Dövlətimizin başçısı İlham Əliyevin rəhbərliyi ilə ölkəmizdə yaradılmış təhlükəsizlik mühiti və sabitlik Azərbaycanın beynəlxalq nüfuzunu daha da artırır

Bakı:

26 °C

58 %

1 m/s

AZ RU EN

Ana səhifə / Siyasət / Dövlətimizin başçısı İlham Əliyevin rəhbərliyi ilə ölkəmizdə yaradılmış təhlükəsizlik mühiti və sabitlik Azərbaycanın beynəlxalq nüfuzunu daha da artırır

Dövlətimizin başçısı İlham Əliyevin rəhbərliyi ilə ölkəmizdə yaradılmış təhlükəsizlik mühiti və sabitlik Azərbaycanın beynəlxalq nüfuzunu daha da artırır

29.03.2014 [12:04]

Səbail rayon İcra Hakimiyyətində milli təhlükəsizlik orqanlarının yaradılmasının 95 illiyi qeyd olunub.
Rayon İcra Hakimiyyətindən AzərTAc-a bildiriblər ki, tədbirdə çıxış edən Səbail rayon İcra Hakimiyyətinin başçısı Asif Əsgərov Milli Təhlükəsizlik Nazirliyinin (MTN) Səbail rayon idarəsinin şəxsi heyətini yubiley münasibətilə təbrik edib. A.Əsgərov Azərbaycanın milli təhlükəsizlik orqanlarının 95 illik tarixi inkişaf yolundan, xalqımızın Ümummilli lideri Heydər Əliyevin ölkəmizin milli təhlükəsizlik orqanlarının inkişafındakı xidmətlərindən, milli kadrların yetişdirilməsindən, Azərbaycan Prezidenti, Silahlı Qüvvələrin Ali Baş Komandanı İlham Əliyevin Milli Təhlükəsizlik Nazirliyinə diqqət və qayğısından danışıb.
Natiq MTN-in Səbail rayon idarəsinin fəaliyyəti, paytaxtın mərkəzi kimi tanınan, bir çox yerli və beynəlxalq tədbirlərin keçirildiyi, sakinlərimizin və çoxsaylı qonaqların sevimli gəzinti və istirahət yeri olan rayonda asayişin, insanların təhlükəsizliyinin qorunması, mənfi halların, müxtəlif təxribatların qarşısının alınması istiqamətindəki işlərdən danışıb, idarənin əməkdaşlarına gələcək fəaliyyətlərində uğurlar arzulayıb.
MTN-in Səbail rayon idarəsinin rəisi, polkovnik Qurban Süleymanov 95 il əvvəl yaradılan Azərbaycanın ilk milli təhlükəsizlik orqanlarının tarixindən söz açıb. Bildirib ki, Azərbaycanın milli təhlükəsizlik orqanları 1919-cu il martın 28-də Hərbi Nazirliyin Baş Qərargahı nəzdində Kəşfiyyat və Əks-Kəşfiyyat Bölməsi kimi fəaliyyətə başlayıb. Bu orqanlarda milli mənafelərə xidmət strategiyasının əsasının Ulu öndər Heydər Əliyev tərəfindən yaradıldığını diqqətə çatdıran Q.Süleymanov qeyd edib ki, Ümummilli liderimizin milli təhlükəsizlik orqanlarının fəaliyyətinin yenidən qurulmasına və təkmilləşdirilməsinə göstərdiyi tələbkarlıq, gündəlik qayğı və diqqət yeni dövrün çağırışlarına uyğun təhlükəsizlik sisteminin yaradılmasına böyük kömək olub.
Diqqətə çatdırılıb ki, Ulu öndər Heydər Əliyevin Azərbaycanın sivil, demokratik, hüquqi dövlət kimi inkişafına yönəldilmiş siyasətinin Prezident İlham Əliyev tərəfindən uğurla davam etdirilməsi, əlverişli şəraitin yaradılmasında MTN-in əməkdaşları da yaxından iştirak edirlər. Terrorçuluqla, transmilli mütəşəkkil cinayətkarlıqla mübarizə və s. istiqamətlərdəki şərəfli fəaliyyət, dövlətimizin başçısı İlham Əliyevin rəhbərliyi, dövlət strukturlarının və hüquq mühafizə orqanlarının birgə səyləri ilə yaradılmış təhlükəsizlik mühiti və sabitlik Azərbaycanın beynəlxalq nüfuzunu daha da artırır.
Mərasimdə MTN-in Səbail rayon idarəsinin bir qrup əməkdaşına rayon İcra Hakimiyyətinin fəxri fərmanları və qiymətli hədiyyələri təqdim olunub.

Paylaş:

Baxılıb: 1568 dəfə