Müharibənin ağrı-acılarını zərif çiyinlərində daşımış qadınlar yüksək qiymətə layiqdir

Bakı:

24 °C

60 %

4 m/s

Əlaqə

AZ RU EN

Ana səhifə / Siyasət / Müharibənin ağrı-acılarını zərif çiyinlərində daşımış qadınlar yüksək qiymətə layiqdir

Müharibənin ağrı-acılarını zərif çiyinlərində daşımış qadınlar yüksək qiymətə layiqdir

24.04.2015 [10:02]

Ailə, Qadın və Uşaq Problemləri üzrə Dövlət Komitəsi (AQUPDK) Respublika Veteranlar Şurası ilə birgə aprelin 23-də “1941-1945-ci illər Böyük Vətən müharibəsində qadınların rolu” mövzusunda beynəlxalq elmi-konfrans keçirib.
AZƏRTAC xəbər verir ki, Qələbənin 70 illiyinə həsr olunan konfransda “İgid oğullarla bir cərgədə” adlı ensiklopedik toplunun təqdimatı olub.
Azərbaycan Milli Elmlər Akademiyasının prezidenti, akademik Akif Əlizadə bu ilin fevralında Azərbaycan Prezidentinin Sərəncamı ilə “1941-1945-ci illər müharibəsində Qələbənin 70 illik yubileyinə hazırlıq və yubileyin qeyd olunması üzrə Tədbirlər Planı”nın təsdiq edildiyini diqqətə çatdırıb.
Böyük Vətən müharibəsi illərindən danışan A.Əlizadə görkəmli alim, neft-kimya elminin banilərindən biri, akademik Yusif Məmmədəliyevin rəhbərliyi altında kimyaçı alimlərın faşizm üzərində tarixi qələbəyə verdiyi töhfələrdən bəhs edib.
AQUPDK-nın sədri Hicran Hüseynova Böyük Vətən müharibəsində Azərbaycanın igid, mərd oğulları ilə yanaşı, qadınların və qızların da qəhrəmanlıq göstərdiklərini, ön və arxa cəbhədə, hətta dövlət işlərində yaxından iştirak etdiklərini bildirıb, faşizm üzərində qələbədə onların özünəməxsus rolunu vurğulayıb.
Qeyd edib ki, ölkəmiz müasir dövrdə də yenidən müharibənin dəhşətlərini və onun ağır fəsadlarını yaşayır. Azərbaycan torpaqları uğrunda erməni qəsbkarlarla kişilərlə yanaşı, qadınlarımız da döyüşərək, şəhid olublar. Dörd yüz mindən çox qadın və üç yüz mindən çox uşaq qaçqın və məcburi köçkün vəziyyətinə düşmüşdür. Ədalətsiz müharibənin ağırlığını çiyinlərində daşıyan qadınlarımız bütün bu çətinliklərə baxmayaraq, özlərində güc taparaq fəaliyyətlərini davam etdirir, təhsillərini artırır, işləyir, ictimai aktivlik göstərirlər.
“İgid oğullarla bir cərgədə” adlı ensiklopedik toplunun müəllifi, tanınmış yazıçı-jurnalist Sabir Gəncəli Böyük Vətən müharibəsində ön və arxa cəbhələrdə qəhrəmanlıq göstərmiş Azərbaycanda yaşayan veteran qadınların rolundan danışıb. Qeyd olunub ki, kitabda altı yüz mindən çox igid oğulların, qeyrətli qızların düşmənlə mübarizədə göstərdikləri fədakarlıq, hünər və rəşadət tərənnüm edilib.
Tədbirdə Milli Məclisin deputatı Ziyad Səmədzadə, insan hüquqları üzrə müvəkkil Elmira Süleymanova, Respublika Veteranlar Şurasının sədri Dadaş Rzayev və digər çıxış edənlər Böyük Vətən müharibəsində ön və arxa cəbhələrdə qəhrəmanlıq göstərmiş, müharibə illərinin bütün məşəqqətlərini, ağrı-acılarını zərif çiyinlərində daşımış, qələbənin qazanılmasında əhəmiyyətli rol oynamış qadınların əməyini yüksək qiymətləndiriblər. Qeyd olunub ki, qələbə uğrunda vuruşan, şəhid olan insanların xatirəsi əbədi olaraq yaddaşlarda yaşayır, onların şərəfli həyat yolu gənc nəslə nümunədir.
Konfransda Böyük Vətən müharibəsi iştirakçıları mükafatlandırılıb, onlara diplomlar təqdim olunub.

Paylaş:

Baxılıb: 594 dəfə