Norveçdə yaşayan həmyerlimiz Rüfət Babayev Neft Mühəndisləri Cəmiyyətinin mükafatına layiq görülüb

Bakı:

26 °C

50 %

4 m/s

Əlaqə

AZ RU EN

Ana səhifə / Elm / Norveçdə yaşayan həmyerlimiz Rüfət Babayev Neft Mühəndisləri Cəmiyyətinin mükafatına layiq görülüb

Norveçdə yaşayan həmyerlimiz Rüfət Babayev Neft Mühəndisləri Cəmiyyətinin mükafatına layiq görülüb

16.06.2016 [09:10]

Bu gün ölkə hüdudlarından kənarda öz intellekti, savadı, təhsili ilə fərqlənən neçə-neçə gəncimiz var ki, vətənimiz onlarla qürur duyur. Onların elmdə, təhsildə, işlərində qazandıqları nailiyyətlər hər birimizin sevinci, hər birimizin qürur mənbəyi, bütövlükdə Azərbaycanımızın qələbəsidir. Vətəndən uzaqlarda gördükləri işlərlə, əldə etdikləri nailiyyətlərlə tanınan, müxtəlif beynəlxalq mükafatlara layiq görülən bu gənclər hansı sahədə çalışmalarından asılı olmayaraq xalqımıza, millətimizə, ən əsası, müstəqil Azərbaycanımıza xidmət edirlər.
Norveçdə yaşayan həmyerlimiz Rüfət Babayev də belə gənclərdəndir. Norveçin “Statoyl” Neft Şirkətində yeraltı dəstək mərkəzində aparıcı mühəndis kimi çalışan Rüfət Babayev Stavangerdə Neft Mühəndisləri Cəmiyyətinin (SPE Stavanger) “İlin gənc mühəndisi” mükafatına layiq görülüb. O, Statfyordun istismar müddətini bitirmiş iki quyusunda boruların tərs qaz axını sisteminin quraşdırılması (İGLS) layihəsində fəaliyyətinə görə mükafatlandırılıb. Bu layihə zəif, ikinci dərəcəli maneələr səbəbi ilə şərti qaz axınının tətbiqinin mümkün olmamasından lay təzyiqi ilə boşaldılmış quyularda hasilatı artırmaq və ya başlamaq üçün alternativ həll kimi irəli sürülüb. “Bu iqtisadi səmərəli və alternativ həllər üçün tətbiq olunan ən mükəmməl mühəndislik nümunəsidir. Sən bu mükafata layiqsən, Rüfət!” deyən şirkətin qazma və mühəndislik bölməsinin vitse-prezidenti Erik G. Kirkemo həmyerlimizin layihəsini yüksək qiymətləndirib. Qeyd edək ki, Rüfət Babayevin aldığı nəticələr barədə məruzəsi 2015-ci ilin martında Neft Mühəndisləri Cəmiyyətinin (SPE) ABŞ-ın Hyuston şəhərində keçirdiyi beynəlxalq konfransda da böyük maraqla qarşılanıb.
5 ildən çoxdur ki, Statoyl şirkətində çalışan R.Babayev bu şirkətdə işə başlamazdan əvvəl “BP Azərbaycan”da çalışıb. O, Almaniyanın Freiberg Mədən Akademiyası Texniki Universitetinin Neft mühəndisliyi üzrə magistr dərəcəsini alıb. Layihə mühəndisi və dizayn, planlaşdırma və icra lideri kimi fəaliyyət göstərib, müxtəlif sahələrdən olan həmkarlarıyla Statfyord quru və dənizdə müdaxilə komandasıyla işləyib, müəllifi olduğu İGLS layihəsi 2014-cü ilin iyul-oktyabr aylarında Statfyord A quyularında uğurla quraşdırılıb.
Məlumat üçün qeyd edək ki, Neft Mühəndisləri Cəmiyyətinin təsis etdiyi bu mükafat neft mühəndisliyi peşəsində və neft sənayesində müstəsna xidmətlərinə, liderlik keyfiyyətlərinə görə verilir.

Paylaş:

Baxılıb: 1645 dəfə