Ermənistanda növbəti qarşıdurma gözlənilir

Bakı:

0 °C

93 %

3 m/s

Əlaqə

AZ RU EN

Ana səhifə / Dünya / Ermənistanda növbəti qarşıdurma gözlənilir

Ermənistanda növbəti qarşıdurma gözlənilir

15.05.2018 [08:59]

Yaxud Paşinyanın Sarkisyanla bağlı son fikirləri “məxməri inqilab” tərəfdarlarını qəzəbləndirib
Ermənistanda ictimai-siyasi vəziyyət gərgin olaraq qalır. Xəbər verildiyi kimi İrəvanda vətəndaşlar şəhər merinin istefası tələbi ilə küçələrə çıxıblar.
Artıq 4-cü gündür ki, etirazçılar İrəvan merini istefaya çağırırlar. Jurnalistlərə müsahibəsində Taron Markaryan tutduğu postu tərk etmək niyyətində olmadığını açıqlayıb. Bu da narazılığı daha da artırıb. Narazı vətəndaşlar Markaryanı şəhər büdcəsini talamaqda günahlandırırlar.
Bildirilir ki, son bir ildə o, 220 milyon drama yaxın vəsait mənimsəyib. Bu pullar şəhərin infrastrukturunun yenilənməsinə sərf olunmalı idi. Etirazçılar qeyd edirlər ki, İrəvan meriyası Ermənistanda ən korrupsiyalaşmış dövlət qurumlarındandır. Bir qrup gəncin sözlərinə görə, Taron Markaryanı ifşa etdikləri üçün döyülüblər. Onlar mayın 11-i keçirilən aksiyadan qayıtdıqları zaman naməlum şəxslərin hücumuna məruz qalıblar. Zərərçəkənlərdən Ambarçum Muradyan bildirir ki, onların istefa tələbi Taron Markaryanı qəzəbləndirib. Polis isə gənclərə onları döyən şəxsləri tapmaqda köməklik göstərmir.
Göründüyü kimi, Ermənistanda hakimiyyət sistemini iflic edən “məxməri inqilab” belə vəziyyəti dəyişməyib. Artıq bir həftədir baş nazir olan Nikol Paşinyan dəfələrlə hazırkı vəziyyəti keçid dövrü kimi səciyyələndirib.
Yaranmış vəziyyətlə bağlı fikrini bildirən politoloq Aleksandr İskandaryan deyib ki, növbədənkənar parlament seçkilərinə kimi etiraz eyforiyası keçə və Nikol Paşinyanın populyarlığı azala bilər. Üstəlik Nikol Paşinyan parlament çoxluğunu əlində saxlayan hakim Respublika Partiyasına qarşı hələ də sərt addımlar atmayıb. Onun sözlərinə görə, “məxməri inqilab”ın hədəflərinə çatmaq üçün çevik və qərarlı addımlar atılmalıdır - əks təqdirdə “antiməxməri inqilab” təhlükəsi baş qaldıra bilər. Yeni baş nazirin açıqlamasına görə, o, siyasi rəqiblərinə qarşı təqiblərə yol verməyəcək.
Yeri gəlmişkən Nikol Paşinyan sələfinin müqəddəratı barədə sualı cavablandırarkən deyib ki, Serj Sarkisyan yaşadığı iqamətgahı saxlaya bilər və ona dair nəzərdə tutulan güzəştlər qüvvədə qalmaqdadır. Paşinyanı dəstəkləyənləri narazı salan da bu məqamlardır. Ermənistan vətəndaşları 20 ilə yaxındır ölkəni talayan klanın buna görə cəzalandırılmasını gözləyir. 4 həftəyə yaxındır davam edən etirazların məqsədi də elə bu idi...
Nardar BAYRAMLI

Paylaş:

Baxılıb: 1253 dəfə