Moskvada MDB Xarici İşlər Nazirləri Şurasının növbəti iclası keçirilib

Bakı:

25 °C

60 %

3 m/s

Əlaqə

AZ RU EN

Ana səhifə / Siyasət / Moskvada MDB Xarici İşlər Nazirləri Şurasının növbəti iclası keçirilib

Moskvada MDB Xarici İşlər Nazirləri Şurasının növbəti iclası keçirilib

06.04.2019 [09:15]

Aprelin 5-də Moskvada MDB Xarici İşlər Nazirləri Şurasının növbəti iclası keçirilib.
AZƏRTAC xəbər verir ki, iclasda Azərbaycanı xarici işlər naziri Elmar Məmmədyarovun rəhbərlik etdiyi nümayəndə heyəti təmsil edib.
Nazirlər əvvəlcə məhdud tərkibdə iclasın gündəliyinə daxil edilmiş məsələləri müzakirə ediblər.
İclas iştirakçıları MDB Dövlət Başçıları Şurasının Böyük Vətən müharibəsinin başlanmasının 80-ci ildönümü ilə bağlı Bəyanatının layihəsi, MDB Xarici İşlər nazirlikləri arasında tərəfdaşlığın fəallaşdırılmasına dair fəaliyyət proqramı, Böyük Vətən müharibəsi abidlərinin və məzarlıqlarının qorunması, MDB ölkələrinin fundamental tədqiqatlar sahəsində dövlətlərarası münasibətlərin əlaqələndirilməsi və MDB Xarici İşlər Nazirləri Şurasının növbəti iclasının keçirilməsi ilə bağlı məsələləri müzakirə ediblər.
Sonra MDB Xarici İşlər Nazirləri Şurasının geniş tərkibdə görüşü keçirilib.
Görüşdə 2018-2019-cu illər MDB çərçivəsində Xarici İşlər nazirlikləri arasında məsələhətləşmələr Planına, MDB ölkələrinin muzey işi sahəsində əməkdaşlığı haqqında saziş layihəsinə, azadlıqdan məhrumetmə ilə bağlı olmayan cəzaların yerinə yetirilməsinin ötürülməsi haqqında konvensiyanın layihəsinə, MDB ölkələrində informasiya texnologiyalarından istifadə olunmaqla törədilən cinayətkarlıqla mübarizə sahəsində kadrların hazırlanmasına dair sənədlər imzalanıb.
Sonda Rusiya xarici işlər naziri Sergey Lavrov, MDB İcraiyyə Komitəsinin sədri Sergey Lebedev və Türkmənistanın xarici işlər naziri Rəşid Meredov mətbuat konfransı keçiriblər.
Mətbuat konfransında çıxış edən Türkmənistanın xarici işlər naziri R.Meredov MDB Xarici İşlər Nazirləri Şurası üzvlərinin Birlik çərçivəsində əməkdaşlığı inkişaf etdirmək barədə yekdil razılığa gəldiklərini qeyd edib.
MDB İcraiyyə Komitəsinin sədri Sergey Lebedev çıxışında bildirib ki, MDB Xarici İşlər Nazirləri Şurasının bu iclasında mühüm qərarlar qəbul edilib. MDB XİN-lərinin qarşılıqlı fəaliyyəti, beynəlxalq təşkilatlarda əlaqəli iştirakı və digər vacib məsələlərlə bağlı razılıq əldə edilib. MDB-nin tezliklə fəaliyyətini dayandıracağı barədə şayiələrin əsassız olduğunu qeyd edən S.Lebedev bu il təşkilat çərçivəsində keçiriləcək mühüm tədbirlərin əhəmiyyətini vurğulayıb. O, MDB-də Türkmənistanın sədrliyini yüksək qiymətləndirib.
Rusiyanın xarici işlər naziri Sergey Lavrov beynəlxalq aləmdə suveren dövlətlərin daxili işlərinə qarışılması, tarixin saxtalaşdırılması kimi mövcud çağırışların qarşısının alınmasının vacibliyini vurğulayıb. O, bu sahədə MDB ölkələrinin fəaliyyətinin əlaqələndirilməsinin və BMT nizamnaməsinin norma və prinsiplərinə riayət olunmasının vacibliyini vurğulayıb.
MDB Xarici İşlər Nazirləri Şurasının növbəti iclası oktyabrın 10-da Aşqabadda keçiriləcək.

Paylaş:

Baxılıb: 553 dəfə