İnsan resurslarının idarə edilməsi sahəsində Fransa təcrübəsi öyrənilir

Bakı:

22 °C

49 %

7 m/s

Əlaqə

AZ RU EN

Ana səhifə / İqtisadiyyat / İnsan resurslarının idarə edilməsi sahəsində Fransa təcrübəsi öyrənilir

İnsan resurslarının idarə edilməsi sahəsində Fransa təcrübəsi öyrənilir

30.10.2015 [10:25]

Vergilər Nazirliyinin nümayəndə heyəti “Fransa Respublikası Dövlət Baş Maliyyə Direktorluğunun insan resursları üzrə idarəetmə işinin təşkili” mövzusunda keçirilən tədbirdə iştirak etmək üçün bu ölkədə səfərdə olub
Bu günlərdə Vergilər Nazirliyinin nümayəndə heyəti “Fransa Respublikası Dövlət Baş Maliyyə Direktorluğunun insan resursları üzrə idarəetmə işinin təşkili” mövzusunda keçirilən tədbirdə iştirak etmək üçün bu ölkədə səfərdə olub. “İnsan resurslarının inkişafı üzrə Azərbaycan Respublikası Vergilər Nazirliyinə dəstək” Tvinninq layihəsi çərçivəsində keçirilən tədbirlərdə təcrübə mübadiləsinin artırılması və digər məsələlər müzakirə edilib. Bu barədə nümayəndə heyətinin rəhbəri, vergilər nazirinin elektron audit, insan resursları və informasiya texnologiyaları sahələrinin modernizasiyası məsələləri üzrə müşaviri, 3-cü dərəcəli dövlət vergi xidməti müşaviri Asəf Əsədov məlumat verib.
Asəf Əsədov qeyd edib ki, səfərdə başlıca məqsəd Tvinninq layihəsinə uyğun olaraq insan resurslarının inkişafı üzrə Vergilər Nazirliyinin yeni strategiyasının və fəaliyyət planının hazırlanması, daxili qaydaların və digər normativ aktların təkmilləşdirilməsi, dayanıqlı tədris-təlim sisteminin yaradılması və tətbiqi, dövlət vergi orqanlarında insan resurslarının idarə edilməsi sahəsində Fransa Respublikasının təcrübəsinin öyrənilməsi, bu sahədə təcrübə mübadiləsinin aparılması idi: “Parisdə Fransanın Dövlət Baş Maliyyə Direktorluğunda, Dövlət Maliyyəsi üzrə Milli Məktəbdə, direktorluğun Orlean ərazi idarəsində, Növer şəhərində yerləşən Milli Təlim Mərkəzində (ENFiP) keçirilən görüşlərdə vergi işçilərinin hüquqi statusunu tənzimləyən normativ hüquqi aktlar, işçilərin karyerasının idarə edilməsi, o cümlədən onların xidməti fəaliyyətinin qiymətləndirilməsi, vəzifədə yüksəlişi, rotasiyası və motivasiyası, əməkhaqqı sistemi və onun komponentləri, vergi işçilərinin etik davranış qaydaları, menecer qrupuna dəstək və menecerlərin müşayiət edilməsi sistemi, insan resurslarının idarə edilməsi üzrə cari vəziyyət, mövcud çətinliklər və gələcək hədəflər, tədris-təlim sistemi və bu sahədə istifadə edilən texniki alətlər - proqram təminatı ilə ətraflı tanış olduq”.
Asəf Əsədov səfər zamanı həmçinin Fransada vergi orqanlarına işə qəbul, işə qəbul edilmiş əməkdaşların ilkin hazırlıq prosesi, işçilər üçün ixtisasartırma tədbirlərinin həyata keçirilməsi, Fransada dövlət qulluqçularının fəaliyyətinin qiymətləndirilməsi sistemi və işçilərin əməkhaqqı sistemi barədə də dolğun məlumatın əldə olunduğunu deyib.

Paylaş:

Baxılıb: 953 dəfə