Azərbaycanda yol infrastrukturunun inkişafına xüsusi diqqət göstərilir

Bakı:

16°C

67%

9m/s

Əlaqə

AZ RU EN

Ana səhifə / İqtisadiyyat / Azərbaycanda yol infrastrukturunun inkişafına xüsusi diqqət göstərilir

Azərbaycanda yol infrastrukturunun inkişafına xüsusi diqqət göstərilir

01.05.2018 [09:20]

1993-cü ilin yayında Azərbaycanda vətəndaş müharibəsi astanasında xalqımızın bütün ümidləri Ulu öndər Heydər Əliyevə idi. O vaxt xalqın tələbi ilə hakimiyyətə gələn Ümummilli lider qısa müddət ərzində ölkədə vəziyyəti sabitləşdirdi. Bu da imkan verdi ki, ölkəmiz inkişaf yoluna qədəm qoysun və həmin müddətdən bu günədək Azərbaycan yalnız inkişaf yolu ilə gedir.
Azərbaycan Avtomobil Yolları Dövlət Agentliyinin mətbuat xidmətindən AZƏRTAC-a bildirilib ki, bu sözləri qurumun İdarə Heyətinin sədri Saleh Məmmədov Yeni Azərbaycan Partiyası (YAP) Nəsimi rayon təşkilatı Azərbaycan Avtomobil Yolları Dövlət Agentliyi üzrə ərazi ilk partiya təşkilatının növbəti hesabat yığıncağında deyib.
Yığıncaq iştirakçıları əvvəlcə Ulu öndər Heydər Əliyevin büstü önünə gül dəstələri qoyaraq xatirəsini ehtiramla yad ediblər.
Daha sonra ərazi üzrə ilk partiya təşkilatının tədbiri agentliyin akt zalında davam etdirilib.
Saleh Məmmədov prezident seçkilərinin uğurla başa çatması və İlham Əliyevin yenidən Prezident seçilməsi münasibətilə tədbir iştirakçılarını təbrik edib. O, Yeni Azərbaycan Partiyasının qurucusu, xalqımızın Ümummilli lideri Heydər Əliyevin inkişaf strategiyasını uğurla davam etdirən Prezident İlham Əliyevin rəhbərliyi ilə bütün sahələrlə yanaşı, yol infrastrukturunun sistemli və hərtərəfli inkişafına xüsusi diqqət göstərildiyini qeyd edib. Sədr ölkənin regionlarında, eləcə də paytaxtda bu sahədə vəziyyətin kökündən dəyişdiyini, dövlətimizin başçısının sərəncamları ilə ayrılan vəsaitlərin yol infrastrukturunun dinamik inkişafına yol açdığını və bu istiqamətdə həyata keçirilən məqsədyönlü və sistemli tədbirlərin nəticəsi olaraq, avtomobil yollarının tikintisinin, yenidən qurulmasının həcminin ildən-ilə artdığını bildirib.
YAP Nəsimi rayon təşkilatı Azərbaycan Avtomobil Yolları Dövlət Agentliyi üzrə ərazi ilk partiya təşkilatının sədri Əvəz Qocayev agentlik üzrə 3 minə yaxın partiya üzvündən təqribən 500 nəfərinin YAP Nəsimi rayon təşkilatının qeydiyyatında olduğunu və təşkilatın idarə-müəssisələrində 25 dayaq məntəqəsinin yaradıldığını nəzərə çatdırıb.
Tədbirdə iştirak edən Milli Məclisin deputatı, YAP Nəsimi rayon təşkilatının sədri Məlahət İbrahimqızı Azərbaycan Avtomobil Yolları Dövlət Agentliyinin fəaliyyətini yüksək qiymətləndirərək dövlət agentliyinin rəhbərliyinə və əməkdaşlarına minnətdarlığını bildirib. O, YAP adından təşkilata xüsusi diplom təqdim edib.
Dövlət Agentliyinin xüsusi fəallığı ilə seçilən bir qrup gənc əməkdaşı da YAP Nəsimi rayon təşkilatı tərəfindən xüsusi diplomlarla təltif edilib.

Paylaş:

Baxılıb: 740 dəfə