"Tanınmamış Salahov" Londonun məşhur "Sothebyâ€™s" qalereyasında

Bakı:

18 °C

77 %

2 m/s

Əlaqə

AZ RU EN

Ana səhifə / Mədəniyyət / "Tanınmamış Salahov" Londonun məşhur "Sothebyâ€™s" qalereyasında

"Tanınmamış Salahov" Londonun məşhur "Sothebyâ€™s" qalereyasında

27.02.2010 [21:36]

Britaniyada “Azərbaycan incəsənətinin 100 günü” festivalına möhtəşəm qala-konsertlə yekun vurulacaq
Azərbaycanın zəngin mədəniyyət nümunələri dumanlı Albionun paytaxt sakinlərini valeh etməkdə davam edir. Yüzgünlük incəsənət proqramı çərçivəsində təşkil olunan silsilə tədbirlər britaniyalılara Azərbaycanı özləri üçün yenidən kəşf etmək imkanı yaradıb. “Tanınmamış Salahov”-dünya mədəniyyətinin canlı əfsanəsi, Azərbaycanın və keçmiş SSRİ-nin Xalq rəssamı Tahir Salahovun Londonun nüfuzlu “Sotheby’s” (“Sotbis”) qalereyasında sərgilənən 30 əsərdən ibarət kolleksiya bu qəbildən olan növbəti tədbir idi. Sərgi “Buta” incəsənət mərkəzi və Azərbaycanın Böyük Britaniyadakı səfirliyi tərəfindən təşkil olunub. Mərkəzin rəhbəri Nəsib Piriyev qəzetimizə müsahibəsində tədbirdə Londonda fəaliyyət göstərən diplomatik korpusun təmsilçiləri və diaspor təşkilatlarının nümayəndələrinin iştirak etdiyini bildirib. Açılış mərasimində çıxış edən “Sotheby’s” qalereyasının direktoru lord Poltimor və Azərbaycanın Böyük Britaniyadakı səfiri Fəxrəddin Qurbanov sərginin keçirilməsini yüksək qiymətləndirərək, London sakinlərini Azərbaycanın zəngin mədəni irsi və görkəmli incəsənət xadimlərinin fəaliyyəti ilə tanış etməyin əhəmiyyətini qeyd ediblər. Bildirilib ki, belə sərgilər ölkələrimiz arasında mədəni əlaqələrin inkişaf etdirilməsinə, adət-ənənələrimizin öyrənilməsinə yardım, xalqlarımızı bir-birinə daha yaxşı tanımağa və anlamağa kömək edir. Kolleksiyanın müəllifi Tahir Salahov çıxış edərək, ünvanına söylənən xoş sözlərə görə tədbir iştirakçılarına təşəkkürünü bildirib. Qeyd edək ki, “Buta”nın təşkil etdiyi bu sərgi “Azərbaycan incəsənətinin 100 günü” festivalı çərçivəsində Londanda təşkil olunan sayca 18-ci tədbirdir. Festival ötən ilin noyabrın 25-də “Queen Elizabeth Hall”da cazmen Şahin Növrəslinin konsert proqramı ilə start götürüb. Nəsib Piriyevin sözlərinə görə, festival çərçivəsində “Pushkin House”da Rüstəm İbrahimbəyovun ssenarisi əsasında çəkilmiş filmlər nümayiş olunub. Bundan əlavə, istedadlı pianoçularımız Ayan Salahova və İsfar Sarabskinin konsertləri təşkil edilib. Məşhur fotojurnalist Rəna Əfəndinin əsərlərinin sərgisi dumanlı Albionun paytaxt sakinlərini valeh edib. Festival çərçivəsində, həmçinin, “Kings Collage London”da “Bakıda 1990-cı ilin Qara Yanvar hadisələri haqqında” konfrans təşkil olunub, eləcə də London sakinləri A.Maşinin foto-sərgisi vasitəsilə Azərbaycan qaçqınlarının taleləri və həyatları ilə tanış olmaq imkanı qazanıblar. Nəsib Piriyevin sözlərinə görə, “Azərbaycan incəsənətinin 100 günü” festivalına martın 7-də “Southbank Centre”də Böyük Britaniyanın məşhur Kral Filarmonik orkestrinin iştirak edəcəyi böyük qala-konsert proqramı ilə yekun vurulacaq. Festivalın başa çatmasından bir neçə gün əvvəl Kral musiqiçiləri görkəmli bəstəkarımız Qara Qarayevin əsərlərindən ibarət konsert proqramı ilə çıxış edəcək. Konsertdə royal partiyalarını istedadlı gənc musiqiçi Murad Hüseynov ifa edəcək. Bir sözlə, britaniyalılar ötən 100 gün ərzində Azərbaycan incəsənəti ilə tanışlıqdan aldıqları zövqü uzun müddət xatirələrində yaşadacaqlar.
Səlim LOÄžMANOÄžLU

Paylaş:

Baxılıb: 1650 dəfə