2014-cü il Nərimanov rayonu üçün sosial-iqtisadi uğurlarla yadda qalıb

Bakı:

25 °C

41 %

1 m/s

Əlaqə

AZ RU EN

Ana səhifə / İqtisadiyyat / 2014-cü il Nərimanov rayonu üçün sosial-iqtisadi uğurlarla yadda qalıb

2014-cü il Nərimanov rayonu üçün sosial-iqtisadi uğurlarla yadda qalıb

14.02.2015 [10:34]

Fevralın 13-də Nərimanov rayon İcra Hakimiyyətinin başçısı yanında Şuranın rayonun sosial-iqtisadi inkişafının 2014-cü il üzrə yekunlarına və qarşıda duran vəzifələrə həsr olunan iclası keçirilib.
Əvvəlcə rayon rəhbərliyi və rəsmi qonaqlar icra hakimiyyətinin inzibati binasının foyesində Ümummilli lider Heydər Əliyevin büstü önünə gül dəstələri qoyublar.
Rayon icra hakimiyyətinin başçısı Abdin Fərzəliyev hesabat məruzəsi ilə çıxış edərək cari il yanvarın 10-da Prezident İlham Əliyevin sədrliyi ilə Nazirlər Kabinetinin 2014-cü ilin sosial-iqtisadi inkişafının yekunlarına və 2015-ci ildə qarşıda duran vəzifələrə həsr olunmuş iclasında dövlətimizin başçısının ölkədə sosial-iqtisadi inkişafın bütün sahələrində əldə edilmiş nailiyyətlərə yekun vurduğunu və 2015-ci ildə qarşıda duran vəzifələrin həlli ilə bağlı tapşırıq və göstərişlərini verdiyini bildirib.
A.Fərzəliyev respublikamızda aparılan uğurlu sosial-iqtisadi siyasət nəticəsində Bakı şəhərinin aparıcı rayonlarından olan Nərimanov rayonunun da hərtərəfli inkişafı üçün böyük işlər görüldüyünü və bu işlərin hazırda da uğurla davam etdirildiyini vurğulayıb.
Qeyd edilib ki, 2014-cü ilin yekunlarına görə rayon iqtisadiyyatının əsasını təşkil edən sənayenin dinamik inkişafı davam etdirilib və bu müddətdə xidmətlər də daxil olmaqla 2 milyard 632,4 milyon manatlıq məhsul istehsal olunub, keçən ilin müvafiq dövrünə nisbətən 35 faiz artım əldə edilib. İstehlakçılara 2 milyard 626,8 milyon manatlıq və ya bütün sənaye məhsulunun 99,8 faizi qədər sənaye məhsulu göndərilib. İstehsal olunmuş sənaye məhsulunun həcmində dövlət sektorunun xüsusi çəkisi 84,7 faiz təşkil edilib.
Vurğulanıb ki, ötən dövr ərzində sənaye kompleksində işləyənlərin sayı 794 nəfər artaraq 10766 nəfər təşkil edib. Onların orta nominal əmək haqqı 12,8 faiz yüksələrək 515,2 manata çatıb. Yeni müəssisələrin yaradılması, mövcud müəssisələrin fəaliyyətinin bərpa edilməsi nəticəsində 2014-cü ildə 4206 daimi iş yeri yaradılıb.
Tədbirdə digər çıxış edənlər rayonda geniş vüsət alan abadlıq-quruculuq işləri barədə fikirlərini bildirərək, rayon sakinlərinin problemlərinin həlli istiqamətində görülən işlərdən məmnunluq ifadə ediblər. Onlar dövlətimizin başçısının rəhbərliyi ilə ölkə həyatının bütün sahələrində əldə edilmiş nailiyyətləri diqqətə çatdırıb və Nərimanov rayonunda hesabat ilində görülən işlərin bundan sonra da uğurla davam etdiriləcəyinə əminliklərini bildiriblər.
İclasda çıxış edən Prezident Administrasiyasının məsul işçisi Tağı Tağıyev Prezident İlham Əliyevin müvafiq tapşırıq və tövsiyələrinə əsasən respublikada görülən işlər barədə məlumat verib.
Milli Məclisin deputatı Rasim Musabəyov və digərləri də çıxış edərək rayonda görülən işləri yüksək qiymətləndiriblər.
Sonda rayonun sosial-iqtisadi və ictimai-mədəni həyatında fərqlənən şəxslərə icra hakimiyyətinin fəxri fərmanları və hədiyyələri təqdim olunub.

Paylaş:

Baxılıb: 1211 dəfə