı kimi xüsusi əhəmiyyət daşıyır. Qeyd edib ki, məhz Heydər Əliyevin respublikaya rəhbər seçilməsi ilə ölkədə bütün sahələrdə genişmiqyaslı islahatların əsası qoyulmuş, milli dövlətçilik ənənələri möhkəmləndirilmiş, iqtisadi, sosial, elm, təhsil və mədəniyyət sahələrində mühüm nailiyyətlər əldə edilmişdir.

Gündüz Bayramov vurğulayıb ki, Ulu öndərin müəyyən etdiyi dövlətçilik kursu bu gün Azərbaycan Respublikasının Prezidenti İlham Əliyev tərəfindən uğurla davam etdirilir. Onun rəhbərliyi ilə ölkəmiz siyasi, iqtisadi və hərbi sahələrdə mühüm uğurlara imza atmış, ərazi bütövlüyü və suverenliyi tam təmin olunmuş, Azərbaycan regionun aparıcı dövlətinə çevrilmişdir.

Daha sonra tədbirdə iştirak edən Samux rayon İcra Hakimiyyəti Başçısının müavini- ictimai, siyasi və humanitar məsələlər şöbəsinin müdiri Kəmalə Xəlilova, Samux şəhər Ağsaqqallar Şurasının üzvü Gəray Bayramov, Sərkar kənd ərazi partiya təşkilatının sədri Şəmistan Yusifov, Şəhid atası İlham Məmmədov, Azərbaycan Dövlət Maşın Sınaq Stansiyasının direktoru Namiq Cəfərov və Ziyadlı kənd bələdiyyəsinin sədri İlqar Alıyev çıxış edərək Ümummilli lider Heydər Əliyevin Azərbaycan dövlətçiliyinin möhkəmləndirilməsi, milli həmrəyliyin təmin olunması və müstəqil dövlət quruculuğunda misilsiz xidmətlərindən bəhs ediblər. Bildiriblər ki, 14 İyul 1969-cu il Azərbaycanın inkişaf salnaməsində dönüş nöqtəsi olmaqla yanaşı, bugünkü güclü və qalib Azərbaycanın təməlinin qoyulduğu tarixi mərhələdir.

Sonda tədbir iştirakçıları Ulu Öndər Heydər Əliyevin zəngin siyasi irsinin gələcək nəsillər üçün mühüm məktəb olduğunu vurğulayaraq, onun ideyalarının yaşadılmasının və təbliğinin hər bir azərbaycanlının mənəvi borcu olduğunu qeyd ediblər.

Paylaş:

Baxılıb: 345 dəfə