Şənbə üçün nəzm
11.04.2026 [08:39]
.jpeg)
.jpeg){kind=small}
Mən indi anladım, hər bir adamın,
Ən az özü boyda ağrısı varmış.
Gecə işıq gələn pəncərələrin,
Hərəsi bir dərdi pıçıldayarmış.
Bir işıq boğulur göz yaşlarında,
O sönməz, həsrətlə yanırsa hər gün.
Bir işıq yarasın yuyub bağlayır,
Bir işıq darıxır anası üçün.
Bir işıq nə vaxtsa bir günah edib,
Vicdanı sızlayır illər uzunu.
Bir işıq yadından çıxara bilmir,
Uşaqlar evində qalan qızını.
Bir işıq ərinin zərbələrindən,
Qaçmaq istəyir ki yara almasın.
Bir işıq bətnində ölən körpənin,
Qanını yuyur ki görən olmasın.
İşıq var yağışa boylanıb baxır,
İllərin ən uzaq fəsillərindən.
İşıq var gözünün yaşını silir,
Ölən atasının şəkillərindən.
Bir işıq həyatda tək qalıb yanır,
Başqa bir işıqdan təsəlli gəlmir.
Paltarı ütüsüz gəzən adamlar,
Gecələr işığı söndürə bilmir.
Bir işıq qorxudu, bir işıq ümid,
Bir işıq həsrətdi, bir işıq kədər.
Hər işıq taleyi önündə quldu,
Sürünür yanandan sönənə qədər.
***
Unutmaq asan deyil,
Məni unutmaq üçün gərək
bir də sevəsən,
Gərək bir də ayrılıb,
Bir də nifrət edəsən,
Gərək bir də gedəsən.
İnanma ki bu boyda eşqin xatirəsini
Adi bir gediş silə.
Mən yadından çıxmaram
Alzeymer olsan belə.
Ayrılıq getmək deyil, ayrılıq ayrılıqdı,
Ayrılanda haçansa geri qayıtmaq üçün bir ümid bəsləyərsən.
Getmə,
Gedəsi olsan, bütün günahlarımı
bağışlayıb gedərsən.
Xırda ağrını belə mənə
qıymayan gülüm,
Getsən, şəkillərimi tikə-tikə eləyib
çamadana yığarsan.
Yolüstü tullayarsan hamısını dənizə,
Məni öz əllərinlə
Yavaş-yavaş öldürüb,
Şəkil-şəkil boğarsan.
Adam bir vaxt sevdiyi adamı nə etsə də birdən unuda bilməz.
Yavaş-yavaş unudar,
Aram-aram unudar.
Nə qədər söyləsə də “unutmaram”
unudar!
Desələr Alzeymersən,
İnanardım bəlkə də.
Fərqi yox,
Bilsəydim lap sözlərində yalan var.
Amma , gözümün nuru,
Məni unutduğuna
İnandıra bilmədi göndərdiyin adamlar.
***
Ay ölünü sevən qız, bilirəm,
çoxdu dərdin,
Sevgilinin ölməyi elə-belə dərd deyil.
Amma adam öyrəşir, sən də öyrəş,
birdənəm,
Üstündən az keçməyib,
az deyil beş-altı il.
Adamlar belədir də, incitdiyi adamı
Həmişəlik itirib yollarına baxarlar.
Ağlamağına ağla, amma,
qurban olduğum,
Ölünü sevməzləre, ölüyçün darıxarlar.
Görünən mənəm,
sənsə ancaq onu görürsən,
Adam hüznün önündə
aciz qalmasın gərək.
Kaş bir gün mən də ölsəm,
ovucunun içindən,
Mən də süzülüb getsəm
məzarlıq torpağıtək.
Gözünü çək bu yoldan,
səni sevənləri gör,
Qayıdıb gəlməyəcək,
nə ümid bəsləyirsən?
Əcəb yaxşı bilinir ölənlərin qiyməti,
Məni sevəsən deyə
mən də ölüm deyirsən?
Boğazıma yığılır qısqanclığın əzabı,
İçimdən parça-parça parçalanıb
gülürəm.
Bax indi necə deyim necə darıxdığımı?
Sən ölünü sevirsən,
mən səninçün ölürəm.
