Əli Kərimli ekstremistlərin ümidinə qalıb

Bakı:

21 °C

78 %

3 m/s

Əlaqə

AZ RU EN

Ana səhifə / Siyasət / Əli Kərimli ekstremistlərin ümidinə qalıb

Əli Kərimli ekstremistlərin ümidinə qalıb

17.09.2016 [10:29]

AXCP sədri 11 sentyabr mitinqində boş meydanı məhz ekstremist radikalların hesabına doldurmağa çalışıb
Əli Kərimli və “Milli şura” adlanan buqələmun qurumun sentyabrın 11-də keçirdiyi mitinq radikal düşərgənin bitkin durumda olduğunu növbəti dəfə təsdiqlədi. Belə ki, sosial şəbəkələrdə “on minlərlə tərəfdardan” dəm vuran, mitinqin keçirildiyi ərazini “kiçik” sayan Ə.Kərimlinin dəstəsinin üzvləri nəticədə fərqli mənzərə ilə üz-üzə qaldılar. Azərbaycan xalqı bu dəfə də xəyanətkar radikal düşərgənin çağırışlarını etinasızlıqla qarşıladı və ölkəmizin inkişafını istəməyən, ermənipərəst qüvvələrin sifarişlərini yerinə yetirən radikal ünsürlərə münasibətini ortaya qoymuş oldu. Artıq Ə.Kərimlinin ətrafında heç kəs qalmayıb.
Əslində, bu reallığı Ə.Kərimli özü də dərk edir. Elə bu səbəbdəndir ki, Ə.Kərimli son dövrlərdə istər çıxışlarında, istərsə də KİV-ə müsahibələrində ekstremist radikal dini qruplaşmaların tərəfdaşı qismində çıxış etməyə çalışır, onları dəstəklədiyini açıq-aşkar ortaya qoyur. Elə azsaylı mitinq iştirakçılarının böyük əksəriyyətini də həmin radikal dindar qruplaşmaların üzvləri təşkil edirdi ki, Ə.Kərimli artıq onları ələ almaq üçün min bir dona girməkdədir.
Bəli, öz uğursuzluqlarını, zəifliklərini ört-basdır etmək üçün min bir hiylə-fəsada əl atan “Milli şura”çılar və Əli Kərimli sentyabrın 11-də boş qalmış meydanı Taleh Bağırzadənin terrorçu tərəfdarlarının, islamçıların hesabına doldurmağa çalışdılar. Eyni zamanda, mitinqdə çıxış edən hər kəs sözə terrorçu dəstə başçısı Taleh Bağırzadəyə və onun tərəfdarlarına “salam göndərməklə”, onlara açıq şəkildə dəstək ifadə etməklə başladı. Hətta Əli Kərimli mitinqin sonundakı çıxışında dəfələrlə bu terrorçu dəstənin başçısının və üzvlərinin ünvanına xoş sözlər səsləndirdi. Əslində, AXCP sədrinin terrorçulara açıq şəkildə dəstək ifadə etməsi yenilik deyil. Sentyabrın 11-də Ə.Kərimli bu mərəzini bir daha təkrarladı.
Qeyd edildiyi kimi, “Milli şura” adlanan qondarma qurum, eləcə də Əli Kərimlinin Azərbaycan dövlətinə və xalqına qarşı münasibəti heç də terroru özünə ideologiya seçmiş ekstremist radikallardan fərqlənmir. Ə.Kərimlinin mahiyyəti məhz terrorizmə, dağıdıcılığa, xaosa söykənir. İllərdir ki, Azərbaycan dövlətinin inkişafına qarşı düşmən kəsilən, fərqli xarici maraqların danışan dilinə çevrilən, eləcə də ölkədə qarşıdurma yaratmaq cəhdləri göstərən AXCP və onun sədri Əli Kərimlinin siyasi kimliyinin üzərinə məhz bu cür “maraqlı faktlarla” işıq düşür.
Erməni lobbisi və digər anti-azərbaycançı dairələrin sifarişləri əsasında daima siyasi qarşıdurma, bölücülük yaratmaq istəyən Əli Kərimli mütəmadi şəkildə terrora çağırışları dəstəklədiyini, qanunu pozan, cinayət törədən şəxslərlə eyni səfdə dayandığını ortaya qoyub. Bir zamanlar hətta İŞİD-in bayrağını mitinqində az qala başı üzərinə qaldıran Əli Kərimli bu gün silahlı dəstə yaradan, ölkənin təhlükəsizliyinə təhdid yaradanlarla birlikdə olduğunu bəyan edir. Əslində, onun məqsədi həm də Azərbaycanda olan dünyəvi, demokratik, azad dövlətçiliyə qarşı marıqda yatan islamofob, anti-azərbaycançı qüvvələrlə işbirliyi yaratmaqdır.
Beləliklə sadalananlardan da göründüyü kimi, Ə.Kərimli bu gün Azərbaycan dövlətinə və dövlətçiliyinə qarşı mövqe tutan bütün antimilli qüvvələrlə, hətta torpaqlarımızı işğal edən ermənilərlə işbirliyi qurmaqdan belə çəkinmir. Sonuncu mitinqdən sonra isə radikal düşərgə nümayəndələri açıq şəkildə onun hətta şeytanla belə əməkdaşlıq edə biləcəyini söyləyirlər. Məsələn, vaxtilə AXC-nin yaradıcılarından olmuş Zərdüşt Əlizadə bildirib ki, “1990-cı illərin əvvəllərində olduğu kimi, Xalq Cəbhəsi üçün indi də müqəddəs heç nə yoxdur. Onların bir hədəfi var - hakimiyyətə gəlmək. Buna görə onlar hətta şeytanla da əməkdaşlığa hazırdırlar”. Onun sözlərinə görə, bu prinsipsiz kütlə öz hədəfinə çatmaq üçün buddist şüarları belə səsləndirməyə hazırdır. Bu isə Ə.Kərimlinin ekstremist radikallarla da öz maraqları üçün yaxınlıq etməsi faktını ortaya çıxarır. Necə deyərlər, Ə.Kərimlinin sabah kimə üz tutacağı, hansı rəngə dəyişəcəyi məlum deyil...
Pərviz SADAYOĞLU

Paylaş:

Baxılıb: 651 dəfə