YAP-ın VII qurultayında müzakirə edilən məsələlər partiyanın yeni mərhələyə qədəm qoymasının göstəricisidir

Bakı:

26 °C

51 %

2 m/s

AZ RU EN

Ana səhifə / Siyasət / YAP-ın VII qurultayında müzakirə edilən məsələlər partiyanın yeni mərhələyə qədəm qoymasının göstəricisidir

YAP-ın VII qurultayında müzakirə edilən məsələlər partiyanın yeni mərhələyə qədəm qoymasının göstəricisidir

17.03.2021 [09:29]

Yarandığı gündən xalqın dəstəyini qazanan Yeni Azərbaycan Partiyasının VII qurultayı Azərbaycanın ərazi bütövlüyünün bərpası baxımından tarixi bir mərhələdə keçirildi. Partiyanın hər qurultayı ictimaiyyəti müəyyən tarixi missiyanın həyata keçrirlməsinə səfərbər edir, cəmiyyətin diqqətini bu missiyaya yönəldir. Bu qurultay Vətən müharibəsindən sonra ictimaiyyətin diqqətini çəkən böyük siyasi hadisədir.
Bunu AZƏRTAC-a açıqlamasında Milli Məclisin deputatı Səbinə Xasayeva deyib.
S.Xasayeva bildirib ki, qurultay ən böyük missiyası xalqa xidmət etmək olan Yeni Azərbaycan Partiyasının bundan sonra da ölkəmizin milli maraqlarının siyasi cəfakeşi olacağını və Müzəffər Ali Baş Komandanın rəhbərliyi ilə milli təhlükəsizliyə xidmət edəcəyini bir daha göstərdi.
Deputatın sözlərinə görə, 1992-ci ilin noyabrında yaradılan YAP mahiyyət etibarilə azərbaycançılıq partiyasıdır. Platforması xalqın mənafeyinə xidmət edən partiya dünyəvi proseslərin də iştirakçısı olur. Ulu öndər Heydər Əliyev tərəfindən yaradılan Yeni Azərbaycan Partiyası da məhz belə partiyalardandır. Azərbaycanda milli qarşıdurma yarananda da, dövlət müstəqilliyinin itirilməsi təhlükəsinin qarşısı alınanda da, Ermənistanın elan etmədən başladığı müharibədə atəşkəsə nail olunanda da xalqla dövlət arasında ən böyük etimad ünvanı Heydər Əliyevin özü və onun yaratdığı partiya oldu. YAP xalqın etimadını qazandı və qazanmaqda davam edir.
“YAP xalqa xidmət edən partiyadır. Xalqa xidmətin mahiyyəti dövlətə, dövlətçiliyə xidmətdir. Bu partiya dövlətin mənafeyinə uyğun olmayan bütün fəaliyyətlərin müxalifidir. Vətən müharibə-sində ictimaiyyət Müzəffər Ali Baş Komandanın ətrafında sıx birləşdi. Azərbaycan Ordusunun Zəfər qazanmasında bu amilin də böyük əhəmiyyəti oldu.
Azərbaycan Respublikasının Prezidenti, Yeni Azərbaycan Partiyasının Sədri İlham Əliyev qurultayda çıxışı zamanı Zəfərdən sonrakı partiyanın fəaliyyətinin başlıca istiqamətləri müəyyənləşdirdi. Bu istiqamətlərdən ən başlıcası işğaldan azad edilmiş ərazilərə qayıdışın təmin edilməsidir. Dövlətimizin başçısı Qayıdış Proqramının yerinə yetirilməsi üçün YAP üzvlərini, gəncləri daha fəal olmağa çağırdı. “Böyük Qayıdış proqramı icra olunmağa başlayanda məcburi köçkünlərin öz doğma torpaq-larına qaytarılması prosesinə də start verəcəyik və burada Yeni Azərbaycan Partiyasının üzvləri, fəallar ön planda olmalıdırlar...”. Bu, qarşıya qoyulan ən mühüm partiya tapşırıqlarından biridir”, - deyə Səbinə Xasayeva vurğulayıb.
Deputat bildirib ki, qurultayda partiyanın yeni Nizamnaməsinin qəbul edilməsi, yeni proqramın 3 ay müddətində hazırlanması ilə bağlı İdarə Heyətinə verilən tapşırıq hər bir partiya üzvünün ictimai vəzifələrini müəyyənləşdirir. Bu vəzifələrin başlıcası hər bir vətəndaşın Böyük Qayıdışa səfərbər olması deməkdir. Hər bir azərbaycanlı, YAP-ın hər bir üzvü Böyük Qayıdış prosesinin fəal iştirakçısı olmalıdır.
Hər qurultay gələcək fəaliyyətin konturlarını müəyyənləşdirir. YAP-ın VII qurultayı cəmiyyətin Zəfər qürurunu yaşadığı bir vaxtda olduqca gərəkli vəzifələr müəyyənləşdirib. Qurultayda müzakirə edilən məsələlər istər ayrılıqda, istərsə də vəhdətdə partiyanın yeni bir mərhələdə olduğunun göstəricisidir.

Paylaş:

Baxılıb: 625 dəfə