“Vergi sistemində şəffaflıq və əməletmə” mövzusunda IV illik Vergi Konfransı keçirilib

Bakı:

26 °C

49 %

1 m/s

Əlaqə

AZ RU EN

Ana səhifə / İqtisadiyyat / “Vergi sistemində şəffaflıq və əməletmə” mövzusunda IV illik Vergi Konfransı keçirilib

“Vergi sistemində şəffaflıq və əməletmə” mövzusunda IV illik Vergi Konfransı keçirilib

02.12.2014 [09:07]

Dekabrın 1-də Azərbaycanda Amerika Ticarət Palatasının (AmCham) Vergilər Nazirliyi ilə birgə təşkil etdiyi “Vergi Sistemində şəffaflıq və əməletmə” mövzusunda IV illik Vergi Konfransı keçirilib. Konfransı giriş sözü ilə açan AmCham-ın prezidenti İlqar Vəliyev vergi orqanları ilə işgüzar dairələr arasında olan əməkdaşlığın genişləndirilməsinin və tərəfdaşlıq münasibətlərinin dərinləşdirilməsinin vacibliyini vurğulayıb, vergi sistemində aparılan islahatların və ölkənin vergi mühitinin cəlbediciliyinin artırılması istiqamətində görülən işlərin biznes dairələri tərəfindən diqqətlə izləndiyini qeyd edib.
Bildirilib ki, maraq doğuran bir çox məsələlər barədə işgüzar dairələr və vergi orqanları arasında müzakirələrin keçirilməsinə xidmət edən vergi konfranslarının təşkili artıq ənənəvi xarakter alıb. İ.Vəliyev IV Vergi Konfransının əsas məqsədinin vergi siyasəti və harmonizasiya, korporativ əməletmə və vergi sisteminin modernləşdirilməsi mövzularında dialoqun yaradılması olduğunu bildirib.
Milli Məclisin iqtisadi siyasət komitəsinin sədri, akademik Ziyad Səmədzadə ölkədə elektron hökumətin qurulmasının iqtisadi sistemin şəffaflaşmasına xidmət etdiyini vurğulayaraq, vergi inzibatçılığının təkmilləşdirilməsinin təkcə vergi orqanlarının fəaliyyətinə deyil, ümumilikdə vergi öhdəliklərinin yerinə yetirilməsinə və könüllü əməletmə səviyyəsinin artmasına müsbət təsir etdiyini bildirib.
Konfransda çıxış edən vergilər nazirinin müşaviri Akif Musayev ölkəmizin vergi sistemində aparılan islahatlar haqqında məlumat verib. AmCham və digər ictimai təşkilatlarla keçirilən işgüzar görüşlərin əhəmiyyətini qeyd edən natiq əvvəllər keçirilən konfranslarda biznes strukturlarının və onların ictimai təşkilatlarının qaldırdığı bir çox məsələlərin ətrafında aparılmış müzakirələrin ölkədə biznes mühitinin yaxşılaşdırılmasına yardım etdiyini bildirib.
Tədbirdə çıxış edən Nazirlər Kabineti Aparatının İqtisadiyyat və maliyyə-kredit siyasəti şöbəsinin müdiri Şahin Sadıqov Nazirlər Kabinetinin bu sahədəki fəaliyyətinin təşkilində özəl sektor nümayəndələri ilə əməkdaşlığın vacibliyini və IV illik Vergi Konfransının sektorlararası dialoqun inkişafına xidmət etdiyini vurğulayıb.
Sonra Konfrans öz işini sessiyalarda davam etdirib, vergi orqanı və özəl sektoru təmsil edən mütəxəssislər vergi siyasəti və harmonizasiya, korporativ uyğunluq: beynəlxalq təcrübə və Azərbaycan, vergi sistemində modernizasiya məsələləri və digər mövzular ətrafında fikir mübadiləsi aparıblar.
Tədbirdə Vergilər Nazirliyinin Vergi siyasəti və strateji araşdırmalar Baş İdarəsinin rəisi Natiq Şirinov, vergilər nazirinin müşaviri Ələkbər Məmmədov, beynəlxalq təşkilatların və özəl sektorun nümayəndələri çıxış ediblər. Konfransın işində Milli Məclisin və Nazirlər Kabinetinin nümayəndələri iştirak ediblər.

Paylaş:

Baxılıb: 1353 dəfə