Gələcək uğurların təminatçısı

Bakı:

26 °C

53 %

10 m/s

Əlaqə

AZ RU EN

Ana səhifə / MEDİA / Gələcək uğurların təminatçısı

Gələcək uğurların təminatçısı

30.03.2024 [10:50]

Regionların sosial-iqtisadi inkişaf potensialı artırılır

G.QABİLQIZI

Bu gün Azərbaycanın milli maraqlara uyğun siyasət aparmasının əsas təminatçısı güclü iqtisadiyyatdır. Güclü iqtisadiyyat həm də dövlətin təhlükəsizliyi, ölkənin sabitliyi, ordunun gücü, əhalinin rifahıdır. Sirr deyil ki, ölkəmiz regionda bütün qlobal əhəmiyyətli nəqliyyat və enerji layihələrinin iştirakçısı və təşəbbüskarıdır. Bu da Azərbaycanın iqtisadi siyasətinin doğru qərarlar hesabına atılan addımlarla inkişafı deməkdir.

Məhz Vətən müharibəsində Azərbaycanın öz torpaqlarını işğaldan azad etməsi bölgə üçün yeni imkanların yaranmasını şərtləndirdi. Çox qısa bir zaman ərzində azad olunmuş ərazilərimizdə bərpa işlərinə başlanılıb, artıq azad olunmuş ərazilərimizə köç başladı. İnkişaf yoluna qədəm bütün ölkələrdə olduğu kimi Azərbaycanda investisiya layihələri həyata keçirilməkdədir. Bütün bunlarla yanaşı, regionların sosial-iqtisadi inkişafı da önəmlidir. Bu istiqamətdə Azərbaycanda kifayət qədər işlər görülür, bununla bağlı dövlət proqramı da var. Əgər inkişafdan danışırıqsa, görülən işlər, investisiya layihəri Bakı və digər böyük şəhərlərlə məhdudlaşmamalıdır. Bölgələrimizin bütün potensialından istifadə etmək, eyni zamanda, əmək bazarında müsbət təsir edəcək. Dünyanın bir çox yerlərində regionların inkişaf etdirilməsi üçün müxtəlif addımlar atılır. Elə Azərbaycanda da bu istiqamətdə tədbirlər var. Buna misal olaraq, azad olunmuş ərazilərimizdə fəaliyyət göstərən sahibkarlara güzəşti göstərə bilərik. Bu və bunun kimi addımlar bölgələrimizin sosial-iqtisadi inkişafına töhfə verən amillərdəndir.

Azərbaycanda regionların sosial-iqtisadi inkişafı ilə bağlı layihələrin icrası və bu sahədə görülməli olan işlər barədə “Yeni Azərbaycan”a açıqlama verən Milli Məclisin deputatı Vüqar Bayramov bildirib ki, regionların sosial-iqtisadi inkişafı prioritet məsələlərdəndir: “Burada məqsəd həm də balanslı iqtisadiyyatı gücləndirməkdir. Nəzərə alsaq ki, Azərbaycanda dayanıqlı iqtisadi inkişaf var, bu inkişaf kontekstində xüsusən də son illərin nəticəsi göstərir ki, ümumi daxili məhsuldakı artım qeyri-neft sektorundakı inkişaf hesabına baş verib. Dayanıqlı inkişaf həm də inklüziv olaraq regionların daha da inkişaf etdirilməsini prioritetləşdirir. Bizim monitorinqlər göstərir ki, bu inkişaf üçün regionlara daha çox yerli və xarici sərmayənin cəlb edilməsinə ehtiyac var. Bu gün ən vacib məsələlərdən biri paytaxt və böyük şəhərlərlə müqayisədə bölgələrimizdə sərmayə portfelinin kiçik olmasıdır. Ona görə də sərmayənin cəlb edilməsi üçün bölgələrdə yersiz müdaxilələr aradan qalxmalıdır. Bizim monitorinqlər göstərir ki, bəzi rayonlarda hələ də iş adamlarının fəaliyyətinə yersiz müdaxilələr müşahidə olunur. Bu istiqamətdə institusional islahatların davam etdirilməsi olduqca vacibdir”.

Deputat qeyd edib ki, bəzi ölkələrdə regionların inkişafı ilə bağlı fərqli yanaşmalar var: “Məsələn, İtaliyada regionların inkişaf etdirilməsi üçün ayrıca güzəştlərin, aşağı dərəcəli vergilərin tətbiqi həyata keçirilir. Burada məqsəd bölgələrə daha çox sərmayənin cəlb edilməsidir, çünki İtaliyanın cənubu və şimalı arasında iqtisadi baxımdan fərq müşahidə olunurdu. Aparılan islahatlarla bölgələrlə iri şəhərlər arasında fərqi aradan qaldırmaq mümkün oldu. Ona görə də İtaliya təcrübəsi də bu kontekstdə Azərbaycan üçün faydalıdır”.

“İşğaldan azad olunmuş ərazilərimizin inkişafı və o cümlədən həm iqtisadiyyatın formalaşması, həm də reinteqrasiyası əsas prioritetlərindəndir” - deyə, V.Bayramov əlavə edib: “Prezidentin də əsas tapşırıqlarından biri də Qarabağ və Şərqi Zəngəzurda İqtisadiyyatın formalaşmasında özəl sektorun yaxından iştirakı və dəstəklənməsi ilə bağlıdır. Nəzərə alsaq ki, Qarabağ və Şərqi Zəngəzur üçün 10 illik güzəşt paketi var və sərmayənin cəlb edilməsi ilə bağlı işlər görülür. Azad olunmuş ərazilərimizin Azərbaycan İqtisadiyyatının 8 faizini formalaşdırmaq imkanları var ki, bu da iqtisadiyyatımız üçün əlavə 10 milyard manata yaxın yeni dəyər deməkdi. Ona görə də bu dəyərin formalaşdırılmasında özəl sektorun daha yaxından iştirakı olduqca vacibdir”, - deyə V.Bayramov qeyd edib.

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Regionların sosial-iqtisadi inkişafının təşviq edilməsi” istiqaməti üzrə hazırlanmışdır

Paylaş:

Baxılıb: 907 dəfə