Heydər Əliyev
yeni azerbaycan logo

Ana səhifə / Siyasət / Əli Əhmədov: YAP bələdiyyə seçkilərində iştirak edəcək namizədlərini müəyyənləşdirib

Əli Əhmədov: YAP bələdiyyə seçkilərində iştirak edəcək namizədlərini müəyyənləşdirib

14.10.2009 [09:47]

“Bələdiyyə seçkilərinə rəsmi start verildikdən sonra seçkilərə hazırlığın yeni mərhələsi başlayıb. Bu mərhələ ilk növbədə partiya tərəfindən namizədlərin irəli sürülməsi ilə əlaqədardır”. Bu sözləri Yeni Azərbaycan Partiyasının (YAP) Sədr müavini-İcra katibi, millət vəkili Əli Əhmədov hakim partiyanın bələdiyyə seçkilərinə hazırlığı barədə məlumat verərkən deyib.  Bələdiyyə seçkilərində xeyli sayda namizədlərin irəli sürüldüyünü xatırladan Əli Əhmədovun sözlərinə görə, namizədlərin irəli sürülməsi və qeydə alınması prosesi kifayət qədər kütləvi xarakter daşıyır. 1700-dən artıq bələdiyyəyə 16 min nəfərə qədər namizəd irəli sürülməlidir ki, bu prosesi də sənədləşdirmək, onların imza toplamasına yardım etmək və dairə seçki komissiyaları tərəfindən qeydə alınmasını təmin etmək kifayət qədər vaxt aparan və mürəkkəb bir prosesdir.
Əli Əhmədov bildirib ki, YAP namizədlərin irəli sürülməsi ilə əlaqədar proseslərə artıq başlayıb. Belə ki, indiki halda, MSK və DSK-lara təqdim olunacaq siyahılar və digər sənədlər üzərində işlər gedir.
“Bu, o deməkdir ki, artıq  namizədlər müəyyənləşib və YAP qarşıdan gələn seçkilərdə hansı namizədlərlə iştirak edəcək sualını özü üçün cavablandırıb. İndi isə namizədlərin rəsmi şəkildə irəli sürülməsi və müvafiq prosedurların həyata keçirilməsi mərhələsindəyik. Mən güman edirəm ki, nə qədər kütləvi, mürəkkəb və çoxşaxəli olmasına baxmayaraq, YAP bu prosesi uğurla həyata keçirə biləcək. Kifayət qədər vaxtımız var və bu vaxtdan faydalı və səmərəli istifadə etməyə çalışacağıq” - deyə YAP-ın Sədr müavini vurğulayıb.
N.BAYRAMLI

Paylaş:
Baxılıb: 1014 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

4-cü dəfə...

28 Oktyabr 11:13  

Analitik

Analitik

Analitik

Analitik

Mədəniyyət

Ədəbiyyat

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31