Bakıda Azərbaycan-Almaniya Ticarət və İnvestisiyalar üzrə Yüksək Səviyyəli İşçi Qrupunun 8-ci iclası keçirilib

Bakı:

26 °C

63 %

9 m/s

AZ RU EN

Ana səhifə / İqtisadiyyat / Bakıda Azərbaycan-Almaniya Ticarət və İnvestisiyalar üzrə Yüksək Səviyyəli İşçi Qrupunun 8-ci iclası keçirilib

Bakıda Azərbaycan-Almaniya Ticarət və İnvestisiyalar üzrə Yüksək Səviyyəli İşçi Qrupunun 8-ci iclası keçirilib

01.02.2019 [09:45]

Yanvarın 31-də Bakıda Azərbaycan-Almaniya Ticarət və İnvestisiyalar üzrə Yüksək Səviyyəli İşçi Qrupunun 8-ci iclası keçirilib.
AZƏRTAC xəbər verir ki, iclasa Azərbaycan tərəfdən iqtisadiyyat nazirinin müavini Rüfət Məmmədov, Almaniya tərəfindən isə Federal İqtisadiyyat və Energetika Nazirliyinin Xarici iqtisadi siyasət üzrə idarəsinin baş direktoru Ekhard Franz həmsədrlik edib.
İşçi Qrupun həmsədri, iqtisadiyyat nazirinin müavini R.Məmmədov Prezident İlham Əliyevin rəhbərliyi ilə ölkə iqtisadiyyatının inkişafı üçün həyata keçirilən tədbirlər barədə məlumat verib. O, uğurla aparılan iqtisadi islahatların davamlı iqtisadi artımın təmin edilməsi üçün əlverişli şərait yaratdığını, görülən işlərin ölkəmizin xarici investisiyalar üçün cəlbediciliyini daha da artırdığını, qazanılan uğurların beynəlxalq hesabatlarda da öz əksini tapdığını diqqətə çatdırıb, əlverişli biznes və investisiya mühiti, iqtisadi sahədə aparılan islahatlar, onların uğurlu nəticələri barədə danışıb.
R.Məmmədov Azərbaycan-Almaniya əlaqələrinin genişlənməsində yüksək səviyyəli rəsmi səfərlərin və işgüzar görüşlərin mühüm əhəmiyyətini vurğulayıb. Qeyd edib ki, Azərbaycan Almaniyanın Cənubi Qafqazda əsas iqtisadi və ticarət tərəfdaşıdır və Almaniyanın Cənubi Qafqaz ölkələri ilə ticarətinin 70 faizi Azərbaycanın payına düşür.
Onun sözlərinə görə, ölkələrimiz iqtisadiyyatın bir sıra sahələri üzrə uğurlu əməkdaşlıq edir və əlaqələrin inkişafı üçün imkanlar genişdir.
“Almaniya şirkətləri Bakı-Tbilisi-Qars dəmir yol xəttinin və Bakı Beynəlxalq Ticarət Limanının, Şərq-Qərb Dəhlizinin, həmçinin Ələtdə yaradılacaq xüsusi iqtisadi zonanın imkanlarından istifadə edə, Azərbaycandakı əlverişli biznes və investisiya mühitindən yararlana bilərlər”, - deyə R.Məmmədov vurğulayıb.
Federal İqtisadiyyat və Energetika Nazirliyinin Xarici iqtisadi siyasət üzrə idarəsinin baş direktoru, İşçi Qrupun həmsədri E.Franz iclas çərçivəsində müzakirə edilən məsələlərin Almaniya-Azərbaycan iqtisadi-ticarət əlaqələrinin inkişafında əhəmiyyətli olacağını deyib, iqtisadi əməkdaşlığın genişləndirilməsi perspektivlərinə dair fikirlərini bölüşüb.
İclasda Azərbaycan və Almaniya arasında iqtisadi-ticarət əlaqələrinin mövcud vəziyyəti, İşçi Qrupunun 7-ci iclasından ötən müddətdə görülmüş işlər, qarşıdakı dövr üçün iqtisadi sahədə əlaqələrin genişləndirilməsi istiqamətləri, energetika, sənaye, kənd təsərrüfatı, qida təhlükəsizliyi, İKT, nəqliyyat, ətraf mühitin mühafizəsi, investisiya, ticarət, turizm, təhsil, əczaçılıq və digər sahələrdə əməkdaşlığın inkişafı, eləcə də ölkəmizdə yaradılan sənaye parklarında alman şirkətlərinin iştirak imkanları, Azərbaycanın qeyri-neft məhsullarının Almaniyaya ixracının genişləndirilməsi və sair məsələlər müzakirə olunub.

Paylaş:

Baxılıb: 1042 dəfə