"Şərq-Qərb" Bakı Beynəlxalq Kino Festivalı XI dəfə baş tutdu

Bakı:

3 °C

87 %

10 m/s

Əlaqə

AZ RU EN

Ana səhifə / Mədəniyyət / "Şərq-Qərb" Bakı Beynəlxalq Kino Festivalı XI dəfə baş tutdu

"Şərq-Qərb" Bakı Beynəlxalq Kino Festivalı XI dəfə baş tutdu

24.09.2009 [09:51]

Heydər Əliyev Fondu, Mədəniyyət və Turizm Nazirliyi, Azərbaycan Kinematoqrafçılar İttifaqının təşkilatçılığı, MDB və Baltik ölkələri Kinematoqrafçılar İttifaqları Konfederasiyasının dəstəyi ilə keçirilən ənənəvi “Şərq-Qərb” Bakı Beynəlxalq Kino Festivalı bu il 18-23 sentyabr tarixlərində XI dəfə reallaşıb.
Heydər Əliyev Sarayında baş tutan təntənəli açılış mərasimində Azərbaycanda səfərdə olan TüRKSOY-un baş direktoru Düsen Kaseinov çıxış edərək, festivalın işinə uğurlar arzulayıb. Festival münasibəti ilə kino işçilərini təbrik edən mədəniyyət və turizm naziri Əbülfəs Qarayev layihənin Azərbaycanla bərabər, iştirakçı ölkələr üçün də əhəmiyyətindən danışıb. Bakı Musiqi Akademiyasının rektoru, Xalq artisti Fərhad Bədəlbəyli xalqımızın üzeyir Hacıbəylinin doğum gününü iftixar hissi ilə qeyd etdiyi bir gündə belə beynəlxalq festivalın keçirilməsini olduqca əhəmiyyətli hesab edib. F.Bədəlbəyli onu da söyləyib ki, Azərbaycan filmlərində xalqımızın ölməz musiqi xəzinəsi yaşamaqdadır.
Festivalı açıq elan edən Azərbaycan Kinematoqrafçılar İttifaqının sədri, Xalq yazıçısı Rüstəm İbrahimbəyov tədbirin təşkilində kömək göstərdiklərinə görə, müvafiq qurumlara təşəkkür edib. Daha sonra, sözü çexiyalı rejissor Yan Sveraka verib. Y.Sverak Azərbaycanda olmasından və festivalda iştirakdan məmnunluq duyduğunu dilə gətirib.
Qeyd edək ki, festival çərçivəsində çexiya rejissoru Yan Sverakın “Sürmə” (1994), “Kolya” (1995) və “Netçciklər” (1998) filmlərinin retrospektivi təşkil olunub. O cümlədən, digər çex rejissoru Zdenek Troşkanin “Ən gözəl tapmaca” film-nağılının Azərbaycan premyerası, Nana Djorcadzenin “Meteosəfeh” və Teymur İsmayılovun “Binqo” filmləri nümayiş olunub. Bundan başqa, festival çərçivəsində “Avrasiya filmləri” panoramasında Macarıstan, Bolqarıstan, Rusiya, Gürcüstan, Qazaxıstan, Estoniya, Polşa, çexiya, “Müsəlman ölkələri” filmləri panoramasında isə Qazaxıstan, İran, özbəkistan, Türkiyə, Misir, Mərakeş, Tunis və Azərbaycan filmləri nümayiş olunub. Festivalda Azərbaycanı Elçin Musaoğlunun 42-ci Hyuston Festivalında xüsusi mükafata layiq görülən “Qırxıncı qapı” filmi uğurla təmsil edib.
XI “Şərq-Qərb” Bakı Beynəlxalq Kino Festivalının sonuncu günü Azərbaycan Mədəniyyət və Turizm Nazirliyinin, Kinematoqrafçılar İttifaqının və Dünya Kinosunun 100 İlliyi Fondunun təşkilatçılığı ilə AMEA-nın Milli Azərbaycan Tarixi Muzeyində “İslam təsəvvürü və onun dünya mədəniyyətinə təsiri” mövzusunda dəyirmi masa keçirilib. Tədbirdə sufizm və sufizmin mahiyyəti, İslam mədəniyyəti, Qərbin Şərqə marağı, Azərbaycan Qərblə Şərqin yolayırıcı kimi, Azərbaycan ərazisində sufi təriqətləri, müsəlman Azərbaycanında digər xalqlara və konfessiyalara tolerantlıq və dini dözümlülük mövzularında çıxışlar olub, müzakirələr aparılıb.

Paylaş:

Baxılıb: 1405 dəfə