Nahar etmək zərərlidir, yoxsa faydalı?

Bakı:

16 °C

59 %

9 m/s

Əlaqə

AZ RU EN

Ana səhifə / Maraqlı / Nahar etmək zərərlidir, yoxsa faydalı?

Nahar etmək zərərlidir, yoxsa faydalı?

19.10.2023 [13:00]

MÜŞFİQƏ

Nahar fasiləsi işçilərin səbirsizliklə gözlədiyi bir andır. Bəziləri dost-tanışları ilə bu fasiləni kofe içməklə dəyərləndirər, bir qisim isə mütləq yemək üçün məkanlar axtarışına çıxar, yaxud evdən özü ilə birlikdə gətirdiyi yeməyi yeməyə başlayar. Amma o yemək mütləq yeyilər. Görəsən, nahar etmək anlayışı necə yarandı? Gündə iki dəfə, yəni səhər və axşam yemək kifayət etmir? Ümumiyyətlə, nahar zərərlidirmi?

Əbəs yerə deyilməyib axı, səhər yeməyini özün ye, günorta dostuna, axşam isə düşməninə ver. Uzun illərdir ki, mütəxəssislər gündə iki dəfə yeməyə çalışın deyə tövsiyələr verirlər. Lakin əksəriyyət bu çağırışa məhəl belə qoymur. Sözsüz ki, nahar həddindən artıq olmadıqda zəruri yeməkdir. Onun zərurəti özü ilə müəyyən faydalar da gətirir. Məsələn, 20 dəqiqə beyniniz və mədəniz sinxronlaşır, iş stresindən uzaqlaşırsınız, zehni yorğunluğu atır, yeni enerji toplayırsınız. Axı bu enerjini günün sonuna qədər davam etdirməli və yarım qalan işləri bitirməlisiniz. Nahar fasiləsinin verdiyi hiss, yeyib doyma hissindən daha dəyərlidir. Yemək sadəcə əyləncə və ya sosiallaşma vasitəsi deyil. Bu da orqanizm üçün vacib bir tələbdir. Qısa fasilələr insanı tükənmişlik sindromundan qoruyur və stress səviyyələrini azaldır. Hər bir insanın müəyyən bir enerji deposu var. Gün ərzində motivasiya və balanslı enerji üçün nahar mütləqdir. Buraya qədər heç bir problem yoxdur. İndi isə keçid alaq zərərlərinə...

Daim masa arxasında oturmaq, ekrana baxmaq həm zehni, həm də bədəni yorur. Nahar fasiləsi zamanı kompyüter önündən durun və yüngül yemək üçün çölə çıxın.30 dəqiqəlik piyada gəzin. Amerikada aparılan bir araşdırmanın nəticələrinə görə, hər 4 nəfərdən biri nahara vaxt ayıra bilməyəcək qədər məşğul olduğunu, hər 3 nəfərdən biri isə masa üstü qəlyanaltılarla naharı atladığını bildirib. Bir insanın nahar üçün sərf etdiyi orta vaxt 20 dəqiqədir. Elmi araşdırmaya görə, hər 10 dəqiqədən bir 50 saniyə dincəlməyin yorğunluq hissini yüzdə 50 azaltdığı müəyyən edilib və beləliklə, nahar fasiləsinin işçi üçün nə qədər əhəmiyyətli olduğu açıq şəkildə ortaya çıxıb. Bir sözlə, araşdırmalar nahar fasilələrinin məhsuldarlığı artırmaqda necə təsirli olduğunu gördük. Nahar fasiləsi təkcə yemək deyil, həm də günün intensivliyində performansımızın aşağı düşməməsi üçün bir fürsətdir. Beləliklə, günortadan sonra özünüzü yorğun və ya yuxulu hiss etmək əvəzinə, özünüzü daha fit hiss edəcəksiniz. Çətin günlər keçirdiyiniz zaman nahara çıxmaq sizə həqiqətən də rahatlıq verir. Qidanızı alıb, bir küncdə gözdən uzaqda sakitcə yemək yeməklə enerjinizi və psixologiyanızı tənzimləyəcəksiniz. Artıq saatlar 13:00 göstərir. Nahar vaxtıdır! Bu fasilədə həm də ruhunuzu qidalandırın! Çöldə təmiz hava sizi gözləyir.

Paylaş:

Baxılıb: 601 dəfə