Əlisahib Hüseynov: Şəhid ailələrinə və qazilərə daim həssaslıqla yanaşılır, onların problemlərinin həll olunması diqqət mərkəzində saxlanılır

Bakı:

28 °C

50 %

4 m/s

AZ RU EN

Ana səhifə / Siyasət / Əlisahib Hüseynov: Şəhid ailələrinə və qazilərə daim həssaslıqla yanaşılır, onların problemlərinin həll olunması diqqət mərkəzində saxlanılır

Əlisahib Hüseynov: Şəhid ailələrinə və qazilərə daim həssaslıqla yanaşılır, onların problemlərinin həll olunması diqqət mərkəzində saxlanılır

02.03.2021 [09:27]

“Azərbaycan Respublikasının Prezidenti İlham Əliyevin 25 fevral tarixində Bakının Ramana qəsəbəsindəki yaşayış kompleksində şəhid ailələri və müharibə əlillərinə mənzillərin təqdim olunması mərasimindəki çıxışı zamanı qeyd etdiyi kimi ölkəmizdə şəhid ailələrinə və qazilərə daim həssaslıqla yanaşılır, onların problemlərinin həll olunması diqqət mərkəzində saxlanılır. Cənab Prezidentin vurğuladığı kimi, müharibədən cəmi üç ay yarım keçməsinə baxmayaraq, şəhid ailələri və müharibə əlilləri üçün yüksək səviyyədə yaşayış kompleksi, şəhərcik inşa olunaraq təqdim edilməsi bunun bariz ifadəsidir”.
Bu fikirləri Milli Həmrəylik Partiyasının (MHP) sədri Əlisahib Hüseynov deyib.
Partiya sədri bildirib ki, Prezident İlham Əliyevin və Birinci vitse-prezident Mehriban Əliyevanın şəhid ailələri və müharibə əlillərinə qarşı diqqəti və qayğısı çox yüksəkdir: “Məhz onların müvafiq göstərişlərinə əsasən, dövlət qurumları şəhid ailələri və müharibə əlillərinin problemləri ilə yaxından maraqlanır və bu problemlərin həlli üçün gərəkən tədbirləri həyata keçirirlər. Bunun nəticəsidir ki, son 17 il ərzində müharibə əlillərinə 7200-ə yaxın minik avtomobili verilib, 9200-ə yaxın şəhid ailəsi, müharibə əlili dövlət tərəfindən mənzillərlə təmin edilib. 2020-ci ildə 1572 mənzil verilib. Bu il isə 3 minə yaxın mənzilin verilməsi nəzərdə tutulub. İstər I, istərsə də II Qarabağ müharibəsində şəhid olmuş hərbçilərimizin ailələrinə Bakıda, Sumqayıtda, Abşeronda bu ilin sonuna qədər mənzillərin verilməsi davam etdiriləcək. Eləcə də digər şəhər və rayonlarımızda da şəhid ailələri üçün binaların tikintisi davam etdirilir”.
Əlisahib Hüseynov deyib ki, dövlətimizin bu insanlara müharibədən sonra da diqqət və qayğı göstərməsi, onlara sahib çıxması təkcə sosial siyasət deyil: “Bu həm də mənəvi məsələdir. Dövlətin Azərbaycanın ərazi bütövlüyü uğrunda döyüşlərdə əlil olmuş vətəndaşların və şəhid ailələrinin yanında olması, onlara qayğı göstərməsi təqdirəlayiq haldır. Bu, həm də 44 günlük müharibə zamanı cəmiyyətdə formalaşmış ruh yüksəkliyini, milli həmrəyliyi qoruyub saxlamaq baxımından da olduqca əhəmiyyətli məsələdir”.
N.BAYRAMLI

Paylaş:

Baxılıb: 584 dəfə