***
Bəlkə də sondur bu gün,
Görüşünə gəlmişəm,
Ayrılsaq söymə məni,
Elə bil ki ölmüşəm.
Göz yaşı təsir etməz,
Ayrılığın qəlbi yox.
Gəlsən çox yaxşı olar,
Gəlməsən də eybi yox.
Yadıma düşəcəksən
Darıxmaq güc gələndə.
Susamış navalçalar
Payızı gözləyəndə.
Bilirəm çox çətindi
Yoxluğuna alışmaq.
Adamı əldən salır
Unutmağa çalışmaq.
Qapı-qapı gəzərsən,
Təsəlli axtararsan:
“Yanımda olmasan da
Əsas odur ki varsan.”
Gülürəm öz səhvimə,
Budur məni güldürən.
Mən uşaqlıq səhvimi
Böyüyüb düzəldirəm.
Özüm də bilmirəm ki
Buna səbəb kim oldu.
Mənim səhvim sən deyil,
Səni sevməyim oldu.
Ya da ki sevməməyim.
Sevməmişəm sən demə.
Etiraf edirəm: mən
Bağlanmıram heç kimə.
Necə fikirləşirsən,
Yalvaracam bu yaşda?
Səndən üzr istəmirəm,
Sən yenə də bağışla.
Ümid Abbas Nihani
Xəbər lenti
Hamısına bax
Gündəm
25 İyun 09:50
Analitik
25 İyun 09:32
Ədəbiyyat
25 İyun 09:15
Mədəniyyət
25 İyun 08:51
Sosial
25 İyun 08:28
Dünya
24 İyun 23:32
İqtisadiyyat
24 İyun 23:17
Dünya
24 İyun 22:40
Dünya
24 İyun 22:34
Dünya
24 İyun 22:15
Elm
24 İyun 21:54
Dünya
24 İyun 21:30
Müsahibə
24 İyun 21:19
Dünya
24 İyun 20:41
Müsahibə
24 İyun 20:35
İqtisadiyyat
24 İyun 20:13
Siyasət
24 İyun 19:50
Dünya
24 İyun 19:22
Dünya
24 İyun 19:05
Dünya
24 İyun 18:19
Dünya
24 İyun 17:54
Gündəm
24 İyun 17:52
Dünya
24 İyun 17:27
Dünya
24 İyun 16:49
Dünya
24 İyun 16:30
Siyasət
24 İyun 15:58
Siyasət
24 İyun 15:57
İqtisadiyyat
24 İyun 15:56
Elanlar
24 İyun 15:48
Sosial
24 İyun 15:24
Dünya
24 İyun 15:23
YAP xəbərləri
24 İyun 15:04
Gündəm
24 İyun 14:51
Dünya
24 İyun 14:39
İqtisadiyyat
24 İyun 14:10
Sosial
24 İyun 14:08
Dünya
24 İyun 13:51
İdman
24 İyun 13:25
İqtisadiyyat
24 İyun 13:08
Elm
24 İyun 13:07
Sosial
24 İyun 13:06
İqtisadiyyat
24 İyun 13:06
Dünya
24 İyun 12:41
Elanlar
24 İyun 12:32
Elm
24 İyun 12:27
Gündəm
24 İyun 12:27
Siyasət
24 İyun 12:26
Dünya
24 İyun 12:19
Gündəm
24 İyun 11:57
YAP xəbərləri
24 İyun 11:40
Siyasət
24 İyun 11:37
Gündəm
24 İyun 11:23
Gündəm
24 İyun 10:58
Siyasət
24 İyun 10:31
Siyasət
24 İyun 10:28
Siyasət
24 İyun 10:27
YAP xəbərləri
24 İyun 10:26
Siyasət
24 İyun 10:19
Mədəniyyət
24 İyun 09:50
Ədəbiyyat
24 İyun 09:37
Analitik
24 İyun 09:15
Ədəbiyyat
24 İyun 08:51
Sosial
24 İyun 08:38
Hadisə
24 İyun 07:29
İqtisadiyyat
23 İyun 23:22
Dünya
23 İyun 23:10
İdman
23 İyun 22:42
Dünya
23 İyun 22:17
Dünya
23 İyun 21:50
Dünya
23 İyun 21:24
