Fransalı və almaniyalı jurnalistlər cəbhə bölgəsində olublar

Bakı:

20 °C

88 %

3 m/s

Əlaqə

AZ RU EN

Ana səhifə / Siyasət / Fransalı və almaniyalı jurnalistlər cəbhə bölgəsində olublar

Fransalı və almaniyalı jurnalistlər cəbhə bölgəsində olublar

05.07.2016 [10:11]

Fransa və Almaniyadan olan jurnalistlər Tərtər rayonuna səfər ediblər.
AZƏRTAC xəbər verir ki, əvvəlcə rayon icra hakimiyyətində olan “Le Nouvel Observateur”, “Huffington French” və “Deutsche Welle” kimi media orqanlarının nümayəndələrinə cəbhə xəttində yaşayan dinc əhalinin üzləşdiyi çətinliklər, ermənilərin yaşayış məntəqələrini atəşə tutması nəticəsində yaranan problemlər barədə məlumat verilib.
Tərtər rayon İcra Hakimiyyətinin başçısı Müstəqim Məmmədov bildirib ki, rayon ərazisi 48 kilometr məsafədə təmas xəttində yerləşir. Ermənistan silahlı birləşmələri rayonun təmas xəttinə yaxın olan yaşayış məntəqələrini daim atəş altında saxlayır, dinc əhalinin təsərrüfat işləri ilə məşğul olmasına mane olur. Onlar işğal altında saxladıqları ərazilərdəki Sərsəng və Madagiz su anbarlarından gələn suyun qarşısını suvarma dövründə kəsirlər ki, nəticədə əkin sahələrinin suvarılmasında çətinliklər yaranır. Qış fəslində isə suyu açırlar ki, bu da əkin sahələrinin və yaşayış məntəqələrinin su altında qalmasına səbəb olur. Düşmən tərəfindən təmas xəttinə yaxın olan ərazilərdə yanğınlar törədilir. Bunun nəticəsində də ərazinin flora və faunası məhv olur, taxıl sahələri yanğına məruz qalır.
Jurnalistlərin diqqətinə çatdırılıb ki, aprel ayı ərzində erməni silahlı qüvvələrinin atəşkəsi pozması nəticəsində rayonun təmas xəttinə yaxın, eləcə də təmas xəttindən 15-20 kilometr məsafədə yerləşən yaşayış məntəqələri ağır artilleriya atəşinə məruz qalıb. Hətta ermənilər insanların sıx yaşadığı yaşayış məntəqələrinə qadağan olunmuş ağ fosforlu bombalar da atıblar. Nəticədə yüzlərlə evə, 4 məktəbə, 2 həkim məntəqəsinə, 1 uşaq bağçasına ziyan dəyib, 32 ev tamamilə dağılıb, 9 mülki şəxs yaralanıb, 3 nəfər həyatını itirib. Atəşkəsin pozulması nəticəsində məcburi köçkünlərin yaşadığı 52 ev dağılıb, nəticədə 198 nəfər yenə evsiz qalıb. Rayonun Şıxarx, Çaylı və Həsənqaya kəndlərində məcburi köçkünlərin kompakt yaşadıqları ərazilərdə elektrik təsərrüfatına, kommunikasiya xətlərinə və kənd təsərrüfatına ciddi ziyan dəyib.
Sonra media nümayəndələri Tərtər şəhərində və Qapanlı kəndində erməni artilleriyasının atəşi nəticəsində dağıntıya məruz qalmış mənzillərə baş çəkib, sakinlərlə söhbət edib, dəymiş ziyanın aradan qaldırılması istiqamətində görülən işlərlə tanış olub, “N” saylı hərbi hissədə əsgərlərlə görüşüblər.

Paylaş:

Baxılıb: 691 dəfə