ISESCO üzrə Azərbaycan Milli Komissiyasının ilk iclası keçirilib

Bakı:

28 °C

50 %

10 m/s

Əlaqə

AZ RU EN

Ana səhifə / Mədəniyyət / ISESCO üzrə Azərbaycan Milli Komissiyasının ilk iclası keçirilib

ISESCO üzrə Azərbaycan Milli Komissiyasının ilk iclası keçirilib

26.01.2016 [10:21]

İslam Təhsil, Elm və Mədəniyyət Təşkilatı (ISESCO) üzrə Azərbaycan Respublikasının Milli Komissiyasının yaradılması haqqında Azərbaycan Respublikası Prezidentinin 14 yanvar 2016-cı il tarixli Sərəncamından irəli gələn vəzifələrin yerinə yetirilməsi ilə bağlı yanvarın 25-də komissiyanın ilk iclası keçirilib.
AZƏRTAC xəbər verir ki, iclası komissiyanın sədri mədəniyyət və turizm naziri Əbülfəs Qarayev açaraq komissiyada müxtəlif dövlət qurumlarından 10 nəfər üzvün təmsil olunduğunu bildirib. Komissiya üzvlərinin təsdiq edilməsini ölkə rəhbərinin göstərdiyi böyük etimad kimi dəyərləndirən nazir bu Sərəncamın komissiya üzvlərinin üzərinə böyük bir məsuliyyət qoyduğunu xüsusi vurğulayıb.
Qeyd edilib ki, Azərbaycan hökumətinin, şəxsən Prezident İlham Əliyev və Azərbaycanın birinci xanımı Mehriban Əliyevanın İslam dünyası ilə əlaqələrin güclənməsi istiqamətindəki fəaliyyəti nəticəsində ölkəmizin İslam dünyasına, mədəniyyətinə inteqrasiya prosesləri çox fəal şəkildə həyata keçirilir. Komissiya üzvləri bu işin davamına və münasibətlərin daha da yüksək səviyyədə qurulmasına öz töhfələrini əsirgəməməli, daha da geniş miqyasda fəaliyyət göstərməlidirlər. Komissiyanın tərkibinə nüfuzlu qurumların və ziyalıların təsdiqləndiyini qeyd edən nazir bu işin öhdəsindən gəlməyə layiqincə nail olunacağına əminliyini ifadə edib.
Ə.Qarayev diqqətə çatdırıb ki, 2015-ci il noyabrın 23-27-də Bakıda keçirilmiş ISESCO-nun 12-ci Baş Konfransı və İcraiyyə Şurasının iclası Sərəncamda xüsusi qeyd edilir. Həmin iclasda Azərbaycan növbəti üç il müddətinə Baş Konfransın sədri seçilib. Bildirilib ki, ISESCO-nun rəhbərliyi ölkəmizdə keçirilən bu tədbirləri yüksək qiymətləndirib. Komissiya sədri vurğulayıb ki, dövlətimizin başçısı ISESCO Baş Konfransına sədrliyin uğurla həyata keçirilməsinin vacibliyini nəzərə alaraq, bu mötəbər qurumla əməkdaşlığı səmərəli şəkildə əlaqələndirmək məqsədilə komissiyanın yaradılması haqqında Sərəncam imzalayıb.
Bakının 2009-cu ildə İslam mədəniyyətinin paytaxtı olduğunu xatırladan Ə.Qarayev, 2018-ci ildə isə Naxçıvan şəhərlərinin bu missiyanın öhdəsindən yüksək səviyyədə gələcəyinə əminliyini ifadə edib. Bildirib ki, bütün bunlar Azərbaycan xalqının zəngin tarixi-mədəni irsinə İslam aləmində verilən yüksək qiymət kimi təqdirəlayiqdir.
Sonra iclasda Azərbaycan və ISESCO arasındakı əməkdaşlıq, ISESCO Azərbaycan Milli Komissiyasının işi, ISESCO-nun Baş Konfransının funksiyaları və digər mövzular ətrafında müzakirələr aparılıb.

Paylaş:

Baxılıb: 1394 dəfə